نسيت اقولك المدراس مجانية تبدا من 5 سنوات لكن الحاضنات هي الي شوي غالية
الان العالم كله بدا الصيف فيه حتى باريس ماعدها هنا ايرلندا مازال الجو بارد صح اخف من قبل لكن مازلنا نلبس شتاء

الله يجزاكِ خير اختي شطيرة
ماقصرتي اذا احتجت شي اكيد ماراح اتردد
الله يسعدك ويسخرلك زوجك وبناتك ويهديهم
وعقبال ماتشوفينهم عرايس وتعزميني بعرسهم

السلام عليكم اخواتي عذرا بدخل ع طول دعواتكم لنا بالتوفيق سفرتنا لدبلن الجمعه القادمه بإذن الله طمنوني والله سجلت ابي احد يرد لي عن الامن والحجاب و الحياة بدبلن ومعي أطفال ياليت تفيدوني فيه شي توصيات أو أغراض ماأحصلها هناك وش حال الاطفال بالطياره لاني أول مره أطلع برا أنا وزوجي وأطفالي وأطفالي أول مره يسافرون بالطياره وش احتاج لهم وهل فيه حليب بروجرس وبيوميل أو أخذ احتياطاتي خصوصابيوميل لان بنتي باقي شهر وتكمل سنه بإذن الله أتمنى تساعدوني ولا أملك لكم الا الدعوااااات

الله يسعدك على الدعوات وان شاء الله لك بالمثل
حياك بدبلن زحة مطر ارتاحي دبلن كثير كثير المتغطيات من امارتيات وسعوديات
على اي خطوط جاية ؟؟؟؟؟؟؟والحليب لاتخافين عندك بروجرس نفس السعودية اصلا هو انتاج ايرلندا البسو لبس صيفي
لكن خيلي معاهم جاكيتات لان الجو مو مضمون
انا طريقتي لكل وحدة من بناتي شطنة مدرسة الي سحب واحط فيها لبسه غيار وجاكيت واي شيء يحبونه من كيك او عصير
ايريح لي من شيل شنطة كبيرة في الطيارة وكل وحدة تسحبها في المطار الله لايهينها (اصلا يستمتعون اذا كل وحدة معاها عفشها)

الله يجزاك خير ويسعدك ويحقق اللي ببالك باين عليك تحبين المساعده وحنا بإذن الله بنروح ع خطوط الاتحاد وياليت اذا تعرفين معلومات عنها تردين لي والمعذره طولت عليك وازعجتك ...