عزيزتي روحي انت
اخت قمر سلومي ماقصرت
بس حبيت انبهك ماتنسين العربيه لانها مهمه وخاصة الخفيفه اللي تتسفط حقة المطارات جدا بتحتاجينه وقت المطار
انا جبت 2 وحده للمطارات والاسواق المقفله ووحده كبيره الللي تتسكر لان طفلك بايبي وتحتاجينه وقت الثلج والهواء والامطار لان جوهم جدا متقلب واتوقع هو بتستخدمينه كثير لانه صغير ولاتنسين اللي يجي مع العربيات الغطاء البلاستيك جدا مفيد
واذ جيتك خلال هالشهر فالجو هواء وامطار واذا بعد شهرين وزياده يمكن يصادف ثلج
ولاتكثرين في الملابس لانه هنا فيه كل شي ماعدى حجابك وانا مااعرف كيف حجابك اذا كان عبايه فخذي اللي قماشته ممتازه ماتتنتش والا يتففك خيوطه ترى كثييييير تورطو وانا اشوف بنات يبلسون عبايه سوداء بس اكمام مشجره وتلبس حجاب زهري او تمري وحجاب نمري وشكلها كثير مرتب
واما اذا بلايز فهنا كثير او مركز النمر
وعلى فكره جيتك بتكون تخفيضات فاذا ناقصك ملابس برد هنا رخيص فيه محلات زي زارا او المحلات اللي ذكرناها قبل وهي كثيييير رخيصه
وليتك تقرين من بداية التجمع عشان تستفيدين
فريندز
•
ما شاء الله الأخوات ماقصروا الله يعطيهم العافية. أنا لي شهر وهذه فعلا الاشياء اللي راح تحتاجينها. بس أنا من راي لا تكثري ملابس يعني خذي اللي عندك لان هنا كل شي موجود استغلي الوزن للتمر والقهوة اهم شي
. أنا جبت معي بهارات مع ان متوفرة بس الايام الاولى صعبة شوي وعلى بال ما تعودي على المنطقة وتعرفي وين تلقي الأغراض. مكن تجيبين معاك أدوية لطفلك مثل الفيفادول او غيرها لان هنا كل شي بوصفة طبية والمواعيد مو سهلة، او حبوب منع الحمل خذي للشهرين اذا انت ممن يحتاجها.
والله يعينك و يوصلك بالسلامة.
. أنا جبت معي بهارات مع ان متوفرة بس الايام الاولى صعبة شوي وعلى بال ما تعودي على المنطقة وتعرفي وين تلقي الأغراض. مكن تجيبين معاك أدوية لطفلك مثل الفيفادول او غيرها لان هنا كل شي بوصفة طبية والمواعيد مو سهلة، او حبوب منع الحمل خذي للشهرين اذا انت ممن يحتاجها.
والله يعينك و يوصلك بالسلامة.
مساء الخير يا بناتات و حريمات من زمان وانا في المنتدى بس اول مرة توداي اشوف التجمع انا ساكنة في مدينة دروقهيدا والله اسمها بالعربي جدا قبيح DROGHEDA في اي وحدة ممكن اتعرف عليها ساكنة دروقهيدا والله هاليومين عندي نفسيات ممكن تخفف علي شوية
الصفحة الأخيرة
وعليكم السلام ورحمة الله وبركاته
لاتخافين السعوديين بجالوي كثير
خاصه اذا زوجك بمعهد gmit وبتسكنين في المجمع
الخاص بالمعهد اغلبه سعوديين
صراحة احنا يوم جينا ( لنا شهر الان بالضبط ) خلينا شنطتين خاصة للمطبخ وحدة للمواعين (الدله والابريق وترامس القهوة والشاي وفناجيلهم وجبت معاي اغراض بسيطه للمطبخ اللي اشوف اني باحتاجها وماكثرت يعني 3 قدور مختلفه احجامهم طبعا اللي يكفي لنفرين لاني انا وزوجي بس وجبت كم صحن ميلامين وصحن الرز الكبير وملاعق وتبعاتها بس ماكثرت وجبت بلاستيكات احتياط بس مااحتاجها كثير واهم شي السفرررررة كثريلانك ماتلقين هنا الظاهر،، حتي اخذت معي خلاط الكاس واحتجته كثير )
ووحدة مؤونه (تمر اهم شي وجيبي المكنوز وقهوة وجيبي العلاجات الشعبيه مثل المرة والحلتيت والرشاد .. الخ اللي تحسين انك يمكن تستخدميها ولاااتكثرين اذا احتجتي شي يمديكم تشحنون بعد كم شهر عادي،، وكمان طحين بر مع اني شفت هنا في السوبرماركت في قسم الطحين كيس مكتوب عليه brown يعني بني ولا ادري هل هو الطحين البر او لا ماجربته ،، وبالنسبه للرز والسكر والشاي هذا كله موجوووود فيه بقاله عربيه تبيع اشياء مكتوب عليها حتي بالعربي وتبيع اللحوم الحلاال وعندهم الاشياء اللي نحتاجها يالمغتربين ،، ونصيحة لاتجيبين معلبات لان كل المعلبات الضروريه موجودة بالبقاله العربيه وفي السوبرماركت يعني استغلي الوزن بشي ضروري)
ولاتنسين سجادة ومصحف وبالنسبه للملابس شكليهم صيفي وشتوي لان احيانا داخل البيت دااافي واتوقع جيتك يكون فصل الشتاااء يعني بررررد استعدي
واستخدمي اكياس الشفط احسن لك
وضروووووووري تجيبي معاك شطاف الوضوء لان دورة المياه اللي هنا -اكرمكم الله- مافيها شطاااف.
اسفه طولت شوي لكن حاسه فيك لاني مريت بنفس حالتك كنت اسال وابحث ولكن اقري بالموضوع هذا في الصفحات السابقه تلقين اشياء تستفيدي منها
والله يوصلكم بالسلامه حبيبتي..