سمتي التفائل / تسلمين ع النصائح وراح آخذها في عين الإعتبار
شيماء / طريقتك في تغليف الشفاط مره حلوه ومفيده بأجربها إن شاء الله ... وترا متشوقه أطل على مشاركتك في مسابقة طفلي لكن ما عاد أشوف شي من النوم بكره أشوفها
كايداهم / مشكورة ع الصور وعلى نصائح الله يسعد قلبك وطريقتك في تغليف الأجهزه مررره جناااااان من جد ما تخطر على بالي ماشاء الله عليك
بسماتـ / والله غطيتينا بجميلك يا شيخة الله يسعد قلبك ويبارك في عمرك
أنتوا اللي بتساعدوني بعد الله سبحانه وسامحيني تعبتك معي

صباح الخير مين سهران معايا >>>بنتها مسهرتها

ام زياااااااااااد ياقلبي انت ايوه كذا الشطاره الله يحرمك وجهك عن النار
ويزيدك نشاط وسناعه الله يسعدك ان شاء الله
ماشاء الله عليكي سنننننننننننننننننننننعه وبقوه لان سطح الدولاب والشفاط يبغاله سناعه وقوة اراده
ومستنيه الصور

شذا حبيبتي الليله صورت اشياء بسيطه كبدايه وكل يوم اعطيكي فكره للتنظيم الين اسمع انك سيطرتي
على كل شي عندك ابغاكي تفرحينا انا والبنات بانجازاتك

اسمعي

اول شي وقبل كل شي فضي مخزنك من الكراكيب والي ماتبغيه ارميه وبدون تفكير ضروري اما اللحف
والمخدات شوفي الطريقه هذي راح تنفعك ترى سويتها قبل شويه عشانك

اول شي شوفي هذي السجاده عندي في مخزني ومقاسها متر في مترين عشان اوضح لك التنظيم
انا اتخيلت انها مخزن شوفيها




شوفي اللحاف سويته بطريقه شفط الهوا والكيس الصغير نفس الطريقه للملابس الشتويه
شوفي الطريقه بالتفصيل




دخلت لي المكنسه وجهزت اللصق شفطت ولصقت على طول بس ابرمي الكيس لاتخلي مجال للهوا يدخل




ولمن لصقت قلبت طرف الكيس ولصقت عليه عشان مايتفتح ابدا




وهنا الكيس الصغير للبس الشتوي حطي كذا لبسه مع بعض واشفطي وبنفس الطريقه




هنا شوفي اتخيلت مخزنك ولاحظي اللحاف سوي اللحف كلها كذا ورصيها فوق بعض
وجنبها اكياس الملابس الشتويه ورصيها فوق بعض وحطيت شويه حاجات الي جا في بالي وقتها
مكنسه كهربائيه ومنظفات وسطلين الصابون التايد والاريل وانت وترتيبك

ههههههههههههههههههههههههههههههه

بنتي طلعت في الصور خخخخخخخخخخخخخ اقسم بالله مانتبهت يلا ماعلينا

الي بعده لما حيترتب المخزن ساعتها روحي لدولابكم طبعا اللحف والملابس الشتويه خلاص زي ماوريتك
في اكياس وعلى المخزن اما ملابس التعليق الملابس الخفيفه حطيها في اخر درج من ادراج التسريحه
اقصد القمصان ارتب في الدرج الملابس الخفيفه والقمصان الخفيفه والقصيره ماتبان مرتبه في الدولاب
وانا سويت طريقه في دولابي تعرفي العلاقه الحديد الي نعلق عليها الملابس زودت وحده يعني قسمت الدولاب قسمين
الي فوق للبلايز والي تحت للتنانير والله لو زوجي صاحي كان صورتها بس ابشري بكرا اصورها على عيني

وشراريب زوجك افرزيها القديمه ارميها على طول والجديده رتبيها حسب الاحتياج يعني الرياضه او حق العمل

هذي سله لولدي ممكن تجيبي زيها




حطيت شراريب المدرسه على جنب البيضا والملونه للخروج مع بعض

اوممكن علبه زي هذي انا جبتها من ابو ريالين ب 15 ريال




بالنسبه للعلب البلاستيك انت طلعيها كلها وحطيها حسب المقاس جوا بعض
ورتبيها على رف القزاز الي في مطبخت والعلب لو في شي قديم ارميه
وممكن بعض العلب تستفيدي منها في انك ترتبي اكسسواراتك لو كانت العلبه نظيفه وحلوه
وممكن انك تزينيها حتى لو بشريطه بس زي كذا

علبة شوكلاته فيريروشيه وزيتها بربطه للشعر ما ابغاها وممكن تحطيها في درج التسريحه
وترتبي كل اغراضك



وهذي علبه ثانيه ربطتها بشريطه وحطي في العلبه اي شي انت ونظرك




هذا الي قدرت ارتبه دحين ويارب ما اكون قصرت في شي لكن وعد مني ان شاء الله
ارجع بافكار برضو من بيتي اتمنى انها تساعدك

لاحظي انا حاولت اني ما اطلب منك خروج او انك تقضي وانت في بيتك
تريب بس وانا متاكده انك راح يصفى مخك وراح تسوي اكثر واحسن وافضل من الي وريتك هو
انا متامله فيكي
واتمنى اول رد لك بكرا يكون بشرى لتنظيم مخزنك ودولابك

في انتظارك يا شذا معطره مجموعتنا بعطرك

وهذي الشوكلاته لك >>>جالسه تتقهوا على اخر الليل ههههههههههههههههه

الله يعطيك العافيه يابسوومه والله استفدت انا منك
الله يجزاك الجنه يااارب

السلام عليكم :)...صباح الورد والفل والكادي ..
هذا الرد كتبته امس وغلبني النعاس وحفظته ..

السلام عليكم ..يامسا الانوار الفوللي ..
كيف السنعات الذربات ماشاء الله عليكم الله يجعلها دوم ولا يغير عليكم ..

بعد ما سبتكم وصليت الظهر سويت مشخول تونة للعشا مرة وحدة والعصر نزلت بيت اهلي
قال ابوي ايش رأيكم ننزل السوق تشوفوا اقمشة قلنا تم ..
وناس دلونا على سوق البدو وقالوا فيه اقمشة خطيرة ورهيبة ورخيصة رحنا ايييييييه يالطيف الطف بعبادك يارب
زحمة وقرف وياريت حصلنا الي نبغاه اول شي جلسنا نلفلف بس نبغى نلاقي المحل الي دلونا عليه
وبعد ما وصلنا بالسلامة عنده قطع محدودة واذن العشا روحنا بيتنا <<<<تيتي تيتي زي ما رحتي زي ما جيتي
وكنا قرفانين من حالتنا لان الشوارع مسحتها عباياتنا
وغير الحر وولد اختي يبكي ويصيح ومارضي يمشي وهي حامل تعبانة الله يسهل عليها وعلى كل حامل ..
وشوية اشيله وشوي اخليه يمشي الله يهديه
وماصدقت وصلت البيت اخذت دش صليت العشا وسخنت العشا وجا ابو الشباب عشيتهم ولقيته جالس على جهازه جيتكم كتبت الرد وقفلت الجهاز ..

هدوء ...كيفك وكيف ايامك لك وحشة يابت
الله يجزاك كل خير فلاش اكثرمن رائع والله يحسن خاتمتنا ويمتنا وهو راض عنا ..

دنيتي راما ...ماشاء الله تبارك الرحمن عليك سنعة يابت عقبال ما نفرح بيك وتكرفي في بيت العدل ..

كايداهم من جمالي ...

خجلانة كتير مابعرف احكي هلق ...
شوفي ياطوية العمر مرة قريت في المنتدى ان الزيت حق القلي المستعمل يشيل الدهون وجربت نفع معاي
احط الزيت في زبدية صغيرة واغمس الفرشة فيه وافرك الشفاط وبعدين احط فيري وموية وافركه بالاسفنجة..

ماشاء الله عليك ياحرمة الله يعطيك العافية على هاالصور وحركة التغليف جازتلي ان شاء الله اطبقها ..


شيماء ...
بصراحة ماشاء الله تبارك الرحمن انتي والبنات مشاركاتكم اكثر من رائعة واستفدت كثير الله يبارك فيكم جميع
وان شاء الله ربي لو اعطانا عمر ورزقني ببيت اكبر وخصصت للنات غرفة اسوي زيكم ماعدا الصور ..

اما انتي يابسومة
لازم لازم اتعرف عليك <<<وحشتني دلة القهوة ( مصلحجية الاخت )
لابجد عيني عليك باردة الله يحفظك ويستر عليك ..

شذا المجد ..
البنات ماقصروا ماشاء الله عليهم ...وعاد استحملي اسئلتي ..
كم عندك اطفال ؟؟؟ وهل الدولاب مكان التعليق فيه رف ولا لا ؟؟؟
والطلب الي بطلبه منك قوي قلبك والملابس الي لكي فترة ما تلبسيهم وماعاد تستنفعي منهم تصدقي بيهم
وبيكون عندك وسع الله يوسع عليك ويرزقك من حيث لا تحتسبي ..
الشراريب تطبيقي لها زي بسومة بس انا حاطتها في علب الجزم ان شاء الله اذا قدرت اصور لك ياها وتشوفيها ...