ماشاء الله عليكم
بسومه ياعسل انا اقول وين مختفين طلعتوا هنا
مشتاقه لكي وللبنات كلهم

دلع جده
هلا حبيبتي كيف حالك
ام شهد
ماشاء الله الفيليه يجنن شكله تسلم يدك وبالعافيه عليكم يارب
وايف
اهلين حبيبتي اسمعي انا اقترح عليكي صناديق او كراتين افضل من الاكياس
لان الاكياس تحوس وماتبان الرفوف مرتبه والله يقوينا واياكي انا برتب مخزني بالصور
واتمنى تستفيدوا منه بس بصراحه انا مخزني مافيه اغراض كثير لاني ما احب الم
الي ما احتاجه ارميه على طول احاول اخفف قد ما اقدر

كالوري
ههههههههههههههه ياقلبي دمك خفيف اقول لصقي الكرتون بنفس الغراء
في الجدار خخخخخخخخخخخ اسمعي العلم يابنت الاجاويد خلي الباب مفتوح ورشي مبيد
وروحي وهي تطلع برا من الكتمه ههههههههههههههه وتطلع وهي دايخه وتقول ما عاد
اطب بيتهم هالكالوري يلا شدي حيلك الاسبوع الجاي مخزن الله يعين

ام الهنوف

كيفك ياقلبي وكيف بنتك دحين راحت المدرسه الله يحفظها لك يارب

الامل بالله وحده

كيفك ياقلبي الله يهنيكم بسفرتكم وترجعي بالسلامه
دنيتي راما ياقلبي انت كيفك حبيبتي الله يحفظك لااهلك ويرزقك برضا امك عليكي
ولا يهمك المره الجايه كرتوون تويكس لك

هلاله كيفك حبيبتي
جوري

هلا حبيبتي والله انا اعرف ان في بنات زيي عندهم مخازن والمسأله بس
يبغالها تشجيع ولا كان ممكن نشتغل من غير مانتجمع لكن الشغل مع الجماعه رحمه
لان في اشغال تكون صعبه وثقيله واحنا هنا نساعد بعض اننا ننجز ونفتخر بالي نسويه
مافي زي لما تكون الوحده عندها اصرار على الشغلات الثقيله انا عن نفسي اكرهها
ولا احبها ومعاكم ارتاح وانجزها لان لو ما اتشجع معاكم كان ولا دخلت مخزني الحمد لله
على كل حال والله يسعدك ويحفظك

دمع ونزل

ياقلبي الله يكون في عونك يارب وترى معروف اول طفل ماعندك خبره وانت كنت مسئوله
عن نفسك ودحين عن طفله بالعكس ضميها واقلبيها على بطنها اتاكدي انها مو لسا جيعانه
افتحي حفاضتها وخليها ساعه من غير حفاضه عشان ترتاح منها كلميها شغلي قران في
المسجل عند راسها طول الوقت والله ترتاح بس انت اعطيها من قلبك ولا تتذمري هذي
بنتك قطعه منك الله يخليها لك ويحنن قلبك عليها يارب

ام زياد

لالالا حرام عليكي لاتقولي كذا ترى يتهيألك انا اقول لك شي وانت شوفي تقتنعي بكلامي
ولا لا
تخيلي لو عندك شغاله يجيكي دا الاحساس اتوقع لا انا كنت كذا ما احس مع الشغاله
ان البيت مو نظيف لكن لما احنا نقوم بالبيت نشوف كل شي وكل شي على عينك وانت بس
الي تحسي بدا الاحساس ومو صحيح لو كذا والله ياشيخه ما امسح بلاطه في البيت
ياقلبي لاتخلي الاحساس هذا يسيطر عليكي انت بيتك نظيف وتسلم يدك
ويسلم قلبك ان شاء الله وكل شي عند الله مايضيع لكن شرط احتسبي الاجر وسوي الي عليكي
بالمعقول مو ارهاق وهدة حيل حبه حبه كل شي يجي ويترتب وترى محد محاسبك
ولا احد داري عنك انت لاتكوني على نفسك بالمرصاد وتحمليها فوق طاقتها احنا بشر مو مكاين
لكن الشغل بالعقل وبس الله يقويكي ويديكي العافيه ويرفع قدرك

اهلين حبوبه الدلوعه لايكون في تجمع غير

قوليلي خخخخخخخخخخخ

الله يحييكي وحشتيني

جدول المخزن

اول شي اساسي نهوي المخزن كل يوم نفتح الشباك من الصباح للظهر

السبت

تنظيف الشباك + تنظيف المروحه + وغسل سلة الملابس + تنظيف رفوف المؤنه
وترتيبها ورمي ما انتهى تاريخه

الاحد

تنظيف جدران المخزن +باب المخزن+ ترتيب وتنظيم رف الجزم

الاثنين

تنظيف وتنظيم رفوف المخزن ومسحها + تنظيف المكيف ان وجد

الثلاثاء

تنظيف اي اجهزه موجوده فريزر او ثلاجه او براده + تنظيف الغساله

الاربعاء

غسيل بلاط المخزن

على فكره انا ما اعرف نظام مخازنكم بس لان انا عندي مخزن غرفة صغيره مره
وغرفه فيها الغساله وثلاجه صغيره والبراده
فسامحوني لو في تقصير وكل وحده تنظف مخزنها على حسب حجمه وطريقته
انا مخزني متعب شويه فيه شباك ومروحه وستاره فشكلي راح اخذ فيه وقت الله يعين
وبما اني المخزن عندي محتاج تنظيف من قلب فشكلي راح اجلس الليله على الغسيل واخلصه
يلا بروح احط اول دفعه اشوفكم على خير ان شاء الله الصباح ابدا في جدول ام الحلوين
وراح ادمج معاه شغل المخزن شكل الاسبوع الجاي حافل لان حتى الصاله يبغالها تنظيف

الرد الثاني جدول للعنايه بالابناء

سبت +الاحد + الاثنين+الثلاثاء +الاربعاء

صلاة الفجر +تلقينهم الاذكار + اخذ عسل مع ماء وحبه سوداء +مع تناول وجبة الافطار
+ توديعهم للمدرسه وتذكيرهم بدعاء الخروج+الظهر استقبالهم
وعمل شربه او سلطه فواكه وجبه خفيفه + راحه لهم لمده ساعه +مذاكرة الدروس +
الصلوات في وقتها الاولاد على المسجدوالبنات يصلون على طول + تلقينهم اذكار المساء
وبعد العشاء تناول العشاء وترويش وتلقينهم اذكار النوم + تشغيل قران في المسجل
قبل النوم الى ان يناموا +مع تقبيلهم قبل النوم

الخميس

الصلاوات في اوقاتها +والمحافظه على الاذكار الصباح والمساء + قراءة قران وتصحيح التلاوه
الخروج للتنزه +قراءة القصص + جلسه ترفيهيه مع الاهل مع ممارسه العاب مسليه لهم

الجمعه

الصلوات في وقتها +تذكيرهم بفضل الجمعه وقراءة سورة الكهف +ترديد الصلاة على الرسول
صلى الله عليه وسلم وذكر بعض قصصه وبعض سننه فهو معين لنا في حياتنا

كل جمعه دوريه على """"

1 الشعر نظافه وعنايه كامله وقص ان احتاج

2 قص الاظافر للايدي والارجل مع دعكهما بالليفه

3 تنظيف الاذان ولا ننسى الاذن من الخلف

هذي الاشياء الثلاث احيانا ننشغل عنها فتكون اساسيه كل جمعه
وتكون قبل صلاة الجمعه او اي وقت الموهم تكون الجمعه
اتمنى الفايده لكم والله يحفظ عيالكم ويرزقكم برهم

في امان الله