اهلين بنات رجعت من جديد
طبعا فطرت ابنى وبعده جهزت الغدا والان جالسه انتظر الشباب يجون واغديهم وبعده ارجع على المستودع
اكيد اشغالى المعتاده خلصتها الفجر ومابقى اى شى عندى
تصدقون ماعاد اهتم من الغسيل والكوى الحمد الله من ركبت الغساله والنشاف الحرارى وانا مبسوطه ومرتاحه انصكم يابنات الى تقدر اول شى جيبيها ورتاحى خاصه الى تغسل يوميا
خبيبتى رؤيا تعجبنى موضيعك كثير بس انصحك بنسبه لعيالك اذا هم كبار لاتذاكرى لهم خليهم يعتمدو على انفسهم
انا كنت زيك ويمكن اكثر بس الى غيرنى كلام المدرس لزوجى بانو لاز م الطالب يذكر لحاله وهو مثل على قريب لها بانو لان وهو بثانوى لازم امه تذاكر له وهذ خطا
ولان اخليهم يذاكرون وبعدين بس اراجع لهم
اتمنى مااكون غثيتك بس حبيت انبهك وتسلمين

:p

اهلن ام الحلوين 2009 كيفك ان شاء الله تمام والله يسهل سفرتكم
والله انك صادقه ان بعد فاقده شيماء وينها ان شاء الله تكون بخير

اسمو بحجابي

أفا عليك يالغاليه ما غثيتيني

بالنسبه لعيالي الولد بالخامس والبنت بالرابع يعني فرقيه بينهم سنه وحده بس

وما عندي غيرهم ..

انا اعتمد عليهم بشي واحد بس انهم يكتبون واجباتهم بنفسهم

لكن التحضير علي والمراجعه علي

يعني احضر الدرس قبل ما ياخذونه عشان يفهم الاستاذ وش يقول وعن وشو يتكلم

ونفس الوقت تزيد نسبته بالمشاركه

والبنت نفس العمليه وبنهاية الاسبوع يا اختي وش اسوي

اشوف كل الدروس الي حضرتهم لهم والي فعلا عطوهم وشاركوا فيه والحمدلله امشي عليهم

على السريع يعني مراجعه سريعه على ما سبق وتكلمنا فيه

لكن صدقيني وقت الامتحانات عيالي الحمدلله بالطريقه الي ماشيه عليها

تمام بسرعه بسرعه اخلص من مراجعتهم

لكن الي ذابحني اني اقعد احاتيهم كثير وهم عادي بس ما ابين لهم

بالنسبه للجدول ما ابين اني اشيك وراهم يعني وقت ما ينامون

عشان يعرفون اني اعتمد عليهم لكن اخاف ان المعلمه تحرج بنتي

استغفر الله العظيم قبل سنه تقريبا احرجتها تقول لها يا بهيمه

ما ادري كيف حسيت بنتي انجرحت منها مع ان نبهت المعلمه وقلت لها

عن تصرفها لكن انا من النوع الي يا الله كثير متشدده مع نفسي

يعني اي شي يحصل اقول يا فلانه تراك مقصره وش بيصير عليك لو كنتي مشيك على الشنطه

وراهم ... من كذا من هذيك السنه صرت على هالحال .. اشيك وراهم

والحمدلله رب العالمين

بالنسبه للمجفف الحراري هههههه

ايه والله انك صادقه

ما اتخيل كيف كنت عايشه قبل بدون المجفف عن جد راحه

الحمدلله رب العالمين وسعره مره حلو انا خذيته بألف ريال وقت التخفيضات سعته خمسه كيلو

ومرتاحه بدل الوقفه بالشمس ونشر الملابس والي عنده شقه الله يعينه على المنشره يا تطويها

يا تفتحها وهذا كان حالي على ايام ما كنت بشقه

الله يعين انصح البنات الي ساكنه بشقه انها تشتري لها المجفف ما فيه خساره بالعكس

اشتري وانتي مغمضه ..

ام الحلوين ياهلا وغلا ومسهلا الله يسلمك حبيبتي بنتي تمام الحمد لله تعافت ...ما شاء الله عندنا ثنتين ام الحلوين ولا انا غلطانه

اقول اسمو انتي ورؤيا ترى دخلتوا المجفف الحراري براسي من زمان وانا افكر فيييييييييه بس تراكم اقنعتوني ...