السلام عليكم ورحمة الله وبركااااااته

اولا .. وحشتوووووني .. وحشتوووووني .. وحشتووووني ..

اشتقتلكم واااااااااااااااااااااااااااااااااااااااااااااااااايد

اخباركم ؟؟ علومكم ؟؟ شو صار شواستوا بلاي ؟؟

صار لي 3 ايام ما ادخل والله مشغووووله ..

امتحانات العيال ويا الزغطوط مالي ماشاء الله عليهم الله يحفظهم جميعا ..

شو الي طافني خبروووني تراي ما اعرف شي غيــــــر

هدوء النبض :26::26: عظم الله اجركم .. وصبركم واجاركم في ما بتلاكم ..
وغفر لميتكم واعانكم واعان والدتكم وعوضها بخير منه ..

بكتب لكم امس وش سويت

الله يسلمكم

كالعاده صحيان على اذان الفجر

صليت والحمدلله قرأت قرآن صفحه وحده بس لضيق الوقت على الفجريه عندي ترتيبات

للمدرسه ..

المهم اني خلصت وتوكلوا على الله وزوجي كمان راح دوامه

وش سويت ؟؟

كبرت المخده وسحب نووووووووووووووم

ما سويت شي ابد ابد

بالفتره الصباحيه

مع ان لا رتبت البيت بعد طلوعهم

ولا شغلت الغسالات سواء الملابس ولا المواعين

ولا شي حتى طبخ ما طلعت شي

امس الصباح الله يسلمكم

مدري وش كان فيني كنت نعسانه

المهم توني اليوم الصباح تذكرت ليه صادني الخمول امس

انا فيني نقص الخميره

وامس الصباح الاخت الكريمه راحت المطبخ وسوت

هذاك الفطور الي ما يحتاج

فلافل مسويته جاهز وبالفريزر اطلعه و اقليه

وفول وخبز حار الله الله مع فلفل واااااااااي

واتحمس زياده على الشاي بالكشري بعد الفطور

كلها الله يسلمكم ساعه

وانا بحاااااااااالة خمول

كلللللش ما يصلح لي هالاكلات

بس انا ترا المفضله عندي خصتا الفول المدمس

اموت عليه ويا حبذا لو عليه كم حبة حمصايه وزيت زيتون

المهم ان نمت بسبت الاكل الي ما يصلح لي بحالتي المرضيه هذي

الحمدلله على النعمه

واقعد الساعه كم ؟

الساعه 12 الظهر

وااااااااااي ما جه ببالي الا شي واحد اني تأخرت على الصلاه

واصلي وانتظرت وقت خروج عيالي وجبتهم الحمدلله

وأكلتهم تونه مع خبز وقلت بسوي لهم عشاء معتبر الليله

وبس يا خواتي

من بعد الغداء وانا حااااااااايسه بالبيت

ابتديت مع مذاكرتهم

وبعدها دخلت المطبخ طلعت سمك كنعد ليش اني ما طبخت الغداء

فزوجي بيسألني وش طابخه اليوم وانا ما ابي اقول له اني ما شلت لك شي

قلت بسوي له وبسوي للعيال مره وحده للعشاء

بعدها دخلت غرفه غرفه ترتيب ومسح

ترتيب ومسح

الين ما خلصت

طلعت المكنسه

و كنست وبعدها كويت الملابس الي خلصتهم

لاني بعد صلاة الظهر شغلت الغسالات

وبعدها يا خواتي دخلت المطبخ

وسويت ناشف كنعد والحمدلله تمام التمام عجبهم مرررررره

وشطبت على المطبخ ومسحت وخلصت الا والساعه سبعه بالضبط

بس صحيح اني ما قعدت طول هالفتره ومشغوله

بس اللاب توب معاي وين ما اروح

شغلت لي اناشيد

ومره ادعيه

ومره سوره قرآنيه

الين ما خلصت والحمدلله

اخر شي الساعه سبع المساء كنت ابي اتروش قبل ما يجي زوجي

اخذت معاي العده

و الحمدلله غسلت الحمام كرمكم الله وبعدها تسبحت وتشيكت والحمدلله رب العالمين

انقضى اليوم على خير

ثواني وراجعه لعيون ام علي وباقي الخوات عشان اقول لكم عن الاهتمام بالنفس

السلام عليكم ورحمته الله وبركاته
وشلونكم عساكم طيبين وش العلوم ان شاء الله تسر الله يديمه علينا وعليكم
ننتظرك رؤيا لا تتاخرين

سلام عليكم بنات

بنات انا توني رااده من المستشفى لان بنتي منومه ابيكم تدعو لبنتي مريضه حتمال يكون عندها
فيروس الخنازير

وانا طلعوني لان عندي بنونه صغيره

لاتنسو بنتي ريم من الدعا الله يجزكم خير

سمحولي زعجتكم بس محتااااااجه دعااااااكم

بقول لكم شي بس لا تضحكون

ما عندي جدول تنظيف يومي ولا اسبوعي

ماشيه تمام الحمدلله

يمكن لاني متعوده على هالشي


الي اقصده ان يكون مكتوب عندي كتابه

انا اعتمد على الشغله هذي يبي لها اليوم او لا وهكذا بس اعتقد ان مو الكل يقدر يسويها لان بعض الحريم عندهم اطفال ووشوشه بالافكار فبتكون مو مركزه تركيز على وش الي تحتاج له اليوم تسويه


عموما انا من النوع الي ما احب مثلا المراوح عندي تغبر مره عشان انظفهم

يعني بين فتره والثانيه بما اني اكنس

امرر عليه المكنسه بالمره من كذا ما عمره غبر عندي شي لا الجدران ولا الستاير

خصتا ان مكنستي نوعيتها زينه يعني الفرشاه الي فيه تمام و العمود مدري وش يسمونه يعني طويل يوصل كل مكان وبسهوله

بالنسبه لمراوح التهويه بالمطبخ والحمامات كرمكم الله نفس العمليه ما اخليه يغبر بس عاد مو بالمكنسه لا اجيب الدرج وانظف

فوق الثلاجه والدواليب والشفاط اما المروحه العاديه بالمطبخ يا خواتي لا ما استخدم له المكنسه احب اني امسحه مع بام او اي شي مزيل للدهون

عموما هالاشياء اسويها بالاسبوع مره وحده ما اخليه اطول من كذا عشان ما اتعب بتنظيفه

كل ما يكون الاشياء اشوي وسخه كل ما نختصر الوقت والجهد بإتمام العمليه الجراحيه ههههههه:22:

طيب خلونا من التنظيف الآن بقول لكم

انا عندي بدل الجدول تبع التنظيف البيت عندي الاهم جدول لي انا نفسي وهذي عاد مكتوبه على الورقه


قبل كنت اتكشخ خميس جمعه سبت

خميس زوجي نص دوام وجمعه وسبت اجازه

فكنت استغل فترة وجوده واتكشخ بالبيت

بعدها لاااااا

صرت يوميا والله غصب غصب اسوي هالشي الين ما خلاااااااص تعودت

لو اكون هلكانه ما اخليه يجي الا وانا على سنقة عشره

وش الي غيرني ؟؟ يا ترااا

اولا : وحده من البنات او اكثر من وحده ذكرت بموضوع لها او يمكن رد عادي

بس انا استوقفني ردها و انتبهت على هالشي واثر فيني مره

قالت : الزوج ما يتذكرك بشكلك وجمالك وشياكتك بليلة العرس

يتذكر شكلك بأخر وقت لما شافك قبل ما يطلع من البيت :eek: وشووووو ؟؟ معقوله هالكلام

الدليل لما الزوج يطلع من البيت وانتي لابسه شي حق التنظيف بما انه الصباح وانتي مشغوله

لما يرجع للبيت ويلاقيك عادي ما سويتي شي بشكلك وبهدلتك طول اليوم بتلاقين ان عنده خلاص فاقد الامل ان يحصل حرمه بالبيت مو ربت بيت قلت حرمه او انثى ..

الرد الثاني الي استوقفني : لا تقولين والله ما انتبه لي وانا متزينه

مو شرط ان يقول لك اهم شي يحس انك بنت مو شغاله لابسه يونيفرم وتدورين بالبيت

يونيفرم !!! ايوه الجلابيه حقت البيت بالنسبه للرجال يونيفرم لربت البيت او البيجايم

وش دخل البيجايم لابسته بالنهار ؟؟ وبالليل وقت النوم ؟؟

عساهم ينحرقون شلتهم كلبوهم :( مع اني احبهم مررررررره وارتاح لهم


بس شلتهم للفتره الليليه وقت ما اكون بالدوره .. الآن لمجرد انه يشوفني لابستهم يعرف .. ليه

طيب وش سويت ؟

لا قبل ما اقول وش سويت هذا كان اسلوبي

جلابيه بالصباح وارفعه فوق

هههههههه بدش الحداق

واقعد اشتغل وافطر معاه بعد بعين قويه :p

وبعدها لما اخلص واطبخ وكل شي اروح اتروش والبس بيجامه من البيجامات الي عندي

صحيح ان اشكالهم كيوت ومنهم بعد برمودات وكشخه بعضهم

لكن يعتبر لبس عادي جدا بالفتره النهاريه ...

اما التزيين

كريم ترطيب نهاري للوجه والايدي

وبس وبالليل احط لي كحل ان كان عندي مزاج

وعطر خفيف وبس

اما لما يكون الويكند

اوووووه كنت احط كريم اساس قبل الغداء واشوي روج وكحل ومسكرا وكل شي واتعطر خفيف

ولبس حلو بنطلون جينز تي شيرت كيوت وهيك يعني ..

ثانيا : وش الي غيرني ؟

هذا قبل ما اقول وش سويت بعدها ..

انا ما احب ازور احد كثير لضيق الوقت وكمان مواعيدي مع الناس اخاف اني اخالفها ويطري شي علينا او يجيني احد من الاهل ...

الا وحده بس الي اروح لها هي كانت بنت جارتي امممم وش اقول لكم عنها

الله يذكرها بالخير ان شاء الله

الرابط الوحيد الي بيني وبينها

اننا نفس الشي ما شاء الله تبارك الله

ما نمل من البيت والتنظيف وكل شي ومره وسواسين بامور الاطفال وش ينفع وله وش ما ينفع كل شي من هالسوالف نحب نسولف مع بعض

وان صار مثلا واكتشفنا خلطه جديده شي جديد بالسوق بعالم التنظيفات على طول بينا كونتكت

وهكذا ..

الحرمه هذي الله يسلمكم

وفرق السن الي بيني وبينها تقريبا عشره الى 11 سنه يعني فرق كبير

لكن لفت انتباهي لشي فيها

وسبحان الله احيانا الانسان ما يتغير الا من شي يجيه يتغير حاله من حال الى حال

ما شاء الله تبارك الرحمن

عمري ما رحت لها الا وهي على سنقة عشره

وفعلا حنا نداوم على شغل البيت مع بعض يعني هي تصحى نفس الوقت الي انا اصحى و بيتها تقريبا نفس الشي ونفس عدد الغرف بس الفرق ان هي عندها ثلاث اطفال واصغر واحد لسه ما دخل الروضه

عمري ما رحت لها الا ما شاء الله تبارك الله الا وهي بأحلى لبس وبأحلى شياكه ومكياج مره ناعم ومره ثقيل ومره تحط لها شباصات بشكل ومره شي ثاني مره كيرلي ومره مستشوره ومره صابغه ومره مسويه لها ظفاير كيوت ولا كأن كانت قبل كم ساعه منهده بشغل البيت

وش السر ؟؟

مزاج السالفه تعويده وله وشو ؟

قلت لها اني معجبه فيها من هالناحيه

قالت لي بكل ثقه غصب !

وشو الي غصب قالت اغصب نفسي

اغصب نفسي عشان عيالي وعشان زوجي وعشان نفسي كمان

عيالي لو جو من المدرسه واستقبلتهم الام بشكل حلو ومرتبه ونظيفه ومتشيكه

لا البنت بترضى تكون اقل من امها مستقبلا ولا الولد بيرضى ياخذ له وحده مهمله ..

ولا زوجي بيشوفني بحاله مزريه وكأن مالي عيشه الا بالتنظيف

ابيهم يعرفون اني مهتمه بنفسي ولما اطلب شي لازم يسونه لاني مو بس ام او زوجه لاني انسانه تعرف حقوقها قبل حقوق اسرتها ..

وشي عجبني بكلامها ..

قالت يا فلانه لو الله عطانا العمر ان شاء الله

ووقفتي بعرس عيالك تتخيلين وش ودك تسوين بروحك

قلت لها يلفت انتباهي لا رحت زواج وشفت ام المعرس او العروسه

بعز شبابها احس ان شي حلو ان الوحده تكون لو انها كبيره بالسن لكن عايشه حياتها بشكل حلو مهتمه وعندها ذوق باللبس وتعرف وش يحتاج شكلها من اهتمام ولبس واناقه وغيره

تذكرت دولابي :(

يا تراا وش صار على السوق

وش نازل فيه وما ادري وش اخر صيحه ولا ادري وش السالفه

هذا الكلام تقريبا امم ان ما خاب ظني يمكن قبل اربع سنين يعني

بالفتره الي كنت متعرفه عليها

وبس يا طويلات العمر

صار كل شي بالتدريج

يعني يوم ايوه ويوم لا

يعني اتشيك والبس يوم ايوه ويوم لا

الين ما خلاص تعودت وصرت كل يوم

وش الي سويت ؟

اولا كل وحده تشوف اول شي دوام زوجها ابتكلم عن دوام زوجي

يرجع بعد صلاة العشاء ..

اكون انا مخلصه من البيت نهائيا ما بقى شي ما سويته


ومخلصه واجباتي الدينيه من صلاه وقراءة وكل شي

هنا عاد اكون خلاص نظيفه يعني متروشه قبل الاذان

الي سويته اني غيرت اشوي دولابي

محتفظه بكم جلابيه بيتيه بعد ما يطلع زوجي البسهم وابتدي التنظيف

رحت السوق وشريت لي اشياء مهمه لي

مثلا عرفت من العشره الزوجيه ان زوجي يحب البنطلونات والتي شيرتات الكشخه لكن اهم شي يكون مو فضفاض

يعني تكون النوعيه مو استرج لا تي شيرت يعني القطعه مريحه مو نايلون

زوجي يحب الاسكيني ويحب البرمودات الجينز

يكره التنورات القصيره ولكن يحب الشورتات القصيره تبع النوم الي يجي طقم مع التي شيرت العلاق حقه

يحب الشعر الناعم لكن ما يحب الكيرلي

ما يحب الغره على الوجه

يحب القلوس لكن ما يحب الروج

يحب العطورات الفرنسيه اكثر من العربيه


ووووو يعني لسته عرفتها من عشرتي معه وكل وحده اخبر بإلي يحبه زوجها

رحت السوق شريت الوان اساسيه للبنطلونات الاسكيني الجينز

بني اسود ابيض ازرق بيج رصاصي

طبعا كلهم ساده

برمودات جينز شكلين مؤقتا لكن برضوا ما حبيت ان يكون فيه زخارف عشان يناسب اي شي بلبسه

تي شرتات حدث ولا حرج

اول ما ابتديت

اخذت لي عدد ثمانيه

بعدها بشهر شريت خمسه

وبعدها اربع

واسعارهم حلوه ما تتعدى الخمسين ريال او على حسب

بس انا ما ابيهم اغلى من كذا عشان حق البيت

حطوا بالكم تي شيرتات كشخه مو عاديه :30:

كل ما اشتري تي شيرت كنت اروح المحلات تبع ابو ريالين او خمس دوائر او المحلات تبع الاكسسوارات

اهم شي كنت اخذ حلق لكل تي شيرت من الجدد الي كنت اشتريهم

يعني لازم يناسبه وخاص فيه

اهم شي كمان ان سعره رخيص وعادي

بس كيوت مره وذوق

واحيانا اروح هالاماكن ما القى شي يسوى يعني ما فيه ذوق اطلع

واجيه بعد فتره احصل اللون الي ابيه

ساعات اشياء دائري فيها فص ناعم بس يناسب لون اللبس يكفي ان تكونين حلوه بالبيت ..

كنت قبل البس نعل بالبيت تبع البيجايم او نعل الخاص بالبيت

بعدها تعودت اني اشتري جزمه خفيفه وصار عندي بعد كم شهر اكثر من لون وصرت اختار وش يناسب البس على هاللبس

جارتي ما كانت تسوي كذا بالنسبه للحلق والجزم

شافتني وصارت تقلدني نفس ما قلدتها ههههههههه

عطورات

صرت ابخ من غير حساااااااااااااااااااب من الفرنسيه الناعمه

طيب ميزانيه صح ؟

خصتا بالعطورات

اكتشفت من المنتديات الخلطات المركزه الي يسونها بالنسبه للعطورات الفرنسيه

تشبه الاصليه بالضبط

رحت ادور هنا عندي بدل ما اشتري من المنتدى و تسليم واستلام وبريد وخرابيط

والحمدلله حصلت واحد يبيعهم اختار الاسماء ويضبطهم لي ويجيبهم الين باب البيت

العطر الواحد بعشرين ريال بلاااااااش

مس ديور ايلي سالي هلتون ووووو العطورات المعروفه

والله ان اضبط من الاصليه وعن تجربه دااااااااااخ الرجال بالبيت

يقول افتح المكيف اشم ريحة عطرك

وصرت ابد ما امشي الا وانا فاااااااره راسه

وصار زوجي متشوق وش بلبس او وش بيشوف علي الليله

مع العلم ان اول الايام صار يمدح

وبعدها سكت ويناظر

وبعدها تعود على شكلي

لكن الاهم عندي ان يعرف اني مهتمه بنفسي واني مو اقل من اي انثى على وجه الارض

من جمال واهتمام وروح مرحه وشياكه وعطر فواح من كل الجوانب

مره كنت تعبانه ولا اتصلت فيه

ووصل من العمل ودخل وشافني قاعده بدون شياكه

من يقول ما يهتمون الرجال ولا يعبرون ؟؟

ما شفت الا واحد مفجوع :eek: وش فيك وش صاير فيك شي ؟؟

من وقتها عرفت فعلا ان سكوته ما له اي دليل على عدم اهتمامه بشكلي

بالنسبه بالليل البس الشورتات

ايه نسيت اخبركم ان صحيح ان ما اشتري كثير لعيالي ملابس لان يصغر عليهم يعني من كل موسم وموسم بدلات للطلعات وبدلات للبيت وبدلات ننوم وما عليهم قاصر

لكن بالنسبه لي يا خواتي صرت لا على الاقل لبسين كل شهر ..

وفطل ما البس الثياب الي عندي الين ما يجي الدور الي بعده الا وهو ناسي ان كان عندي

يقول والله حلو عليك يناسبك اقول بخاطري شايفه علي مسكين صج نساااااااي:(

بالنسبه للجزم كنت امووووووووت على الجزم الخفيفه الي من غير كعب لكن للاسف ما اقدر البسهم براا البيت

لاني قصيره صحيح مو مره لكن انا من النوع الي جسمي كل شي فيه صغير هههههههههه ما ادري متوقف النمو عندي وانا بالمتوسطه الظاهر

فصرت اطلع القهر بلبسه بالبيت

يعني كنت قبل ادخل المحل واشيل الجزمه الي من غير كعب اقول واااااااااااااي يهبل شكله كيوت كان زين فيه اشوية كعب

الحين لا اخذه والبسه بالبيت بدل نعال البيت ابو ارنب مدري فاره مدري وش الشكل الي كان عليه نسيته ابو ريش :22:

شعري سويت له حل نهاااااااااااااائي

بس راجعه صليت و كملت ردي بس باقي اقرأ وردي وارجع اكمل عن الشعر والجسم وووو هذا ان ما مليتوا