أم نونهـ

فديتك يالغاليه ايه والله الله لا يبلاكم فيني رعب خصتا وقت النوم اعاني لحالي

ولما يسافر زوجي طبعا اخلي عيالي يهجرون غرفهم

اخلي واحد يميني وواحد يساري وانام بالوسط

اما سالفة بيت اهل زوجي

بيتهم القديم حاليا هم انتقلوا لبيت جديد

لكن وش السالفه ان انا اخر وحده عرفت ان البيت مسكون

هههههههههه محد قالي عشان ما اخاف لو كنت ادري على الاقل

كنت بحط ببالي شي مو مره وحده انصدم

هو كيف صار ..

ان ام زوجي الله يعطيها الصحه والعافيه كانت مريضه ومسويه عمليه

وقتها اغلبهم كان مسافر للصيف يعني رايحين كلهم مجموعه ما عدااا البعض

الي مو ساكن بالبيت

ومن بينهم انا وزوجي وقتها كنت حامل بشهرين من ولدي البكر بس ما كنت ادري اني حامل

قعدت عندها اسبوع ونص تقريبا

اول ثلاث ايام ما صار شي ابد

بس كنت احس ان وقت نومي بثقل على راسي

يعني وش اقول لك كأن احد يضغط على راسي

وكنت اتعوذ وما كنت حاطه ببالي شي ان البيت فيه شي

لكن كنت اقول ان من التعب كنت شايله البيت وغير العنايه بأم زوجي

المهم بعد ثالث يوم

كنت مره بالمطبخ

وكنت قاعده اغسل المواعين ما احس الا بشي مر على كتفي

توقعت ان حشره او وزغه نقزت من مكاني

من الخوف لكن قمت ادور لدرجة اني فصخت ملابسي بالحمام وبدلت خفت ان خش بثيابي

رجعت مره ثانيه المطبخ ادور على الارض اشوف وش كان قمت اشك وانا يا خوفي من الوزغ

المهم اني ما حصلت على شي كملت شغلي

لكن هالمره لاا مو شي مر على كتفي الااااااا طقه خفيفه

هنا مت من الخوف ناديت عمتي ام زوجي اقول لها

في احد من العيال جه وله مر توقعت احد من البزران طقني وركض

قالت لا تعوذي من ابليس ما في الا العافيه بس يمكن تتخيلين

المهم اني رجعت ونفس الحركه صارت للمره الثالثه

وقتها تعبت نفسيا عن جد

ما فيني اترك ام زوجي وما فيني اقعد جنبها وما اسوي الغدى لها بالمطبخ

قعدت بالصاله ابكي

وصادني نفس الرعشه بجسمي

وعدى اليوم على خير

ليلتها قمت اقرأ سورة البقره بالغرفه الين ما غفت عيني

وقمت على صوت بالغرفه فتحت عيوني

شفت واحد طويل واسود واقف قدامي ولاااااا ولابس لبس عربي قديم

يعني بشت وكل شي ..

بس ما مداني اصرخ الا وهو مختفي

وقتها قلت خلاص مالي قعده هنا

اتصلت على زوجي قلت له ناخذ امك ونوديها بيتنا واهتم فيها هناك ما فيني اقعد

وقعدت بالصاله وانا ميته خوف الين ما يجي ياخذني

وحسيت وقتها بشي من القشعريره يعني شعر جسمي كله قام من شي انا ما اعرفه

قمت بروح لعمتي عشان اقعد معها من الخوف

بس ما مداني مشيت اشوي الين الممر

سمعت صوت وراي كأن شي طايح ومنكسر التفت

شفت ظل بالمطبخ

رحت المطبخ على بالي ان عمتي رايحه المطبخ

وياريتني ما رحت

شفت طفل صغير والله شكله مو طبيعي

يمممممممممممه خفت بروحي قاعده بروحي الحين

تذكرت شكله ..

يعني هو شكله انسان لكن فيه شي يخوف مدري وشو

مثل العين ما فيه بياض

مدري كيف صاير او كيف اوصف لان كل شي صار بسرعه بس مو قادره الى اليوم اني

انسى ...

ايه وما فيه شعر ولا حاجب ..

هنا اغمى علي ومحد قعدني الا زوجي بعد وصوله بنص ساعه

وقتها طبعا اعترف لي بالبيت بعد حنه ورنه اعترف ان بيتهم مسكون

لكن هم تعودوا عادي صاير عندهم بس ان ما يضرون

احد ابد اجل كيف ضربوني على كتفي يقول زوجي ان هذا الطفل كان يلعب معك وش فيك انتي ما تعرفين كيف الاطفال يلعبون ؟؟

لااااااااا والله يلعب !!!!!!!!!!!


وهذي القصه وما فيها

عموما من يومها صرت ما اروح بيتهم الا مع زوجي وطبعا غصبا علي وش اسوي مجبوره ازورهم

ولما راحوا بيت جديد خليت عمتي تحلف لي ان ما فيه شي .. قلت لها متأكده ما جبتوا احد معكم ..




يا كايدهم والله انتي كمان وحشتيني مررررررررره وسوالفكم كلكم وحشتوني موت بس وش اسوي مع عالم حواء ما عاد يفتح

هههههههه يا كايدهم فهمتيني غلط ههههه

كتب مبخره غرفتي لكن رحت اتروش وطلعت والا الدخان مالي الغرفه لان الحمام بالغرفه نفسها

يعني البخار الي طالع من الحمام كرمك الله هو بخار الماء الحار الي متروشه فيه

ولما طلعت من الحمام اختلط البخار مع الدخون بالغرفه

فعلا صحيح كلامك يالغاليه البخور ما يصلح للحمامات

صحيح تعلق الريحه بالحمام كرمك الله بشكل مو طبيعي لدرجة اني افكر وش السر ؟

يعني هنا بلاط وهنا سيراميك بس الريحه سبحان الله تعلق بالحمام بالايام

قبل كنت اسويها بصراحه كنت ابخر الحمام كرمك الله

لكن مره سمعت من خالتي وبطلت على طول

الحمدلله على كل حال

بس انا جبانه لو ما كانت السالفه فيها بخور

صدقيني صدقيني ان راح اطلع لي سالفه تخوفني عشان بس انقلع للصاله

ان شاء الله راح ادعي بالدعاء الي كتبتيه جزاك الله خير و عساه بميزان حسناتك

ياااااااااااارب القاه يارب

.......

انجازاتي اليوم من نشيت ماشاء الله تبارك الرحمن :

مسحت غرفتي من برا وغسلت الحمام ورتبت البيت وسويت كم شغله والحمدلله

يلا حبوبات بسير اسوي غدا لليهال الحين بيوون

سلاااااااامي اليكن جميعااااااااااا

أم الحلوين

حرااااااااااااااااام عليك خوفتيني زياااااااااااااااده

احلفي ان فعلا يجون للي يخافون احلفي

استناك قولي لي صارحيني

ووش تقصدين يصير الخيال واقع .. يعني ممكن يجوووووووون ؟ لي وش اسوي يا ربي قاعده لحالي بالبيت بروحي وش اسوي اروح اقعد بالحووووووش

رؤيا ليه ان اخوف منى مافى تدرين انى ماقدرت اقرا كل ردك خفة بسم الله الرحمن الرحيم
زين ماصابك شى
اليوم الحمد الله بديت اتحسن بس مافى اى شغل بالبيت جالسه اناظر واقول الحين بقوم والله اعلم متى ابداء

رؤويا .. قبل لااطلع قلت خلني اقرا سالفتج .. بصناحه مالومج على هالخوف لأنج عايشتي القصه ..
بس رد ريلج عليج ان ولدهم يلعب معاج هههههههههههههههههه خخخخخخخخخخخخ
ينكت ريلج .. بس بعد لاتحطين شي ببالج .. وسلاااااااااااام