كوبونات الراقية تسجيل الدخول

ام صاالح
ام صاالح •
هونيها وتهون جروحه وتفرج ان شاء الله
الصمت لا يضيق صدرك كل الرجال كذا ابونا اليوم قام والنفسيه ,,,,,,,,,,,,,,, الله واعلم فيه زعله جايه بالطريق
الله يكتب لنا الاجر
رؤيــــــــا
رؤيــــــــا •
نصيحه يا بنات

الله يخليكم اخذوها قاعده مع الزوج

ان حسيتي ان فيه مزاج للزعل وهواش

ابتعدي عنه روحي غرفه ثانيه

وطنشي واسكتي عنه

الين ما الله يفرجها

سنين الحمدلله اختي الكبيره الله يجازيها خير

قالت لي هالكلام بليلة زواجي

وفعلا طبقته في كل مره احس انه يدور على مشاكل

وانه يبي يحط حرته في شي او يبيني اتكلم عشان

يثور و يكبر السالفه

كنت وما زلت اسوي هالشي

لو مع احد ثاني اكون غير والله وان ما رديت على احد ممكن اكل بروحي

بنصايف الليل ابكي ليه ما رديت على فلان او ليه قهروني

لكن معه هو لا احتسب الاجر

ووضعي كزوجه وام لازم اصبر وما اكل بروحي عشان ما امرض نفسي بنفسي

والحمدلله رب العالمين

وش نسوي احيانا مواضيع تافهه يكبرها الرجال

وحنا ما لنا الا الصبر

اما المساعدات بالبيت

والله لو وش نسوي ما يحطون يدهم معنا خصتا لو كان عندنا اطفال رضع

وتعبانين

الله المعين وهو خير معين ان شاء الله

نبي كل وحده تشيل الثانيه لو نفسيا و نهتم بأنفسنا و بنفسياتنا

عشان نواصل مسيرة الحياه الزوجيه لو حتى ماكو حب عشان هالعيال بس ..

ودايما نتذكر مع بعض ان محد مرتاح لازم يمر على الحياه مشاكل ..
رؤيــــــــا
رؤيــــــــا •
ابخليكم الآن

بروح اغسل الحوش والفرن دام فيني حيل قبل ما ادوخ

وبقعد اشوي مع عيالي اشوف وش سوالفهم قاعدين يتوشوشون مدري وش يخططون عليه

يا يبون يبوقون الجالكسي الي مخبيته لنفسي

او ناوين على الدوريتوس حقي

ادري فيهم ما يصير الواحد يشتري لنفسه شي ابد

انا ما ادري ليه الله قاطني بينهم احسهم دائما يسون فيني سوالف ودايما يتوشوشون

قدامي واخر شي يطلعون لي بسالفه يخلون راسي يفتر

وقتها ما اعرف ألوم هذا وله هذي

امس نفس الحركه اخر شي طالعين لي بجدول جديد

انا علي العشا وانتي عليك الغداء

يقصدون جدول خاص فيهم من يشيل الصحون

والله حتى عيالي استجنوا الظاهر من واجباتهم المنزليه

بروح اشوفهم وش يسون اسمع صوت خشخشه بالمطبخ قاعدين يدورون على شي !!!!!!!!!!


طبعا ماني داخله الا بكره او الي بعده

عسى الله ييسر ان شاء الله
alsamt
alsamt •
رؤيــــــــا رؤيــــــــا :
ابخليكم الآن بروح اغسل الحوش والفرن دام فيني حيل قبل ما ادوخ وبقعد اشوي مع عيالي اشوف وش سوالفهم قاعدين يتوشوشون مدري وش يخططون عليه يا يبون يبوقون الجالكسي الي مخبيته لنفسي او ناوين على الدوريتوس حقي ادري فيهم ما يصير الواحد يشتري لنفسه شي ابد انا ما ادري ليه الله قاطني بينهم احسهم دائما يسون فيني سوالف ودايما يتوشوشون قدامي واخر شي يطلعون لي بسالفه يخلون راسي يفتر وقتها ما اعرف ألوم هذا وله هذي امس نفس الحركه اخر شي طالعين لي بجدول جديد انا علي العشا وانتي عليك الغداء يقصدون جدول خاص فيهم من يشيل الصحون والله حتى عيالي استجنوا الظاهر من واجباتهم المنزليه بروح اشوفهم وش يسون اسمع صوت خشخشه بالمطبخ قاعدين يدورون على شي !!!!!!!!!! طبعا ماني داخله الا بكره او الي بعده عسى الله ييسر ان شاء الله
ابخليكم الآن بروح اغسل الحوش والفرن دام فيني حيل قبل ما ادوخ وبقعد اشوي مع عيالي اشوف وش...
:angry:
alsamt
alsamt •
ماقلت لكم شو ساويت ..صحيت الساعة 8 من تعب الهانم ..
نزلت دجاج بسوي لهم كوزي ابو الشباب صايم ..والبنات لما صحيوا سويت لهم سنددوتشات ..

الحمام اكرمكم الله رشيته 101 وفركته ونظفته بصابون واخر شي رشيته مطهر ..

غرفة المجلس عزلتها ونفضتها نفض ومسحت المرايات والطاولات والتحف والتلفزيون والكمبيوتر والمكيف والمروحة والمكتبة وفرشت الطواويل وكنست الارضية ومسحتها ..

رحت غرفة النوم وغيرت اللحاف وعبيت في قارورة موية وحطيت شوي عطر مركز وخرمت غطاها وجلست ارش رش لما الريحة صارت شي ..
طبعا مسح وكنس ..والصالة والمدخل كلها تلميع وتمسيح ..

البنات مسكتهم ارففهم وقلت لهم يلا بروح اطبخ اجي الاقي الملابس مرتبه ..

باقي لي اشطف المطبخ ..

الغسيل مكوم تقريبا 3 سلات الله لا يوريكم ..وجابو الغسالة والله عدموها عدم حطوا في الحوض غرا الله يسامحهم
كانت محتاجة رجل ما ادري ايش لحموا وخرموا الحوض ..
والغرا مشوه الحوض اسود وريحته زي ريحة غرا الفيران
قلت لابو الشباب طيب لما ينشف ما بيأثر في الملابس لو عبيتها وغسلت
قال ما يدري ..

والموية الحين مقطوعة والبيت اللهم لك الحمد فل الفل ..