السلام عليكم

مشكورييييييييين كلكم على الدعوات الحلوه وربي يجعلها في ميزان حسناتكم
شيوم انا ولله الحمد ادعي ربي بس ذكرتها من باب دعاء المسلم لأخيه المسلم وربي يجزاك خير وربي يفرجها علي وعلى كل مسلم.. احبك في الله ..

لكل البنات الجدد حياكم بين خواتكم انتو كل يوم ادخلوا واذكروا يومياتكم وبعد فتره بتشوفونا حافظين أسمائكم لانو ماشاء الله البنات صاروا كثييييير حتى انا نفسي حسيت نفسي ضايعه بينهم رغم اني كنت بالتجمع !! شدوا الهمه

سيرين حبيبتي والله انا كنت كذا واحس انو مااحد معطيني وجه بس هذا شي طبيعي المهم هم رحبوا فيني بعد فتره بيحسوا بتواجدك أكثر من تكرار اسمك في الرد وانا كنت مثلك في البدايه بس عمري ماقلت لخواتي بالتجمع بس ظليت فتره والحمد لله في ناس لسى ذاكرتني .. تدرين كنت احس نفسي غريبه خصوصا ماشاء الله تبارك الله لاقوة الا بالله لما يتكلموا عن عيالهم >> انا ماعندي الله يرزقني يارب << بس بعدها بالعكس صرت احس فيهم اكثر واكثر لدرجة اني ادخل على التجمع حتى من الجوال وانقهر لما ماأشوف رد جديد من الاخوات في الموضوع حبيتهم وربي يعلم وحبيت تجمعنا
الله يجعله تجمع خير وبركه يارب

طولت عليكم هذره >> يفترض اروح انام بس مافيني نوووم

اليوم مانظفت زوجي مانعني بعد التعب اللي جاني امس واليوم مستمر بس الحمدلله اخف بس يارب مايزيد علي ..

احبكم في الله :: ربي يجمعنا في جنة الفردوس ::

مشكوه على الملف ما اقول جديد بس بعد رائع ويخدم الي مثلي بحاجه لنصائح
ارجو منكم انكم تعطوني جدول امشي عليه يقلل حوسة البيت انا كل ما نظفت احس براحه بس ابي تستمر هالنظافه ولا ينحا ابيت بعد يومين خبراتكم يابنات والله اني عجزت من الحوس والدوسابي ارشاد وتوجيه من اهل الخبرة الله يجزيكم الجنه وياليت على الخاص

انا عندي شروط الي تحب تبدأ صفحه جديده معانا يلا انا اول وحده كرهت الكسل ومليت

1 لا للكسل شعارنا (استعيني بالله لانجاز المهمااات ) :angry:

2 تطبيق الجدول وبتشجيعنا لبعض نقدر ننجزه ولي رجاء ذكر الله قبل كل شي

3 وضع افكار لتحسين النفسيه والي نفسيتها تعبانه ومكدره تجي هنا عند اخواتها
مو تقول مشاكلها الخاصه لا نسولف ونونس بعض الين نفسيتها ترتاح الدنيا ضغوط وهموم

4 مافي تذمر ولا شكوى من اي احد ارمي اتكالك وحملك على ربك والجأي بالدعاء حتى زوجك لاتشتكيه

5 نذكر بعض بالله والاذكار والوتر والسنن الراتبه وترك ملاهي الدنيا لا مسلسلات ولا افلام ولا اغاني
خلونا نكون عون لبعض على نفسنا الدنيا محد يامن ايش يحصل فيها لابد من التوبه والاستغفار

6 احبي لااختك ماتحبيه لنفسك

7 مانزعل من بعض بالذات في الردود رجااااء محد يعرف ظروف البنات

8 مايمر يوم الا نسمع او نقرأ فائده دينيه او موعظه او تفسير ايه والكل يدخل يكتب اي شي
يتكتب في ميزان حسناته وتنفعه يوم لاينفع مال ولا بنون
وحده مثلا تكتب ايه وتفسيرها وحده تحط رابط لمقطع مؤثر او اي شي بشرط ديني وتذكيري



السبت

تنظيف يومي للبيت + قراءة الورد + ترتيب وتنظيف التسريحه وادراجها لكل الغرف + غسيل + غسل واحد
من الشبابيك + ترتيب الثلاجه

الاحد

تنظيف يومي للبيت + قراءة الورد+ تغيير شراشف اسرة كل الغرف ومسح الاسره + غسل شباك
تنظيف البوتجاز عميييق + كوي

الاثنين

تنظيف يومي للبيت +قراءة الورد + تنظيف شباك + تنظيف وترتيب مكاتب الكمبيوتر او الدراسه كل مكتب في البيت
تنقيع الملاعق والكاسات في كلوركس + تعقيم وتنظيف مغسلة المطبخ +غسيل

الثلاثاء

تنظيف يومي للبيت + قراءة الورد + تنظيف شباك + تنظيف وترتيب مكتبة التلفزيون + تنظيف الصاله وتحت كنب الصاله
مسح طاولة الطعااام عميق + كوي

الاربعاء

تنظيف يومي للبيت + قراءة الورد +تنظيف شباك + غسيل وتعقيم رخامة المطبخ + غسيل ارضية المطبخ

الخميس

تنظيف يومي للبيت +قراءة ورد القرآن

الجمعه

قراءة قرآن + قراءة سورة الكهف + اذكار + سماع محاضرات

صباح الخير

انا سهرانه ومانمت تعبانه هذا الجدول حطيته مره ثانيه

وواحد من الشروط كان عن الردود بنااات رجاااء اقروا الشروط فضلا لا امرا

انا بروح انام تعبااانه ولما اقوم ارد عليكم بالذات الجدد

الله يحييهم يبغالهم رد خاص الله يحييكم حبيباتي شرفتونا

لي عوده في امان الله

السلام عليكم ورحمة الله وبركاته
اخباركم جميعا وصبحكم الله بالخير

يومياتي امس
سبتكم الظهر وقمت صليت وبديت شغلي رتبت الصاله وبعدين جهزت الغداء تغدينا ورحت رتبت قسم الرجال كنست المجلس والصاله والحوش صليت العصر وغسلت دفعة ملابس قالي زوجي بيجيني زميلي وجزت له قهوه وشاي وصحيت بنتي الي تدرس عندها واجبات معلمة الرياضيات معطتهم 3 دروس فكتاب النشاط كلها الانماط ياكرهي لهل جلسنا نحل واجباتها للعشاء
ياقلبي عليها اليوم داومت وهي تعبانه الحين احس بندم اني ماخليتها تغييب بس مابي الدروس تفوتها

حيا الله البنات الي انظمو لنا

باسمه بين الدموع
يسعدني انظامك لنا ان شاء الله نكون عون لك وهذبدايه طيبه الله يوفقك