صباح الخير للكل والله وحشتوني مررره
كنت اتابعكم بصمت اطير طفش واقاوم النوم بنتي جننتني مو مخليتني انام
رهاااق فضييع
وكان عندنا عزا امس اخر يوم الله يرحمنا برحمته وكنت ما انام ولمى يجي العصر اروح للعزا وما ارجع الا
العشاء ويالله ارمي نفسي انام والساعه 2 بالتمام تقوم وهلما جرا
طبعاً شغل البيت مركون الا من غسيل ملابس بنتي وولدي

بالنسبه للي تبغى جدول لاطفالها احسها صعبه وخصوصا اعمارهم لسه صغيره
خليهم على راحتهم بس في النوم نظميه اليل ينامو وخلاص مع الصباح يقومون
والملابس علميهم من الان انها لازم تكون نظيفه وما يكببو اي شي عليها
والاكل لا تلزميهم بالوجبات معاكم كل بعد شويه اعطيهم شي
يافكاهه او نص خبزه مدهونه بجبنه افضل لهم من الحليب ومشتقاته
الحليب جيبي لهم الاكواب الملونه وسوي من الصباح حليب في ترمس وكل بعد كم ساعه اعطيهم في الاكواب
وخليهم براحتهم يشربونه وهما يمشون وهما يتفرجو الطفل صعبه تلزميه يجلس زي الكبير وكذا
وطبعا العابهم من دحين تخلينهم هما يلمونها بعد مايخلصو لعب واوراقهم والا القراطيس حقت البسكويت يرموها في الزباله
علميهم يساعدوك بترتيب السفره والا شيلها
والله يعيننا على تربيتهم التربيه الصالحه

بالنسبه للجدول حلو ماشاء الله بس دائما جداولكم ما تمشي معايه لان البيوت تختلف
انا ان شاء الله راح اسوي جدول لبيتي وراح انزله للي بيوتهم صغيره مثلي
والله يعين

اللهم اشفي مرضانا ومرضى المسلمين اللهم ارحم موتانا وموتى المسلمين
اللهم اعز الاسلام والمسلمين اللهم انصرهم على من عاداهم يااكريم
اللهم فرج كرباتنا وكرب المسلمين اللهم اعطي كل مسلم سواله اللهم استجيب دعواتنا
اللهم جنينا الفتن ما ظهر منها وما بطن
اللهم اصلحنا ووالدينا و ازواجنا وذرياتنا واخواننا واعزانا وجميع المسلمين ياارب يارحيم
اللهم لا تسلط علينا ظالم ولاحاقد ولا حاسد ولا كافر اللهم يارحمن
اللهم اتنا في الدنيا حسنه وفي الاخره حسنه وقنا عذاب النار

روعة النسيان الله يعينك ان شاء الله ويرحم جميع اموات المسلمين يارب والله صادقه الاطفال الله يحفظهم بس ما لهم جدول معين

آآآمين يا ام ايمان ونواف على فكره اول ماشفت اسمك ذكرتيني بوحده عزيزه
بس هيه اسمها ايمان وولدها نواف ههههه
رجعت لكم عندي بساط مطفشني اللي يشوفه يقول هذا ما انكنس
مرره تمسك فيه الاشياء زي الخيوط والشعر وو وما ينزل مع الكنس
كيف انظفه مين عندها معلومه تسعفني وراح ادعي لها

الله يعطيك العافيه روعه استخدمي المكنسه الصغيره اللي شعرها بلاستيك والله تنظف لك من الشعر والخيوط انا اجيب طشت مويه فيه لينور وابلل المكنسه واكنس فيها تطلع شعر وخيوط ما انتي شايفتها بعدين اشغل المروحه وابخر وتلصق الريحه بالفراش والمكنسه لا تغريقيها مويه لا بس تبليل

ان شاء الله احاول انزل صورة المكنسه