هذى الكيكه يا
gaamra

انتى تامرين امررريا عسل



http://forum.hawaaworld.com/showthread.php?t=865867

ارحب بالبنات الي انضموا حياكم الرحمن وياهلا ومسهلا بيتكم ومطرحكم ..

نسيت ما اقول لكم يومياتي :42:..

صحيت الساعة 5 ومع الارهاق قلت بس بريح شوية والا اصحى الاقي الساعة 6 وربع
قمت صحيت الشلة وصلينا واتجهزت شهد للمدرسة وراحت ..
يادوب روقت الغرف واستلمت الاجهزة الكهربائية نظفتها ولمعت الرخامة وشلت كل شي فوقها
وغسلت التحف وجيت احاول في النت فتح معاي اتصلت اختي تبغاني اروح معاها تراجع سوت تحاليل
ورايحة للدكتورة تشوف النتايج الله يسهل ولادتها يارب وكل حامل ويرزق كل محرومة ...

المهم اتجهزت بسرعة ورحت معاها الدكتورة عاد استلمتني لانها تعرف اهل زوجي
ايه يا ام شهد انتي محملتيش قلت لها لا ربي ما اراد قالت هي الصغيرة عمرها اد ايه
قلت لها 4 ونص قالت لالالا كذا انتي تأخرتي خالص
قلت لها دورتي مو منتظمة وكل ما استخدم المنظم تنتظم شهر شهرين وبعد كذا نرجع لحالتنا القديمة ..
واهم شي الي ابغى اعرفه ايش السبب ماهي منتظمة مو مهم الحمل ..
وقلت لها سمعت عن تحاليل هرمونات فكرت اسويها حق الغذة الدرقية وهرمون الحليب وكم تحليل كمان مو عارفة ايش هم
قامت كتبت لي اسماء التحاليل وقالت سويها في الثلاث الايام من الدورة وتعالي نشوف المشكلة من ايه بالضبط ..

وقامت كشفت على اختي بالتلفزيون وقالت لها كل حاجة ان شاء الله سليمة وراس الجنين تحت والله يسهل
وشافت التحاليل قالت لها كل شي تمام ماعدا الدم نسبته منخفضة وكتبت لها ادوية وايش الاكل الي تركز عليه
والله يسهل يارب ..

بعدها الوالد راح كم مشوار واحنا معاه بالسيارة واذن الظهر صلى ومرينا على البنات في المدارس وروحنا البيت صلينا البنات ناموا وانا شلحت العباية بس وشمرت عن ساعديي ..
فرزت الاغراض ورتبتها في الدولاب ورتبت دولاب الكاسات والصحون والادراج ونظفت البوتجاز والجدران ومسحت المرايات وشاشات الكمبيوتر والتلفزيونات وشطفت الحمام اكرمكم الله وكنست البيت ..
اذن العصرصحيت البنات يصلوا وسويت لهم سندوتشات اتصلت على اختي قلت لها طفشانة تعالي نحط طفشنا على بعض ..قالت طيب ..
جت وجلسنا ندردش ونشوف موديلات ونسولف وقليت كبة وكفتة واصابع الكيري وحطيت للبزروة سيبش ..
ولما اذن العشا نزلوا ..رجعت رتبت البيت وغسلت ارضية المطبخ لان مع العيال الله يهديهم يصير حماس
وشهد كملت واجباتها ..واخذت دش وجيت اقرا اخباركم ..

هذا هو يومي اللهم لك الحمد واشوفكم على خير بكرة اذا ربي احيانا ..

مساكم زي العسل
اليوم صحيت الفجر وصحيت العيال بعد الصلاة يلا تبدا احداث الشغب:22: وعلى البس ياولد والبسي يا بنت وخرجو واستودعتهم الله الذي لاتضيع ودائعه بس بنتي الصغيرة ماراحت اليوم حرارتها مرتفعة وتكح :(
نمت الين الساعة عشرة وقمت فطرت انا وبنتي ويلا كنست المفارش ولفيتها وكنست الكنب والسيراميك ومسحته دا كلو في الصالة وكمان كنست غرفتي ومسحتها جوا العيال ويلا كل اتنين في غرفة انا عندي ولدين وبنتين الله يحفظ لكم ولي ولامة محمد وخلاص نظفو غرفهم جا ء ابو الشباب واتغدينا في من امس ايدام باميه سويت جنبه رز وسلطة
خرجت قعدت مع ابو العيال:32: تعتبر وظيفتي خلصت البنات يكملو المطبخ بعد صلاة العصر غفيت شويه صحيت قبل المغرب رفعت الصحون من الصفايه ورصيتها في الدولاب وغسلت الحمامات بعد صلاة المغرب خرجت مع جارتي نمشي خخخخ رياضيه
العشاء وانا في البيت بدئنا حرقان الدم المذاكرة خلصت المذاكرة اتعشوا ونامو
يوو نسيت قبل ما اخرج عشان المشي حطيت الغسيل في الغساله وبعد ما نامو العيال نشرت الغسيل دا يومي الاثنين دائما كدا طبعا بكرة راحة اذا عندي دولاب ارتبه او مفرشه امسحهايكون البيت خلاص نظيف اشتغل باعصاب رايقة
واشغل الراديو وارفع الصوت اذاعة القران تجنن لما يكون البيت هدووووء والشغل يكون متعة هذا يومي اليوم صحيح بكرة وبعده راحة بس برضو اوافيكم بالتفاصيل ودمتم بخير:42:

سلام شخباركم كلكم
يومياتي نمت الساعه 11ونص الظهر لان زوجي كان مداوم وماطلع من دوامه الا متأخر على 2ونص تقريبا وقلت فرصه انام امس بنتي من المغرب مو مرتاجه وبس تبكي عندها مغص ويوم جاء جاب غداء من المطعم الله يعطيه العافيه كفاني شر الطبخ وقبل ماانام رتبت البيت بس باقي اكنسه واكوي الابيض واروح اشوف جدول المطبخ مره وحده وبسوي بسبوسه وقهوه

عدت لكم
الامل بالله ربي يحقق مناك وتنقلون عاجلا غير اجل
ام الهنوف وينك طمنينا عنكم
الصمت ماشاءالله يومك حافل الله يعطيك العافية وربي يقوم اختك بالسلامة وتجيب احلا نونو بس اذا جابت بنت خليها تسميها راما خخخ,
خلصت االغسيل كلة وسويت عشاء كبسة بالدجاج وايدام مشكل وسلطة حارة
اتعشينا وباقي المواعين ماغسلتها القدر احترق احد يتبرع يغسلة خخخ الي تغسلة لها مكافاة قيمة