وشووولاحبيبتي هذا تعبك لازم تحافظين عليه.حمري عيونك في هالبزارين وذ مانفع حمار العيون.عليك بالقرص زي قرص العقارب

يعطيكم العافيه
ماعطيتونا فكره حق جدول الاسبوع الجااااااااااااااااااي
راي يكون لغرفه المعيشه(الصاله)
هااااااااه وش رايكم

السلام عليكم

ومساكم الله بالخير

جيت من الدكتور اعطاني اجازة عن شغل البيت لمدة اسبوع

من سنة ونص مقدر امشي من كعب الرجل خاصة اذا قمت الصبح كني طفل يتعلم المشي

بعد ساعة اتحس شوي ولو جلست كثير بعد نفس الشي مقدر اقوم رحت قبل اسبوعين الطبيبة عرب

وقالت لازم كي للكعب وقلت بس ارتاح عادي اكوي وكويت و15 يوم ماذوق السلاطة واللحوم ماشفت نتيجة

جني البارح حريم من قرايبنا وقالو روحي طبيب وذكرو لي طبيب عظام ممتاز رحت لاني خلاص تعبت ياربي لك الحمد

قالي الكعب ملتهب وفيه شوك متكون من العظم الظاهر انه يابنات مسمار القدم اخذت اشعة واعطاني ابر بالكعب

تطلع الروح وقالي راحة لمدة اسبوع من شغل البيت يابنات انصحكم ماتطولون بالوقفة لانها من ظمن اسباب هذا المرض

الله يشفينا ويشفي مرضى المسلمين

الجنان غايتي
حبيبتي ماتشوفين شر والله يقومك بالسلامه يارب والله من جد الواحد مايحس بنفسه الا اذا تعب .
انا لي يومين ركبي مرررره الم فضيع اثناء السجود مااقدر اسجد واضغط عليها .. مدري اش المشكله فشكلها من كثر الوقوف
وقبل كانت سيقاني الحمد لله والشكر ..ناس قالو ان الكالسيوم نااقص عشان كذا تتاثرين بسرعه ..
اللهم انا نسألك ان تعافي ابداننا .
*****
اليوم
صحيت زي ماقلتلكم تعبانه بس مااستسلمت
صلحت غداا .. ورحت عالمخزن لاني من زماااان ابغى ارتب فيه
امس خرجت كل اللي فيه يووه يووه اش فيه ترلا ماتكفي تشيله خخخ
بطاطين شتويه على الحفه و اغرااااض ثانيه
مخزني 3في1
طويييل ..الجدار اللي في الوجه رفوف كبيره من الالمنيوم كانت فيها الاغراض 4رفوف
ومقفله عليه بستاره وطاوله الكوي والجزم والمكنسه
عاد اليوم قلت اكمل .
اخذت كراتين وصفيت فيهم الاغراض والبطاطين والمخدات
وكرتون الملابس الشتويه هذا جاهز من الاول بس خرجته ورجعته
والعاب لاولادي
والاغراض الثانيه عندي كراتين من ايكيا السودا كرتون لاغراض زوجي وكرتون لخرابيطي شرايط وغرا وتغليف وووو
وكرتون للستائر الزايده حقت الحمامات .وكرتون للجزم الزائده . هذي في رف
ركبت رفوف خشب من ايكيا رف عليه كرتون صغير فيه اللمبات وكرتون فيه الشطرطونات
ورف عليه علبة العده حقت زوجي والدريل
ورفوف للجزم
طبعا طلعت اشياااااااااااااااااء كثيره كنت مخزنتها عالفاضي مالها داعي
نظفته وكنسته ورجعت رتبت الاغراض ..
وبخرته
الحين تنفتح نفسي للكوي فيه ..

السلام عليكم

شيماء ياقلبي الشر مايجيك وسلامة ركبك وانتبهي الركب لاتهملينها
الدكتور يوم قلت له سنة ونص انجن قال ليش الاهمال هذا علشان كذا عطاني ابي بالمفصل
لو كان بدري كان علاج وبس والكالسيوم انتبهي له انا حللت قبل سنة وقالو زين الله يعافينا

سالفة مخزنك مثل مخزني امس قمت متكسرة على الاخر وقبلها مانمت بالفراش افكر بمخزني
لازم اسوي مثل افكار البنات اطلع شي جديد واسوي اختراع والا ليش ينقال لنا ربات بيوت
ههههههه المهم لاتضحكين علي بالاختراع انتي والبنات وشجعوني والا بقضب الباب ههههههههه
مخزني 4متر في 2 متر اول ماسكنت كان عندي سرير خشبي الطاولة حقته
يعني الي تحت بس جمعت عليها الحوسة كلها وفيه الثلاجة الشنطة وكل ماشوفه تضيق بي الدنيا احسه غاثني
وشفت فكرة وحدة من البنات المكتبة الي ماتبيها وحطت فيها حوسة المطبخ
وطرا علي مكتبة عندي مابيها وراكنتها بغرفة عيالي جنب الباب قلت بشيلها
ماصدقت الدوامات بدت وطرت بسوي الافكار الي براسي طلعت كل شي بالمخزن
وغسلت الارضية جبت المكتبة ورتبت عليها المعلبات وفوقها كراتين وبالوسط المناشف
حقات المطبخ وتحت علب الرز والطحين وبعض الاغراض
عاد الاختراع بما ان حالتنا المادية ماتسمح افصل او اشتري ادراج عسى ربي يفرجها علينا وعلى كل مسلم
تذكرت عندي بيت لعيالي الصغار مبني على حديد قوي ويركب طوله تقريبا متر ونص حطيته بزواية
مسكت البلاكاشه حقت السرير وقصيتها على قد البيت نجارة على الصبح ههه وحطيتها فوقه وغطيته بسفرة
وحطيت تحته القدور الكبيرة واحد بوسط الثاني وثلاجات الماء وبعض الاغراض مساحة البيت كبيرة شوي
واخذ اغراض كثيرةوفوقه دفايات طلع شكله يجنن وكل واحد يجي من عيالي وبناتي ادخله واوريه ينهبل
هذا مخزنا مانصدق الله يجزاكم خير تخلون الواحد يفكر غصب وينتج الله يسعدكم