بنوتات
انا عضوة جديدة
منتظرة الواجبات
وانا عروسة دوامي 3 ساعات

ربي يعطيكم الصحه والعافيه

والله ياشذا اليوم الحمد لله تنشطت فقلت استغل وقتي في الشغل بدل مااجلس اطالع التلفزيون مع اني كنت فاتحته بس صوت يسليني يعني

أم الهنوف // أم صالح // ود // ام مهند
الله يعافيكم ويقويكم يارب ربي مايحرمني منكم ومن اخوتكم

وئام عمار // اهلين ياعروسه ماشاء الله تبارك الله ويلا همتك معنا علشان تكوني احلى عروس سنعه :)
الصمت // ربي يعينك ولاتطولين علينا الغيبات

طبعا مثل ماقلت لكم رحت اتحممت وطلعت الستاره من النشافه وركبتها وجا زوجي جايب اغراض للبيت حطيتهم في مكانهم واستأذنته ورحت نمت شوي وهو رجع الدوام

بعد ماصحيت النوم صليت الظهر ودغري على المطبخ اطبخ ماشاء الله تبارك الله لاقوة الا بالله وسويت لنا غدا خفيييييييف مافيني حيل والله

جلس زوجي وتغدينا وجلسنا شوي وأذن العصر وصليت وغسلت صحون الغدا ومسحت المطبخ ومسحت فوق الدواليب وغسلت المجلى ومسحت الصاله >>قلت بالمره انا ماسحه ماسحه والصاله في طريقي



كنست غرفة الجلسه وبسسسسسس

الحين جالسه ومريحه عند عالم حواء ..

لاتنسون يابنات أذكار المساء ...

السلام عليكم
أمسينا وأمسى الملك لله

أخباركم الله يقويكم ع الطاعة وشغل البيت

بعد ما تركتكم اليوم ع الساعة 10 ونص والصغار لسى نايمين قمس على غرفة الجلوس رتبتها وحطيت كل ش مكانه وقلبت الكنبات ونفضتها بخرقة مبلوله بماء وعطر فواحه
بعدين مسحت الجدران بممسحة السيراميك وفوق المكيف ودخلة الستارة والشباك نظفته بالمكنسه الكهرباء ومسحته
ومريت على التلفزيون ودولابه وكل شي مسحته في الغرفة
طبعاً كنست بالكهرباء وفي آخر شي مسحت الأرضيات
فيه حركة كنت أشوفها من زمان هنا لكن من الكسل ما سويته إلا اللحين وأعجبتني وريحتني كثييييييير
اللي هي تحطين أسلاك التلفزيون والرسيفر في الرول حق المناديل بدل ما هي متبعثرة كذا وتجمع الغبار عليها
والله صار خلف الtv شكله مرتب وحلو >> أنقرت من نفسي ويني عن هالحركة من زمان واه

بعدها أذن الظهر والحلوين صحيوا وغسلتهم وغيرت ملابسهم ورضعتهم وكملت أشوية ترتيب وأخذت لي دووش وغيرت ملابسي
وجا زوجي

واللحين جيب أعلمكم وش سويت بعد ما أخذت لي نومه بسيطة أرتحت فيها

بنات المشكلة أني أشتغلت كثير وبقوة توجعني يدي من عند الكتف من الخلف والله تعبتني
حطيت عليها مويه حاره وهديت أشوي لكن ما أدري صح طريقتي ولا لا ؟؟

هلا بنااااات مسااااء التوووووووت

انجازاتي اليوم وامس

نظفت الادراج البلاستيك اللي بالمطبخ
وكنست البيت ومسحته
صلحت العشا لي وللاولاد معكرونه بالتونه وابو الشباب كان برا عنده طلعه ..
وسويت جوزيه اممم لذيذه...
ونظفت المطبخ ورتبته وبعدهاااا نوووم

اليوم
صحيت متاخره وفطرت اولادي
رتبت الملابس حقت اولادي في خزانتهم ..
ونظفت المجلس والمقلط وقفلتهم
سويت فطور لاننا الحمد لله صائمين بس فطرت قبل المغرب الورده الحلوه جاتني الحمد لله على كل حال
والصباح كنت مطلعه دجاج وبهرته وتبلته وخليته بالثلاجه والحين دخلته بالفرن مع خضار للعشاء
وراح اعمل معاه سلطه وارز ابيض ...
اليوم ماعندي غسيل

فيه كم صوره بس مدري وش فيني مكسللله احمل وارسل ...
وسلامتكم ياااااااااقمااااري
****************

اكثرروا من الاستغفاااار بارك الله فيكم

السلام عليكم ..مسا الخيرات ..
يعطيكم العافية جمييييع الله يقويكم يارب مستعجلة سامحوني ..

بس قلت برد على شذا ...
الله يقويك ويعطيك الصحة والعافية ...تصدقي سبق صارت لي وسببها الاجهاد يعني لما تشتغلي بامانة وحماس وما تريحي
وكله يكون وراء بعض كذا تكون النتيجة فنصيحتي لكي ريحي يدك وادهنيها فيكس قبل ما تنامي ...
وفي كمان مرهم فولتارين حق العظام حطيه بدل الفكيس امرخيها وريحيها ...
بس اهم اهم شي الراحة وغير كذا عودي نفسك تسوي الحاجات الضرورية والحاجات الثانية قسميها ومن غير ما ترهقي نفسك
حبيبتي ماحد بينفعك والعمر يخلص والشغل ما بيخلص ...