سبتكم يمكن ع الساعة 11 تقريبا
جريت المكنسة جرللمجلس والمقلط ونفضت الغبار من الستاير والشبابيك سريع سريع لانه الاسبوع اللي فات مشيكة عليهم فكان شغلي عليهم ذحين خفيف
المهم مسحت طاولاتهم ونفضت الكنبات وكنست الارضية وطلعت منهم

وكملت كنس الصالات والممرات ومسحت طاولة الطعام وكراسيها وطاولات الصالة

وبعدين لفيت المكنسة وحطيتها في غرفة الملابس وبما اني خلصت من الغسيل كله( لي ثلاث ايام وانا اغسل )مسكت المنشر وفضيته وطبقته وحطيته ورا دولاب الخدمة اللي في غرفة الملابس
وطبقت الملابس وقسمتها ثلاث اقسام عشان الكوي كل مرة اكوي قسم لسا ما بدات بالكوي بس جهزتها
وجبت شنطة سفر صغيرة وحطيت فيها اكياس في كتب واوراق مهمة وحطيتها على جنب عشان يحطها زوجي لما يرجع فوق الدولاب
ورتبت الغرفة شوي من العاب بنتي ورميت بعض الاغراض وباكمل شغلي فيها باذن الله في يوم ثاني لانه باقيلها اشياء بسيطو ولاني مافطرت ما قدرت اشتغل اكثر من كذا
ورتبت غرفة النوم شوي ماشاء الله ما تحتاج بس باقيلي اكنسها هي وغرفة الملابس وامسح سيراميكهم مع البيت كله بعد شوي باذن الله

وغسلت مرتبة بنتي في البانيو بس ماعرفت كيف انشرها ضغطتها شوي بس ماقدرت احطها في النشافة لان النشافة ما تدور اذا حطيتها
ونشرتها في البانيو

الحمد لله خلصت ترتيب درج الشوفونيرره
نشرت دفعة غسيل وحطيت تانيه
صحي ولدي بسوي له فطور واطبخ واخذدش ان شاء الله

هدوء
صباح الخير كيفك يا غاليه الله يعطيك العافيه التغيير حلو ويجددالنفسيه ان شاء الله زوجك ينبسط من التغييرات تتهنو يارب
بس انتي شوي شوي على عمرك موكله دفعه وحده

اسمو بحجابي
الحمد لله على سلامت عمتك ويارب يتمم لها الشفاءالعاجل يارب

ود
صباحك سكررررر

ضحكت عيون حبيبي ..
انتي ما شفتي شي هذي جدة غير تصدقي ان في ناس يخلوها سهرة مفتوحة يعني لبعد الفجر
بس انا عمري ما حضرت كذا ...
انتي عارفة المعازيم لسى يجووا الساعة 1 2 يعني الحفلة لسى تكون في بدايتها الله المستعان ..
والله يا بختهم الرجال 11 او 11 ونص وروحوا بس مساكين يتعبوا في انتظار حريمهم وهم وراهم اشغال ..

ورد ..
صباح الورد للورد كيفك وكيف العيال سمعت خبر انهم كانوا بيأجلوا الدراسة لمحرم صح الخبر ؟؟؟

ام مهند ..
الله يرجعه لك سالم يارب ..ليه هو مقر عمله بعيد عن سكنكم يعني سفرولا كيف ؟؟ ..
وانتي كوني استودعيه الله ...والله يبعد عنكم كل مكروه ..

دلوعة ..
ياستي انا اختهم الكبيرة عندي 3 اخوات بس وحدة الي اصغر مني بسنة تؤام روحي
ساكنة في الشرقية يعني بتجي ان شاء الله وكل الترتيبات منتهية
والثانية خلصت ثانوي ..والثالثة طالعة رابع ابتدائي ..

وانتي كم عندك اخوات ؟؟

مميزة ..الله يعافيك يارب ..
ود ..صباح الورد والياسمين ..

هدوء ..:32: لالالا مش مصدأة خالص فينك يابنت ..وحشتينا ..
الله يهديك بس مسوية مفاجأة اي مفاجأة دي الي تقسم العمر شي ما نقدر عليه لا نتعرض له <<<شوفي من تنصح بس
على العموم ربي يقويك والحمد لله ربنا عانك ولا عاد تكرريها ..

******************

نعطيكم صور تحميسية ..

هذا ياطويلات الثلاجة شغل امس وهي تأخذ حمام يمني :)..



وبرميل الزيالة اكرمكم الله مع البيعة ...



والمجلس ما صورته ...


2/ فرك موكيت او سجاد
نظفتها سابقا ومازالت نظيفة الحمد لله وهنا سبت الطرفين عشان تشوفوا الفرق
لما تجي تغسليها وبعد ما تنشف يلتم الوسخ في اطراف الشعر ..
اقوم اجيب طشت واحط فيه موية وكلوركس والمكنسة الخشنة واجلس كأني امشط شعرها بس على برى ..

اما الزوليات الباقي اخذتها بدون شعر افضل ...لكنها مكرونة ..:22:
هههههههه هي يادوب 3 زوليات الي يسمعني يقول عندي مليان ( وحدة بشعر _ وحدة بدون _ وحدة مكرونة )

الاعمال اللي ابسويها اليوم باذن الله
1/ كوي
2/ كنس غرفة النوم وغرفة الملابس ومجلس الحريم
3/ مسح سيراميك البيت كااااااااااامل
4/ غسيل حمامي
5/ فرك سجادة غرفة النوم ومجلس الحريم
لانه سجاد مجلس الرجال والمقط والصالة والممرات كلها جديدة ونظيفة الحمد لله بس كنستها اليوم


اممممممممم ايش كمان اذا اتذكرت شي كتبته وان شاء الله بس انجز اللي مكتوب

ورد وود
الله يعطيكم الف عافية

ام شهد
ماشاء الله عليك الله يسعدك على هالصورة المحمسة
وذكرتيني بالثلاجة يبغالها لفتة

ياستي احنا ست بنات

هدوء
الله يقويك يارب
وحلو التغيير في البيت يبغاله جراة وشكلك جريئة في التغيير
الله يحميك