الفرن جنب المغسله والثلاجه يسار الباب

أسالي شكولاتة بالبندق ماشاء الله عليها فنانة في التفصيل فصلت 7 مطابخ ماشاء الله وكلها عملية وشياكة وكمان يبين المطبخ كشخة ومو مقربع

بس لاتقولي اني قلت لك

ام حنان ..انا فكرت مثلك في الفرن والثلاجة بس قلت مو الفرن المفروض يكون قريب من الشفاط ..
اما الطاولة فكرتك طيبة بس هو حاليا ماعنده سيولة يادوب بيجيب الاساسيات ...

دير ..هههههههههههههه
وقعتي في الفخ كيف ما اقول انك قلتي لي وشكولاتة هنا مشتركة معنا في ذا الموضوع ..
الله يسعدك ياشيخة ..بس لا تخافي انا بتوسط لك عندها بقول لها ما قلتي لي هههههههه..

ماشاء الله تبارك الرحمن ..يلا شكولاتة الله يحرسك من العين يارب ..وعارفة والله انكم كلكم ما بتقصروا معاي ...ى

************
طب شوفوا كيف دحين دوبها جت فكرة في رأسي قولوا لي ايش رأيكم ..

حاولوا تتخيلوا الشكل معاي ..

الجدار الي في اليمين وراء الباب احط سطل زبالة اكرمكم الله وفي الباب اعلق المكانس وبعدين احط دولاب بس مو بطول الجدار لا
اخلي مكان للفرن يعني الفرن يكون قبال المغسلة ..

الجدار الي في الوجه الي فيه الشباك ما احط فيه شي ..بس يادوب ستارة ..

الجدار الي في اليسار احط تحت المجلى دولاب وفوقه درفة لمنشر الصحون ..بس ما ادري بلاقي كل الدولاب على بعضه بالف ريال ..
واجيب الادراج االخارجية البلاستيك الي تجي طوابق واحطها جنب المجلى ..

والثلاجة يسار الباب ويكون وجهها على المغسلة ...

هاه صح كذا ولا ايش رأيكم لو في اي تعليق اضافة رأي قولوا لي عادي والله ما ازعل ..

صباح الخير
ام شهد...مبروك الشقه والله يتمم لهم على خير وتفرحو فيهم وفي عيالهم
المطبخ صراحه ضيق حبتين ولو سويتو دولاب داير رح يضيق اكثر
فاحسن شي يبدء الدولاب من نص الجدار الايمن اللين تحت الشباك
والفرن جنب المجلى تري مو شرط يكون تحت الشفاط انا عندي بعيد الفرن عن الشفاط ولا ماثر
والثلاجه على اليسار وانتي داخله
ولو يكون الدولاب من الالوان الفاتحه بيكون احسن يعطي انشراح وكبر للمطبخ
وسلامتك

ام شهد
لو خليتي الفرن في الركن رح يكون مزنوق ومو مريح للشغل صدقيني احلى مكان له جنب المجلى
بعدين لو سويتي دولاب تحت المجلى رح يخسرك على الفاضي لان زي منتي عارفه دولاب المجلى ما نستفيد منه كثير عشان الريحه والتنقيط >>>حلوه التنقيط خخخ
فكري في الشي العملي اكثر من الجمالي صح ولا انا غلطانه