SnDy :

مراحب ياحلوااات مدري من وين ابدى احس اني مغبره ومالي داعي الموهم نبتدي با الترتيب بيسوووو مالقيت الشوزات للاسف:44: رحت لتارقت 3 مرااات ولا حصلتهن ابسالك هن مع ستاند الجزم وانتي بكرامه ولا بستاند لحالهن؟؟؟ ياقهري ووش بعد ايه مدري ابدى با الاخبار الزينه ولا اللي ماهي بزينه خليني ابتدي با الحلو الحمدلله حمدا كثيرااا بفضل من الله الملحقيه وافقت تعطينا تذاكر وحجزنا وراح نسافر بعد اسبوعين ان شاء الله ياربي لك الحمد مبسوطه مررررررررررررررره بنروح 3 اسابيع ان شاء الله ونرجع بنات استراليا اللي تبي شي من السعوديه وخصوصا حائل تامر لايرده الا كي بورده وخصوصا بنات ملبورن وبنات حايل تامرن امر وخصوصا شموسه :icon33::icon33: نرجع للاخبار التعيسه كان ياما كان في سالف العصر والاوان خخخخ امس العصر طلعنا لبارك قريب من البيت واستانسنا انا وعيالي وابونا لعب واكل وكل ابو شي يارب لك الحمد وتعرفت على عراقيه امه سعوديه وسوالف وضحك يوووم خلصنا كذا ع الساعه 8 رجعنا للبيت مشي ونسولف انا وزوجي وبنتي معانا وولدي بسيكله يسوق ورانا الموهم ماخذنا دقيقتين الا الولد مختفي وينه!!! مدررري؟؟؟ بغيت انجن عاد ع ضفاف نهر اليارا انا قلت الله يستر كان ماطاح با النهر واركض زي المجنونه ابوه رجع للحديقه وقالي كملي الطريق يمكن انه سبقنا اذا مالقيتيه بنكلم الشرطه وصياح وشواهيق:icon33::icon33: وادعي وليدي بسم الله الله عليه يافلان يافلان والعالم تطالع فيني ياررربي احس حيلي انهد الموهم سمعت صوته وهو يصيح بقوه ويشاهق وانا ارجع فرحانه ركض للمكان الي فقدناه فيه وابوه يدق قلت اكيد يبي يبشرن انه لقاه مارديت الموهم لما طلعت فوووق مافيه احد غير ابوه ويخانق ليش مارديتي وليش مارحتي للبيت؟؟:mad: قلت سمعت صوته يصيح وجيت ركض:icon33: والله يابنات اني سمعت صوته يصيح حسيت اني انجنيت واجع للبيت هروله انا وبنتي ودمووعي وخشمي وكل ابو شي ينوقط وادعييييييه فلان يافلان ياربي تطمن قلبي عليه يااااارب واصل للجسر اللي عند بيتي واسمعه يقول ماما والتفت وراي ماهو بوه وامشي واسمعه يقول ماما والتفت ماوراي غير ها الناس اللي طالعون فيني يااارب تحفظه يارب وامشي من عند الكافييات والناس تطالع با استغراب تقل مجنونه وادعيه قلت ان وصلت لباب عمارتنا وهو ماهو فيه خلاااص الولد ضاااع سم الله على وليدي ويدق ابوه يسال هاه لقيتيه قلت لااااا وانا اشوهق قال خلاص بكلم الشرطه المهم بنتي غثتني تبيني اشيله ماتبي العربيه حقته وانا اقنع به عند الباب اقسم يابنات ان دموعي مثل المطر تنزل ع الارض ياماما اجلسي بالعربيه مو راضيه قلت ابدخله عند الباب وارجع لزوجي بنفس المكان اللي فقدناه فيه وسبحان الله خيره ويجيني رجال قال انتم اللي ساكنين با الشقه رقم 66 قلت ايه قال ولدك لقيته عند الباب ودخلته الموهم انا ثاااانكيووووو وانا شواهيق وجواعييير وصييييااااح ويجي الله يجزاه خير ياخذ العربيه ويساعدني ويفتح لي الابواب عاد عمارتنا عله العلل كله ابواب امن واسمع صياحه ياقلبي قلبه والقاه عند باب شقتنا جالس وعنده 3استراليات يهدون فيه واضمه ونسوي فيلم هندي:icon33: مدته 10 دقايق ياحياتي من كثر ماهو يصيح قالب وجهه ازرق من الخرعه بعد الله لايوريكم بعيالكم مكروووه وادق على ابونا وابشره ويلعن سلسفيلنا خخخ وبعد ماتطمنوا علي الجماعه راحو ودخلت انا وعصفوري للبيت واضمه احبه مع كل مكان ياجدي جد قليبه الصغير احسه مايتحمل خرعه انا شيبت وشلون هو ها النتفه عاد المضحك يوم دخلنا البيت الا النافذه طايح منه برواز من براويزه انا استغربت ويوم ارتحنا وجا ابوه وصحنا وحمدنا الله قلت لابوه غريبه النافذه مكسور بروازه قال وليدي يابعد عمري هو فديته يقول يوم جيت كنت خايف من الرجل اللي فتح لي باب العماره وصياح لمين راح دعى صديقاته يهدن ولدي يقول ماش عجزت ارتاح خصوصا انه مايعرف با الانجليزي الا الشي البسيط يقول رحت للنافذه احاول افتحه عشان ادخل البيت واحس با الامان ماقدرت يقول احاول افتحه وانا اصيح راحوا هم عشان يريحونه ساعدوه بفتح النافذه عشان يدخل بس ما قدروا ياحبي لهم الموهم رجعنا سالمين والحمدلله على كل حال وتوته توته خلصت الحتوته عندي سوالف كثيره بكره ان شاء الله من الايفون اكمله :icon33::icon33:<< فيني صيحه للحين

مراحب ياحلوااات مدري من وين ابدى احس اني مغبره ومالي داعي الموهم نبتدي با الترتيب ...

*foshy.. wow* :

هيو الاب توب يختلف سبحان الله اناا عندي توشيبا له ماشاءالله 5 سنين ماله عطيل غير انه بطئ ولازم البطاريه مشبوكه لأنها بس يجلس نص ساعه وتخلص وفيه دل برضو حلو بس ترا مو على نوعيه الجهاز انتي انتبهي لمواصفات الجهاز مثل الذاكره والمعالج ووووو >>>زوجي خبير فيها حفضت منه من كثر ما أسمع الناس تسأله ههههههه

هيو الاب توب يختلف سبحان الله اناا عندي توشيبا له ماشاءالله 5 سنين ماله عطيل غير انه بطئ ولازم...