ام اللوووس
ايش اسوي انا من النوع القلق لو يغيبوا عن عني احس انهم بيخربوا الدنيا او بيصير فيهم شي
لا وعندي نوعين مختلفين الكبيره تحب الفلته والفله ولو لحتقها تقول لي روحي اجلسي هههههههههههه ع بالها بخليها تجول وتمرح ع كيفها .
والثانيه العكس تماما لاصقه فيني ولو احد مدحها ولا طالع فيها تعالي شوفي تقولي بيخطفها واذا طحت بالسوالف تحاول تشغلني وهات سوالف معااااي .
خلينا ببيتنا انا وهم احسن واريح ولا الصحبه واللمه ودي بها .

سمسم
لو انتي فعلا بجديه تبغي تدرسي مو طقطه بس اسفه ع الكلمه لكن لازم يكون فيه هدف يخليكي تتركي وليدك بحضانه توكلي ع الله واستودعيه ربي وع حسب عمره اذا عمره اقل من سنه خليه عند حاضنه واذا اكبر من سنه حطيه بحضانه بيعلموه اشياء حلووه ويختلط بعالم الاطفال .

الدراسه الي اقصده :
اذا كنتي تبغي لغه لازم تكمليها من البدايه الى الاخير بحد واجتهاد وتصير تقريبا بنسبه اكثر 70 % جيده باللغه وبكذا تحصلي ع شهاده لغه تفيدك لما ترجعي وتفيدك بحياتك بصغه عامه .
اذا كان هدفك اللغه والجامعه فهذا هدف اقوى ويحتاج مجهود اكثر .

الغايه من كلامي انك لو حطيتي ببالك هدف انتي بكذا تدريجيا تتخلي عن الخوف من وضع طفلك بحضانه بعكس لو كنتي تدرسي بدون هدف سوف يلازمك تأنيب الضمير وتقولي ما فيه شي سويته يستاهل اني اضع ولدي في حضانه وبعيد عني .

هذي فلسفتي لما درست ولاحظي اني كنت حاطه قبل كل الاهداف شرط ضروري لو حصل لبناتي اي مشكله بسبب دراستي سوف اتخلى عن دراستي بدون ندم او تردد .

اتمنى من البنات يفيدونك اكثر وكل وحده تطرح رايه وطريقه تفكيرها من ناحيه الدراسه والاطفال فقط

الزوج والبيت لا تشيلي همها ابدا لو نظمتي وقتك والازواج هنا في الغربه يراعون كثيييييييير .

الله يوفق كل البنات والله ما تعرفوا قد ايش افرح لما اسمع فلانه تخرجت واخذت الشهاده احس اني اشعر بغخر بكل البنات .

الله يوفقنا جميعا .

ام اللوس ..
وعسيريه كلامك مقتنعه فيه ميه بالميه بس كيف ارتب وقتي ؟

مذاكره وبيت وطبخ ووطفل ؟

طيب abc كم تاخذ على الاطفال اللي اعمارهم سنه وكيف رعايتهم ؟

سمسم
ترتيب الوقت بيكون ضغطه وربكه اول اسبوعين بعدين بيمشي الحاااال وانتي ادرى بنفسك وقدراتك بس انا اشوف انه سهل عليك ترتيب وقتك خصوصا انه ما عندك اطفال بالمدارس وتدريس منهج سعودي بالنسبه للطبخ قدر الضغط وجهزي التقطيع من الليل والويك اند للتنظيف العميق والاندري يصير بوسط الاسبوع شطف سريع للتواليت وانتي تقدرين تكيفين عايلتك تستخدمون حمام واحد وكنسي الصاله بعد الغدا والعصر الى المغرب اجلسي مع ولدك وكلميه لعبيه بعد المغرب ابدي عشي وحممي ونيمي وتفرغي لنفسك ذاكري وجهزي لليوم الثاني بتحسين تعب اول اسبوعين بس لوعندك رغبه بتتيسر الامور وبالنسبه للحضانه مدري عمر سنه كم ياخذون بالضبط اللي اعرفه ولدي 3 سنوات وشي كانوا ياخذون عليه تقريبا 53 دولار باليومويختلف اذا انتي تاخذين الخمس ايام او بس ايام معينه افضل تروحين لو عزمتي بعينك تشوفين واي استشاره البنات ما يقصرووون

وزي ما قلت لك الاستخاااااره والتحصين وربي يحميه لك ويحقق لك مناك

مشكووره ام اللوس كلامج مرييح ..

وان شااء الل ربي ييسر ..


معهد ميلنر كيف مستواهم ؟
وكيف دواماتهم سمعت انج تختارين ايام مو كل الاسبوع ..

سمسومة
من جد الدراسة شيء مهم لازم تطلعين من هالغربة اقل شيء بلغه واذا على ولدك حطيه في البدايه عند حاضنه عربيه علشان تتواصلين معها باستمرار وزين اذا ماعندك إلا واحد مقدور عليه
ملينر مو اختياري تداومين كل الاسبوع ويوم الجمعة تقدرين تطلعين 12 لانه مسموح للسعوديين علشان صلاة الجمعة
لكن كان فيه معنا وحدة ماتداوم إلا فترة ماقبل الظهر يقولون جايبه عذر محترم للملحقيه أسالي وشوفي
بالتوفيق