هلا زاهدة ايش اخبارك

زهيدة والله عارفة الكلام اللي قلتيه وانا الحمدلله دااااايما اقول التسبيح اللي قلتي عليه بس استغفر الله مااشوف في فايدة منه مع اني اخزي الشيطان واقول خلاص من بكرة ابدا واشترك مع التجمع الطيب بس يوم اصحى اعوذ بالله من التعب اللي بجسمي مكسسسسر مع اني ساعات انام نوم كافي وساعات اضغط على نفسي في شغل البيت وابي اقلدكم بس من يجي الليل يجيني كتمة في صدري وضيييق نفسي شديد واكتئاب ومن كثر التعب ماانام اجلس الليل كله اتقلب عكس اللي يتعب ينام انا عارفة ان المشكلة فيني بس ماعرفت لها سبب استغرب ليش اذا تعبت ماانام واحس بتخدير بجسمي كله ورجفة مع انه دمي مو ناقص واكلي كويس يعني مو فاست فود وخرابيط رحت مرة عند دكتور واستغرب انه كل شئ سليم وعطاني فيتامينات غالية مرة واخذتها ولا في فايدة تعبت دايما اردد اللهم اني اعوذ بك من العجز والكسل
عشان كذا حبيت استفسر ماهو سر النشاط والهمة عشان لعل وعسى يكون في سر عند وحده فيكم واجربه واستفيد لا تقولون اذكار وصلاة ونوم كلللللله موجود فيني ولله الحمد

اهلين ذاهبه والله بخير
مع قره مافيه يمه ارحميني هههههههه
انام وانا افكر فالشغل واصحى وانا افكر فيه
بس انتي موظفه الله يعينك انا لمااطلع من بيتي فالصبح اجلس يومين مهدود حيلي خخخخ
بس انتي امر وسنعه كمان

صادقه ياقلبي اختي تقول مثلك لو طلعت موعد للمستشفى مثلا الصباح طول اليوم مهدودة

والمشكلة شغالتي سافرت هي اصلا مامن ذاك الزود بس على مايقولوا العوض ولا القطيعة

ياقلبي ياقطرات المطر حبيت اسمك من حبي الشديد للمطر الله لايحرمن منه
شوفي ياامر انا لما يبي يجوني ضيوف اتعب نفسي مره واجي انام والله مقدر واحاول بكل الطرق مافيه فايده لييييييه
لان العقل شغال تفكير واحس بقهر اكثر ان الوقت يعدي وانا مانمت ووراي قومه فالاخير تعلمت طريقه والحمد لله نتايجها هائله
اول ماتجيني سالفه اقول لنفسي ماني قايله شي واطرد السواليف واستغفر واسبح لين انام
وانصحك تجيبين جيك مويه وتقرائين البقره والفاتحه 7مرات والمعوذات 3 مرات وتضيفينه لدبة المويه الي تشربون كلكم منها وسوي الحركه هذي دايما وصدقيني راح ترتاحين راحه عجيبه
وانصحك ماتكثرين شغل وتسوين اعمال صعبه عليك دفعه وحده لاشوي شوي لين تتعودين وفالجدول الجديد للشهر الجاي ابدي معانا من اول