بسم الله الرحمن الرحيم
الحمد لله الذي بنعمته تتم الصالحات ..
أحبتي اعرض لكم في هذا الموضوع طريقتي في عصر الليمون
وهذه الطريقة تخرج لك جميع العصير الموجود في الليمونه يعني
لآخر قطره ..
نبدأ
احضري الليمون واغسليه ( استخدمت الليمون الصغير ) ..
قصي الليمون لنصفين وراح اقولكم السبب ..
كمية الليمون المقصوصه ضعيها بصحن خاص للمكرويف ..
دخلي الصحن المكرويف وشغلي لمدة 30 ثانية تقريبا ..
السبب اللي قصينا فيه الليمون وما تركناه جربت الطريقة اني اخلي الليمونه
مثل ما هي لكن بسبب البخار اللي بداخلها كادت تنفجر لكن تداركت
الموضوع بسرعه وطلعتها وقصيتها نصفين ومشى الحال..
بعد ما تخرجين الصحن من المكرويف ابدأي بعصر الليمون في العصاره
وانتبهي على يدك لأنه راح يكون حار..
راح تلاحظي ان العصيرطلع بسرعه وما تحتاج الطريقة لأي جهد وعضلات ..
وبالأخير طلعت كميه وفيره احتفظت فيها بعلبه صغيره وضعتها بالفريزر..
وبكذا يطلع لك أحلى عصير ليمون قدمته لبنتي وعجبها ..