♥OoO♥ كوريا ♥OoO♥

اه اخير مش معقول حد جاي كوريا ازغرط للللللللللللللللللللللللللوي
شفي ياعزيزتي انتي فين باتغتربي بالضبط ؟؟
انا مغتربه بسيول وانا يمنيه انتي من فين ؟؟
بالنسبه لزوجك فانا لا انصحك تسيبيه لوحده اولا لان الدراسه هنا مقرفه لانها مكثفه جدا والراجل طوال الوقت يدرس واكيد محتاج رفيق معه يونس غربته ثانيا لان اكلهم مايناكلش انا لي سنتين هنا ومش قادره اكل من اكلهم يعني زوجك بايتجعجع من دونك الا اذا كان يعرف يطبخ ..
بالنسبه للحجاب عادي البسي الحجاب الي يعجبك انا محجبه بالطو وحجاب بدون غطاء الوجه ومافيش مشاكل وفي نساء من بنقلادش مغطيات حتئ وجوههم ومافيش مشاكل ..

واي اسئله انا في الخدمه ..
علئ فكره العرب هنا نادريين جدا يعني لو رحتئ علئ الجامع ممكن تلقي بعرب لكن بما اني عندي طفل ومارحش الجامع ومافيش عرب في المنطقه الي عايشه فيها ..فلا اعرف الا واحده مصريه شفتها مره واحده وهيا عايشه بمنطقه بعيده عني وواحده مغربيه اتعرفت عليها عن طريق عالم حواء ولسه ماشفتهاش للان ..

اه بالنسبه لباقي اسئلتك
اللغه
اللغه الكوريه ونادرا ماتلاقي حد يتكلم بالانجليزي وانا اتكلم معاهم بالاشاره لي سنتين ومش عارفه لغتهم ههههههههه

الجو
في الشتاء بارد جدا وثلوج
وفي الصيف حار جدا ورطوبه
يعني الفصول الاربعه شغاله عندهم مش زي في بلدنا اختلافات الجو بسيطه ..

الحجاب
رديت عليه بجوابي بالمشاركه السابقه

التعامل
الناس حالهم حال نفسم ننادرا ماحد يحكي معاكي بس ودودين جدا مع الاطفال مايصدقو يشوفو طفل علشان يبتسمو له وممكن يدوه هديه ..

بالنسبه لبنتك
هاتي لها العاب تعليميه بالعربي علشان اللغه ولا صح هي سنه واحده ممممممممم بصراحه مش عارفه

شوفي هنا مافيش جبن مافيش غير نوع واحد وهو الشرائح ونادرا ماتلاقي الجبن المثلاثات وسعره يكون غالي جدا ..يعني هاتي معاكي اجبان
القشطه والدريم ويب غير متوفرات هنا
الفول غير متوفر
الفاصوليا في فاصوليا علب بيضاء مسكره فقط
وفي فاصوليا حمراء بس حبوب مافيش علب لا بصراحه في علب بس مطبوخه مع الخنزير علشان كذا مانشتريهاش
ومممممم ايش كمان
انتي اسالي وانا رح اجاوب بس لاتنسي تقولي لي فين رح تتغربي يمكن تروحي مدينه غير الي انا فيها وتلاقي حاجات غير متوفره عندنا ..

هلا والله وغلا اختي الغالية يارب يسعدك ويجعلك موفقة دايما ... انا حبيبتي برضه رايحين على سيول العاصمة وزوجي يشوف انه الأفضل ابقى في السعودية ويروح هو لوحده لأنه يقول مسؤلية فين نسكن وكيف اخليك واروح العمل امكن مافي امان واحنا خايفين لأننا بصراحة ماقد سمعنا اي شيء عن كوريا ابد فما اعرف وش الحل وهو لايعرف يطبخ ولاشيء بس محتارين ومتخوفين ياليت تقولي لي معلومات زيادة وبالنسبة للسكن هل هو غالي انتي في شقة او فندق معليش حبيبتي اسئلتي كثيرة بس اعذريني جديدة على الغربة بالنسبة لبنتي يعني هل القى حليب يناسبها والأكل لأننا بنروح لمدة سنة فممكن تعطيني تفاصيل اكثر الله يرزقك الجنة

شوفي عزيزتي انتم رايحين دراسه اييش ؟؟
وفين في اي جامعه
لانه انا مثلا عايشه في المنطقه الي فيه سيول ناشيونال يونيفرستي وهي اصعب جامعه بكوريا والسكن حوالين الجامعه رخيص بالمقارنه بالمناطق الثانيه ..
احنا اول ماجينا كوريا كنا حاجزين من بلادنا الجامعه حجزت لنا سكن في مبنئ اسمه bk
والايجار تقريبا 300 او 330 دولار مش متاكده وهو عباره عن غرفه واحده والمطبخ بنفس الغرفه وفي حمام منفصل داخل الغرفه برضه ..
وفي كمان سكن اكبر اسمه ak
وايجاره ضعف الاول والغرف غرفتين وصاله والمطبخ داخل الصاله ..
اما بالنسبه للحليب فبنتك كبيره سنتين يعني ماتحتجش رضاعه وانا اول ماجيت كوريا كان عمر ابني سنه ونص وفي حليب كوري طعمه قريب من النيدو كنت اديله ياه اما الان ابني كبر وصرت ادي له حليب بالكراتين زي حليب الربيع بالوطن ..
اما بالنسبه للامان فالحمدلله هنا الدنيا امان يعني حتئ تشوفي اطفال يمشو بليل لوحدهم بينما بامريكا ممنوع اطفال يمشو لوحدهم لا ليل ولا نهار ..
ومافيش اي مضايقات او معاكسات او اهانات ..
الحاجه الوحيده الي ممكن تحصل انه يتسالو عن حجابك وكيف تستحمليه بالحر وبما انك ماتعرفيش تحكي كوري فيكفي انك تبتسمي لها وخلاص ..

علئ فكره احنا اول عرب ويمنين بهذي الجامعه ..
وهذا الترم جايين طلاب جدد وسمعت من زوجي ان فيهم عرب 2 مصريين
وواحد اردني
وواحد قطري
بس مش متاكده اذا اجو مع عائلاتهم او لا ..


وعلئ فكره انا كمان قبلما نجي علئ كوريا اول مره كنا متخوفين جدا وكان زوجي يفكر يتركنا باليمن بس الحمد لله اجينا معه ومشي الحال وابني في الوطن كان دائما يمرض مره تسنين ومره حمئ وانتي عارفه امراض الاطفال لكن بعدما تغربنا لا في امراض ولا تسنين ولا غيره الحمدلله الجو نظيف ..