السلام عليكم كيفكم ياحلوات ياربي يصدقون هالمرة ويجيبونا عندكم مومثل كل مرة نتحمس وفي النهاية كل شي يتكنسل المهم ياحبيباتي لو الله قدر وكتب لي هالروحة وش اشحن معاي من السعودية والاشياء اللي موموجودة عندهم من الاكل وغيره واللي حامل كيفها مع المواعيد والولادة عندهم كيف جزاكم الله خير:)

هلا وغلا ياحلوات صباحكم فل
شمس الاي مارت مايحتاج اشتراك
في سوبر ماركت حلوه جنبي اسمها kim's club
مرره حلوه انا مااقضي الا منها زي المول فيه كذا دور مطاعم وكوشكات
وميزتها ٢٤ ساعه
صح تذكرت في يمها سوق تحت الارض فيه مواعين واكسسوار وملابس وورد ومنتجات يدويه كوريه
ليت بس ريحته تخف شوي خخخخخخ

السلام عليكم يامغتربات كوريا انا ان شاء الله قريب انضم لكم وعندي شوي استفسارات اول شئ واهم شئ بالنسبه لى المدارس انا عندى ثلاث اولاد الكبير رايح اولى متوسط والثانى رايح رابع والصغير ثلاث سنوات ابغى اعرف تجاربكم للي عندها اولاد يعني دخلتوهم انترناشونال سكول وكيف القبول في المدارس والتسجيل باقى ولا خلص وايش احسن المدارس الموجوده عطوني اسامي مدارس وبالنسبه للشحن الاكل وغيره ايش احسن شركات الشحن انا من الشرقيه وزوجي رايح على مشروع ارامكو ادري طولت عليكم بس والله ماعندي غيركم خاصه انكم في قلب الحدث تكفون ردو على الله يخليكم لعين ترجيكم ويردكم سالمين ان شاء الله ولو افتكرت شئ اكيد ماراح اتردد واسالكم وشكرا مقدما

ام البواسل غريبه ماتاكلون ربيان هنا؟؟
عموما الربيان اخذه مجمد يكون لونه برتقالي لانهم يسلقونه ع خفيف لذلك ماياخذ مده بالطبخ
وانا اسويه اكثر من شكل اولهم البروستد
وثانيا الرز اما برياني او مجبوس ع قولة شمس
وثالثا خضار صينيه مع الربيان يمي بس ماظبطتها لان ماعندي صويا:(
وبرضو الشوربات يكون حلو معاها

بنات بسالكم هل يوجد سبانخ؟؟

تكفون لاتطنشون اسئلتى بروح انام ولما اصحى ان شاء الله تكونو رديتو