السلام عليكم بنات فرنسا
عساكم بخير
الجو اليوم احسن مشمس ودافى
بنات معذره بخصوص بيع السياره ما اقدر ارد على الخاص لو حابين ممكن ترسلوا ارقام تلفوناتكم وانا ادق عليكم
شكرا لكم


الاخت الضوء الابيض ما تنزعجى مشى حالك طالما الشقه انتى مرتاحه فيها
ممكن تمتصى غضبها اعملى كيكه ولا اى حاجه حلوه واهديها
تحياتى

شعور الأخوة إحساس أكثر من رااائع
أن تمد يدك فتجد من يصافحك بحب
وتفتح قلبك فتجد من ينصت إليك بصدق
وتبكي فتجد من يجمع حبات دموعك بوفاء
الأخوة كنز لايفنى "دمتم لي أخوه في الله"
لاحرمني الله إخـوتهـم

السلام عليكم
كيفكم يابنات
الله يسعدكم جميعا فالغربه ووين ما كنتم
مشكويين جميعا على الردود والله بردتو قلبي الله بيرد قلبكم

كامي
والله صادقه قبل كم اسبوع سويت لها كيكه روعه ووديتها لها بس والله واني اضرب الباب تمنيت اي احد يطلع لي ولا هي والله صرت ما احب اشوفها اذا شفتها تسبب لي كأاااابه بس الحمد لله طلع لي زوجها بس والله ناس ما عدهم اخلاق يعني من عطيتهم الكيكه ما قالت مشكوره ولا حلوه
انا عادتي احب اسوي كيك كثيييير واحب اقدمه للجيران والله جيراني الي معاي بنفس الدور عجوز وزوجته عطيتهم مره كيك وليومك كل ماشافوني ترحيب ويسولفون معاي بس يادوب افهم لهم وحتى اذا شافو زوجي يقولون له وصل سلام لزوجتك وهم الجاره الي فالبنايه بعد ولدها مع ولدي بنفس الصف اهديتها كيكه والله بشوشه الله يخليها من جاره لي
بس فيه ناس مثل هالجاره الله يهديها والله اول الايام كنت ادعي عليها بس والله تعودت من ابليس وصرت دايم ادعي الله يهديها ويشغلها بشي عنا يااااارب

بالنسبه للسيرك ان شاء الله ناويين نروح له انا رحت له العام الماضي بمدينه ثانيه بس مادري هو نفسه ولا لا ؟
ودي ازوره مره ثانيه اذا كان هو ما فيه عروض خيول ونمور ونمور بيضاء ودي ابني الصغير يشوفها العام كان صغير كان بفهم شويه

توتي فروتي
الله يعينك والله صارلي سنتين ونص ولسا كل ماودي ادرس لغه ما اعرف وين اودي اولادي الصغير لما كبر وراح المدرسه جبت ثاني وعمره سنه وين اوديه الله يعين
بس جربتي رحتي للماغي حق منطقتكم وقلتي له عن الوضع يمكن يشوف لك كرش الي هي حضانه وفيه كمان عنده عاده الناني تعرفيها تودي اولادك لها فبيتها عن طريق الماغي طبعا تكون مضمونه وما تاخذ اولاد كثير حدها 3 او 4 وعدها شهادات ويمرو عليها بين فتره وفتره لجنه مراقبه سمعت عنها من وحده سعوديه مثلك تودي اولادها لها ودي اجربها
بس اذا ابنك او بنتك ما اعرف وشو عندك الله يخليهم عمره 3 سنوات بروح الايكول ماتغنال ابني من عمر سنتين و 8 شهور وديته نص دوام بس يساعد بس مهم يكون نظف من الحفاظ وعنه اسألي الماغي كمان بيدبر لكم مكان له ان شاء الله
وان شاء الله مايمر هالشهر الا واولادك محلوله مشاكلهم معاكي وتكملي دراستك والله يسهل لك
سؤال عن لقافه مو لازم تردي بس اذا زوجك معاكي وهو مرافق لك يعني مايدرس ليش ما يمسكهم هالسنه لين يكبرو ويروحو الايكول
و الله يوفقك

وتحياتي للجميع

السلام عليكم جميعا

توتي فروتي

انا في وسط فرنسا في clermont ferrand

اذا حبيتي تزورينا :27:

والله قلبي معاك الله يفرج همك طيب شوفي كلام الضوء يمكن تستفيدي

كمان انتبهي من حكايه ارواقك موقفه ترى واحد من الشباب صارت له مشكله قبل فتره

انا ما ودي اخوفك بس ودي انك تتبهي من هالشغله ويارب يوفقك يارب

توفي كراميل
كلنا اشتركنا عشان التجمع عشان نستفيد من بعض وندردش
الله يجمعنا على خير يارب

كامي
ربي يسهل لك امورك وتنباع السياره

ربي اغفر لي
دايما اضافتك مميزه
الله يجزاك خير يارب

الضوء
الله يعينك هذي ما ينفع معها لا حق ولا باطل
ماشاء الله عليك عجبني تفاعلك مع الجيران الله يقويك

توته وسنون وينكم

سنون على فكره جربت الجبنه اللي حطيتي صوره عجبتني تسلمي