ورده مفتحه :

جميللللللللللللل جدا حاسه اني و لا حاجه جمب النظام ده بجد عجبتني افكار كتير و هقتبس من مدام وائل ماشاء الله عليها ربنا يحمي ابنها افكار ف تنظيم غرفه ابني كتيررررررررررررررر

جميللللللللللللل جدا حاسه اني و لا حاجه جمب النظام ده بجد عجبتني افكار كتير و هقتبس من مدام...

رووح حواء :

- فأول يوم بدت فيه المسابقه تحمست ولما شفتهم خلاص ملو من اللعب ناديتهم - وقلت شرايكم نرتب غرفتكم زين عشان النظافه تخليكم ترتاحون وتستانسون اكثر دائمآ - وحاولت اربط العمل بالمتعة ليصبح وقعه على النفس أفضل، - لانه اذا حس الطفل بأهميته وبأنه عمل ممتع، فإنه يحرص عليه، - فقلت نلعب وانرتب فنفس الوقت شغلت اناشيد وطولت عليها مره لان اولادي يموتون فالصوت العالي خخخ - وقلت يالله نبدى بالجزم طلعت اللي خلاص مانبيها والصغيره - وعطيتهم فوط وقلت امسحوها وحطوها بالكيس عشان نعطيها الفقراء - والجزم اللي منتهيه صلاحيتها حطوها بالزباله و جبت اسفنج ومطهر وفوطه - واحد يمسح الدروج بالاسفنج والثاني بالفوطه وانا امسح جزمهم - وبعدها صفينها ثلاث اقسام وعلمتهم ان الاول جزم المناسبات الكبيره - ومايلمسون الاول ابدآ - والثاني والثالث عادي يلبسونه باي وقت وقسمته حسب الالوان عشان يسهل عليهم التنسيق ويتعودون عليه وبعدين رحنا للدولاب وطلعنا اللي مانبيه خليتهم يرتبونه كويس باكياس وقلت هذا للفقراء اما اللي مره منتهيه قلت عطوني مقص لازم نستفيد دايم من الاشياء ومو كل شي بالزباله وقصيتهم قطع وقلت هذي نستخدمها للمسح والتنظيف وخليتهم يمسحون بها دواليبهم ورتبنا لبسهم وهم يلعبون لعبه التنسيق اطلع قطعه واقول لهم وش يناسبها وكل واحد يتسابق يعطيني شي يناسب وحطيت لبس المناسبات الكبيره فدولاب لحاله وقلت هذا ماتفتحونه ابد والبيت صفطناها مع بعض والطلعات علقناها >>هذي فكره اعجبتني بس مابعد نفذتها أكياس من القماش الملون بعدد أيام الدراسه 5اكياس، بحيث توضع في كل كيس الملابس الخاصة بهذا اليوم، ويتم تعليقه في الخزانة<<. - وبعدها الجوارب طلعتها وقلت يالله كل ثنتين مثل بعض حطوها مع بعض - وعديت للثلاثه وبدو يتسابقون ونفس الشي الملابس الداخليه - وبعدين رحنا للالعاب وطلعتها كلها بالوسط وشفنا اللي مكسر وماينفع نهائي فالزباله - واللي ممكن يتصلح جلسنا نتسلى ونصلحه شي بالصمغ باللزاق - وبعدين جبت فوطه ومسحوها كلها - وجبت ثلاث سلات علمتهم يرتبونها الاولى بس الالعاب الكبيره والثانيه العاب صغيره والثالثه التركيبات واشكالها كثيره وهذي السلات بعد الترتيب - واستفدت من هالكلام اللي قريته>>لكن اعلم أن ما قد يبدو لك غير منظم، قد يعتبره الطفل منظماً ومرتباً، فلا تنتقده دائماً حتى لا تفقده ثقته بنفسه، بل شجعه وعلمه، وأشعره بالفخر بما يقوم به، فهو كلما تقدم في العمر تمكن من هذه المهارة<< - اتوقع لو ماقريته كان جلست اقولهم غلط موب كذا هذي حوسه وكان تحطمو مساكين - فعرفت ان فعلا الواحد يحتاج دائمآ يقرى ويثقف نفسه فان اذا حطو شي اقولهم صح ممتازين هذا مكانه - واعدله واقول وش رايكم موب كذا احلى طبعآ هم على طول إلا احلى - وبعدها بدينا فالجدران كل واحد معه اسفنجه ويمسك جدار ويمسح بكل البقع وبعدين تعبنا - وقلت نكمل بكره اليوم الثالث قلت يالله نكمل على طول فتحو الشبابيك ومسحنا الستاره والافياش ومسحت اللمبات والمكيف - وقلت لهم شرايكم نزين طاوله التلفزيون حقتكم لانها طاوله قديمه عندنا وقلت لان لونها مايناسب غرفتكم ومانقدر اللحين نشتري جديده - لازم نفكر ونخليها تناسب غرفتكم - وجبت لهم تجليده حمراء وجبت مفرش احمر من المخزن عندي من زمان - وقلت هذا اللي عندنا لازم نستفيد منه وش نختار اختارو المفرش وفرشناه عالطاوله - وبعدها كان فيه بقعه عالارضيه ماتروح بسهوله قلت لهم وش رايكم نصير اقوى منها - ونحاول نوخرها قلت جيبو مويه وشويه صابون وكبينها عليها وقلت خلوها عشان تلين وبعدها نحكها - وبعد فتره جلسنا نحكها وبعدها مسحنا الارضيه بالكامل وخلصنا الغرفه وعطرتها لهم واستانسو مره بالعطر والبخور. - وقلت لهم اللحين غرفتكم تمام لازم تحافظون عليها وعلمتهم التعليمات وخليتهم يرددونها كل واحد لحاله - السرير يترتب على طول والملابس الوسخه فالسله والنظيفه بعد مايفسخونها فالمعلاق والالعاب كل واحد فالسله الخاصه به - والدروس مرتبه بنفس اماكنها وبنفس الترتيب بعد وبعد ماخلصنا مره من الغرفه علمتهم هالكلام >> النظام لا يعني فقط غرفة مرتبة، وخزانة نظيفة، ولكنه يعني أيضاً: التفكير بنظام، والاستفادة من الوقت بنظام، وكل هذا يكتسبه الطفل بالممارسة، والصبر من قبل الوالدين، فالطفل منذ ولادته في حاجة إلى أن نعلمه النظام، فهناك نظام غذائي يُتبع لإطعامه، وهناك نظام لنومه، ونظام لأداء واجبه<<. قلت لهم لازم نصير منظمين فكل شي مو بس فترتيب وتنظيف الغرفه لازم نكون منظمين ونظيفين فا اجسامنا ومرتبين فلبسناوفاكلنا لازم ادب ونظافه فالاكل وفكل حركاتنا وفلعبنا مانترك العابنا وحوستنا ورانا ونتأدب فكلامنا وفنومنا ننظم اوقات نومنا ونفرش اسنانا قبل النوم ونتأدب ونقول الاذكار قبل النوم ""ودايم اكرر عليهم هالقاعدات وشفت بعض النتائج وهي ايام قليله فكيف اذا استمرينا والله رح يتغيرون ويصيرون تماااام بس يبيلها تفرغين نفسك شوي وتصبرين شوي والله يعني واكمل معهم""

- فأول يوم بدت فيه المسابقه تحمست ولما شفتهم خلاص ملو من اللعب ناديتهم - وقلت شرايكم نرتب غرفتكم...