بحثت في القسم ومالقيت شي عن اليونان
قلت افتح موضوع لعلي اجد احد مغترب باليونان
باقي لى ثلاث شهور وجالسة اجهز باوراقي وزرجي واطفالي
وجالسة ابحث في النت عن مغتربات اليونان
حبيت تشاركوني واللي عنده اي معلومة عن اليونان اكون شاكرة له
انتظركم بفارغ الصبر
وشكرا مقدما
انا وعائلتى نعيش فى اثينا على فكرة المصريين هنا كتير واليونانيين الذين من اصل مصرى كتير
ودى ميزة يعنى صحبة كويسة ان شاء الله واليونانيين ودودين فى التعامل
وهى مثل اى بلد اوربى تحرر فى كل حاجة ولانى اول مرة اغترب كنت باكون مندهشة ومستفزة من الذى يحدث حولى لكن مع الوقت بنعتاد ما نراه
اثينا فيها اماكن سياحية كتير بس من طبعا الاثار المصرية طبعا احلى بكتير الاثار هنا اطلال لا تشدنى يعنى هى كفاية عليها زيارة واحدة للمكان لا تشدك لتزوريها مرة اخرى وفى شواطء كتير ومنتجعات بس حدث ولا حرج فى كل ماهو خارج عن عادات المسلمين بيحصل هناك
فى مولات كتير واماكن تسوق ومحلات مشهورة (ZARA , MARKS & SPENCER , H M ) وغيرها يوجد ايضا IKIA و
JUMPO
وفى اوقات الاكوزيونات التنزيلات خطيرة
المطاعم يوجدكنتاكى وماكدونالد لكن لا نخدعى فيهم فى كل محل نوعين فقط ممكن تأكليهم وانت مطمئنة انهم حلال اما باقى الانواع فبها لحم خنزير والعياذ بالله حتى السلطات والسلطات اليونانى تحفة بس لابد ان تطلبى حزف البورك لو من ضمن المكونات وينطبق ليضا على البيتزا
وعموما اللحوم البقرى فى كارفور موجودة وواضحة وكارفور فروعه كتير جدا جدا فى اثينا ومثله ليدل والفا فيتا
والاسماك تحفة
اشهر اكلة هنا اسمها سوفلاكى وبعد ما اكلتها وجدتها شاورمة مثل السورى بس طبعا السورى اجمل واطعم
ولكن توجد مطاعم مشويات وخصوصا على طريق مطار اثينا تحفة وواضحين جدا البقرى لوحده والخنزير لوحده
باختصار اى مطعم تدخليه لابد ان تطلبى طلبك بوضوح تام وتقوللى انك لا تأكلين البورك اى الخنزير او اى حااجة داخلها نبيذ
و
بالاضافة انه فى كل حى يقام فى احد ايام الاسبوع سوق يسمى اللايكى فى منطقتى يقام يوم الاثنبن تجدى فيه كل حاجة من خضر وفاكهة طازة الى الستائر والملابس والسجاجيد والشنط وكل حاجة واسعارها طبعا مغرية غير المحلات
فى مدارس انتر ناشبونال ولكن لا توجد مدارس عربية سوى المدرسة الليبى وحاليا نظرا للظروف الراهنة بليبيا سمهت انها متوقفة مؤقتا
مشكلتنا هنا اللغة معظم اليونانيين لا يتكلمون الا اليونانية بعضهم بيتكلم انجليزى بس مش باجادة ( مكسر )
اللغة مشكلة تانية فى ايه اى كاتلوج لمنتج حتى لو ماركة عالمية او مكونات لطعام ما او اسماء الشوارع كلها باليونانى ولا تجدى مثلا مكونات طعام بالانجليزى او الفرنسى الا نادرا جدا فبنكون فى حيرة الطعام حلال ام حرام
فياريت تحاولى تعرفى بعض الكلمات والارقام باليونانى ولو انا عن نفسى باتنح معاهم واصر على الكلام بالانجليزية
الجو الشتاء تقريبا 8 شهور من منتصف سبتمبر لمنتصف مايو تقريبا المطر معظم الاسبوع يعنى فى الاسبوع تجدى يوم او يومين شمس والباقى مطر واليوم مثلا نزلت ثلوج غير معتادة ممكن تشوفى الرابط ده
http://aawsat.com/details.asp?section=31&issueno=11789&article=611624&feature=
والصيف حار جدا
لكن فى العموم الاقامة مريحة وممتعة
ان شاء الله تستمتعى باقاتك فيها
وعندما تصلين راسلينى وابعت لك تليفونى ومكان اقامتى