السلام عليكم

كيفكم جميعا ؟؟


بخصوص تعليم الأطفال أنا عندي بنتي عمرها 9 سنوات ماتعرف تكتب ولا تقراء عربي وكل ما أتشجع أبغى أعلمها أعلمها يومين وبعدين أتكسل وكمان أقول ليكون تتلخبط في اللغات لانها لسه تتعلم الماني ومحبيت أضغط عليها من كل مكان أحاول ااجل شويه

أما الفيديو بيهاند هذا فلم هندي بيشرح وضع المسلمين وكيف تغيرت نظرت الغرب لهم بعد 11 سبتمبر

أما الشنطه شكلها حلو بس يمكن الي خربها شويه الورود الي فيها لانها الوان مو متناسقه

أمل وطن شكرا على الروابط حبيبتي تسلمين

وبخصوص بلو والي صار معها في اول يوم في بيتها الله يعينك بصراحه موقف فضيع والله من كثر ما تجيبون حكايات المفاتيح الي تنسوها شكلي بعلق المفتاح في رقبتي مثل العجيز ههههههههههههههههههه عشان ما أنساه يوم من الايام

وبخصوص الشحاتين الي في الشوارع نصادفهم طبعا للان انا ماشفت اي شحات عربي كلهم المان

تسلمي يا اموله

اهلين يا دموع

بالنسبه لبننك المفروض تبي معها ماشاء الله كبيرة وماتخافي ما حيصير تداخل بين اللغتين انتب بس انوي ووعن الفيديو بعرف هدا فيلم الكوربان الهندي بس حلو عجبني ومع اني ابدا مابحب الافلام الهنديع وشوفت كمان فيلم نيوورك وبيحكي عن احدات سبتمبر ووضع المسلمين وعجبني كتير مع انه زوجي حكالي قومي بلا كلام فاضي ههههههه ,

بيهايند انا الصراحة بدرس اولادي كمان المنهج الفلسطيني بطبعه من موقع عالنت فيه كل المناهج الفلسطينية حتى طبعت كتب التربية الدينية والوطنية على اساس ادرسهم اياها وبعملها عندي كلها على شكل كتب انا بديت مع ابني لما كان عمره 5 سنوات والحمدلله خلصت معه منهج الصف الاول والثاني ونصف الثالث وبنتي خلصت معها نصف منهج الاول وهلقيت بتقرأ وبتكتب عربي بحب ابدأ معهم قبل المدرسة علشان لما يصيروا بالمدارس ما بيصير في وقت كثير بس صارلي فترة كم شهر قليل بدرسهم عربي
على فكرة المنهج الفلسطيني قوي بس شوية بيصير صعب عالاولاد بعدين وكمان كنت اطبع لابني اوراق عمل وامتحانات من الملتقى التربوي كمان هو فلسطيني الموقع وبيحط اوراق عمل وامتحانات المدارس عنا
يعني مثلا علشان الطفل يتعلم اللام الشمسية والقمرية ويقدر يفرق بينهم بالكتابة بتطبعيله اوراق عمل بتوضح الفرق بينهم وتمارين عليها وهكذا وكمان كثير بركز عالاملاء يعني كل ما ادرسهم بعمللهم بالاخر املاء
في اشي ساعدني مع ابني كثير وخلاه يتعلم لحاله جبتله من سوريا لابتوب تعليمي بيعلمه الحروف وتهجي الكلمات والقراءة وانه يكتب كلمات وكان ينبسط كثير عليه ويتعلم بنفس الوقت

مسا الورد
اه سامحوني هلأ لفضيت هلكت من الصبح .. كان عندي مدرسه عربيه ... أو اني معلمه في المدرسه العربيه و ما شالله اليوم الاولاد فاتلين غير شكل الله يهديهم !!!! وبعدين على طول ل روحت عملت أكل و...و..... لسه والله ما ارتحت ..

أولا .. بالنسبه لموضوع بطه فوشي هذا الامر بخص ام نور بالاخر و بتخيل هي الادرى بسبب سؤالها عن الاخت بطه ... والفرقان الله يجزيها الخير حاولت تساعد بالامكانيات اللي بتقدر عليها ... على كل صار خير و ياريت ننتبه على كلامنا يا صبايا و ما بدنا يصير مشاكل وحزازيات على شغلات احنا ما النا علاقه فيها ... فمن حسن اسلام المرء تركه مالا يعنيه ... الرجاء أخد كلامي بروح رياضيه .. و هذا مش موجه للمعنيين اليوم بل للكل عشان لا تعاد نفس الاخطاء دائما .. واكيد انه الجميع قرأ تعليمات الصفحه الاولى ..... من المنتدى.

ثانيا .. قرأت باستمتاع التعليقات على اللالمان و المسلمين .. يمكن بيهايند حكت كلمه جوهريه .. بكفي جلد لانفسنا .. بالفعل اذا خليت بليت ... بس بالاخر .. دينا معامله .. مش بالمظاهر .. احنا اللي بنعكس صورة دينا امام الاخرين .. يعني انا بالجامعه كنت معزومه على حفلة تخرج طالب وطبعا بيجيبوا المشروبات كحوليه .. فلما اجوا يصبولي كاسه حكيت انا مسلمه ما بشرب .. فانتبه البروفيسور وحكا لمساعدته جيبي عصير برتقال لالي .. وطلع فيي باحترام مش هون القصه انه زميلي تركي وهو مسلم كان يشرب فسأله زميل تاني طيب اشمعنا انتا بتشرب مش انتا مسلم .. قاله انا مش مقتنع انه حرام ... فالكل اطلع فيي وحكيتلهم .. انا بتبع تعاليم القرأن واكيد ما في حدا بيعرف انه الخنزير والخمر حرام فقال البروفيسر .. هذا اكيد انا معظم المسلمين اللي درستهم بحكوا نفس الحكي واللي زي زميلي التركي هو مسلم اسما أو وراثه ... ورفع كاسته وحكالي .. انا بحترم اللي بحترم تعاليم دينه وبيعطي الصوره الحلوه ...
بالنهايه انا حسيت حالي انتصرت على هذا التركي اللي عامل حاله مودرن ومسلم .. وترى اللي زيو كتيير .. والامثله كتيييره ...

ثالثا .. الفيديو روعه يا بيهايند يسلمو


رابعا .. بلوو الفلافل روعه لو انك قريبه كان بعتلك صحن .. بس انتبعتي هدول اللي فاتو ورانا الصبح بتخوتوا ولا شو .. هههههههههههههههه


سلاميييي لكل الصبايا بدي اروح هلأ ارتاح شوي ديروا بالكم على بعض ..