السلام عليكم

بطة فوشيه ان شاء الله بتتوفقوا بشقه مناسبه ,بس حبيت احكيلك انه المبلغ الي انتي كتباه للايجار مابيكفي لشقه مفروشه لانه الشقق المفروشه بالمانيا كتير اغلي ,يعني المساحه الي انتي طلباها يدوب تدفعي الايجار الي انتي كتباها بس مش مفروشه ,وكمان انا مابدي احبطك بس صعب تلاقي مفروش وانتي معك تلات اطفال ,يعني انتي دوري علي غير مفروش افضل وحاولي تفرشيها باقل شي ,وان شاء الله بتتوفقي والله انا حاسه فيكي لاني مريت بنفس المعاناة

بلو سكاي بالنسبه للصالون والله انا طلبته اون لاين ههههه ماتقولي عني هبله ,انا بالاول عملت لفه علي المحلات واخدت فكره وبعدين طلبت تقريبا اشي مشابه للي شوفته وعجبني ,والاسعار طبعا حسب ماديتك بيبدا من 700 لفوق ,وطبعا حسب حجم الكنب الي بدك اياه انا طلبت انه يكون كبير ,وطلع عليه 900 اويرو ,وطبعا حسب نوع القماش يعني الي طلبته في تلات انواع للقماش وكل نوع سعره بيختلف ,وانا جبت اغمق لون من شان اولادي هههه ,في عند محل اسمه بورتا بصراحه رائع وكل الاتات الي فيه بجد حلو كتييييي واسعاره طبعا غير شكل ,بس بتلاقي فيه بحدود 800 هدا اقل شي ,ادا بتحبي بكتبلك عنوانه ,ممكن تروحوا عليه وتتركوا الاطفال في الكندركلوب الي تابع له ,بصراحه كتير حلو وهو من اربع طوابق وفي كل شي للبيت

بعدين يابنات الشلاق زانه انا مجربها عادي مابتغلب ,انتوا بس طولوا شويه عليها في المضرب الكهربائي وبتجمد ,بعدين هي اصلا افضل لحشوه الكيكه من جوا ,اما ادا بدك تزيني فيها الكريمه البودره افضل بصراحه ,لانه الشلاق زانه مابتعطيكي الشكل المطلوب وما بتكون ملمسها ناعم كتير متل كريمه البودره,التوته الي عملاها ربوش ماشاء الله عليها مافي اي كلام بس لو انتبهتوا هي امشيه حواف السكينه علي الوجه ,فمش باين الي بحكيلكم عنه ,لكن لوبدونه مابيصير ملمسها وسطحها ناعم كتير,انا مجربه كل انواع الكريمه الي هان ,انا مابحبها كلها اصلا بس من شان اولادي يعني ممكن تاخد الكيكه معي ساعات في الشغل وصدقوا مابدوقوها بس من شان الاولاد يفرحوا عليها

شوفي يا بلو هدا الي طلبته بس اللون غير اكيد

3612866

بيهايند والله ماشاءالله عليكي عنجد خبيرة طلبات عن طريق النت والله انا بخاف من هالطريقة لسبب انه الاقي اللي طلبته غير ما توقعت وانبلش فيه بس والله حلو الكنب اللي اخترتيه وكمان سعره مناسب تتهنوا فيه لاني كنت اشوف زيه بس اسعاره مش اقل من 1300 ل 1500 يورو بس انا محتارة اجيب كنب لف ولا مفصول يعني 3 و 2 و1 بس اذا ممكن ابعتيلي اسم الموقع اتفرج اذا هيك ممكن اطلب منه
وبالنسبة لبورتا رحته محل حلو كثير ومرتب بس شو حبيبتي اسعاره نااااااار