صباح الخير

بطة فوشيه طمنينا شو بيصير معك وان شاء الله بتتوفقوا بشقه مناسبة ,وتنحل مشكلتك يارب ,

ام نور واسراء ,الله يجازيك كل خير علي مساعدتها ,بس حبيت احكيلك انه معها 3 اطفال فما بياجروها بيت ثلاث غرف فقط ,كانك مابتعرفي عقل الالمان وتعقيداتهم ,فالافضل تبحت عن شقه اربع غرف لانه صعب يعطوها تلاته ,انا مجربه وبالعافيه لاخدت بيت اربع غرف ,وان شاء الله بالتوفيق

بلو سكاي .تعرفي انا بالاول ما فكرت اني اشتري اثاث عن طريق النت ,لكن كتير تعبنا باللف ووقتها كان رمضان وكانوا كمان الصغار معنا فبجد كانت مشكله ,لانه انا بدي اشتري اثاث لكل البيت ,فقولنا نجرب النت وطلبنا اول شي طاوله السفرة والبوفييه وطلبناهم يوصلوا بسرعه لانهم كانوا متوفرين ,فوصلونا تاني يوم وعجبونا ,فزوجي قالي كل شي راح نطلبه اون لاين والحمد لله اتوفقنا ,وادا اي شي مابيعجبنا ممكن نرجعه فما اي مشاكل ,وصحيح هي صعبه لانك ماجربتيه قبل هيك انتي ممكن تطلبي اشي بسيط كبدايه وبعدها حيصير ادمان عندك ,وزي ما حكت موني انا كل لبسي باطلبه اون لاين بلايز طويله وتنانير وحتي احيانا العاب الاطفال هههه لانه والله اللف بالمحلات مع الاطفال متعب ,غير نق زوجي لانه مابيجب هالمشاوير اصلا ,فصرت استسهل وكله اون لاين ,وبالنسبه لبورتا صحيح اسعاره نار بس ممكن تلاقي اشي في الطابق الاول كان الكنب ارخص من الطوابق الي فوق ,يعني ممكن تلاقي بحدود الالف ,شوفي انا مطبخي جبته من عندهم وكان عليه عرض فكان سعره عادي زي اي مطبخ من اي محل عادي ,جبته بحدود الالفين ,وانتي شوفتي اسعار المطابخ هناك كيف ,بس بصراحه كلهم حلوين ,ويالنسبه للكنب انا كنت زيك محتاره اجيبه لف ولاقطع ,بعدين قولت اغير لانه متعودين علي القطع وانتي دوري وشوفي ,وانا الموقع الي معتمداه هو
www.otto.de فوتي وشوفي فيه xxl sofa او sofa وبيطلعلك اكتر من نوع انتي شوفي ,وفي كمان www.neckrmann.de
ممكن تلاقيه عنده سوفرت كاوفن ,فيه طقم كله جلد عجبني ,بس زوجي ما حبه ,انا بصراحه ما جريته بس طلبته من عنده مرة وحده سجاده لغرفه بناتي لانه ديما هلكتني بدها كل شي hello kitty , وادا بدك اي شي انا جاهزة اساليني

هلا بنات
تسلمولي يا عمري
وما عملت غير الواجب والكل ساعد
الله يجزيكم كل الخير

اختي بطه فوشي بس تفوتي هون طمنينا شو صار معك
خلص متل ما حكت بيهايند 4 افضل من 3 غرف ليروحو يعقدوها الالمان

بنات فيه شغله بدي احكيها لبطه فوشي وان شاء الله ربي يغفرلي
احكولي شو رايكم فيها الاول
انو وهي تبحث عن شقه اذا كانت منقبه تروح بلا نقاب وتحاول تخفي ملامح وجها او تخلي زوجها يحكي معهم
لانو والله الالمان والغرب عموما صارو يحاربونا من هالنقطه
يا رب سسامحني يارب
وامانه يا بطه انو ما تزعلي مني
انو البسي شي حجاب ساتر واذا عندك عبايات ملونه
اولها بعدين البسي اللي بدك ياه
ربي يوفقكم ويهنيكم

اختي فجر الله يجزيكي كل الخير
والله انا فكرت فيكم انتو الطلاب قلت يمكن السفاره ساعدتكم
وحكيت مع جيزانيه مشان اذا يعرفو طريقه للتاجير
بس كمان طلعت جيزانيه عن طريق المواقع ماجرين
قلت خلص مارح يستفيدوا
اذا بدك ببتعتلك رقمها لبطه فوشي عالخاص
وربي يجزيكي كل الخير

ام نور واسراء ,كلامك فيه منه ,وممكن هي ماتروح اصلا ولا يشوفوها الا بعد توقيع العقد ,انا هيك عملت وقت ماكنا نفتش علي شقه مع اني مش منقبه اصلا وحجابي ساتر يعني تنورة طويله مش جلباب ,بس بجد لانه وقتها ما كان عنا وقت وكنا كتير مضغوطين ,فما روحت مع زوجي ابدا علي اي شقه راح شافها مع انه كان حابب اروح ويقولي رايك اهم في البيت ,بس انا كنت خايفه يرفضوا من شاني ادا شافوني ,والله صارت مره مع زوجي في مدينتي القديمه راح يمضي العقد وساله ادا كانت زوجنك محجبه هالملعون ,ولما عرفني محجبه رفض ,يعني كل شي عند الالمان وارد ,فالافضل ماتروح وكلها شقه مؤقته بس لسنه ,وان شاء الله بالتوفيق

هلا حبيبتي بيهايند
والله انا كمان خفت من هيك
ومو وارد بل اكيد في المان بيعملوها لما يشوفو الزوجه محجبه
ما يرضو ياجروا
بس والله حبيت انبهها على هالشغله
وهي حبه حبه بعدين رح تشوف وتتعرف عليهم اكتر

اسكتي يا بيهايند شكلي انعديت منك
من ما فتحت النت وانا ادور بموقع اوتو على طاولات خخخخخخ
زوجي ليطخني
دورت كثير هون بالمحلات عنا عن طربيزات زغيره هاي اللي بتنحط على جنب الكاوش ما لقيت
اغلبو بالمحلات صاير زجاج ما تشجعت الو
قلت ادور عالنت بلكي لقيت شي