امل الوطن صباح الورد الظاهركنا نكتب انا وانتي مع بعض
بالنسبة للمدرسة المديرة كثير كويسة ومتفهمة حتى يوم عيد الفطر هم بعتولنا انه حيكون اجازة اول يوم العيد للاولاد المسلمين يعني من غير ما نطلب اجازة

صباح الخير صبايا كيفكم

بلوسكاي والله كتير حلو انه بدهم يعملوا حفله في المدرسه ,ان شاء الله مدرسه اولادي بيعملوا زيهم علي اساس انها كلها مسلمين ,وادا ما عملوا ياويلهم والله شاطرين يحتفلوا بسانت مارتين

اختي ام جودي ,الفيزا مابتاخد وقت ,يعني زوجك اله تسع شهور يعني اكيد بيكون درس لغه ,وما في اي مشاكل للفيزا بتطلع باقل من شهر ,انا زوجي اجي اول ست شهور لوحدوه وبعدين لحقته وما في اي تعقيدات ,وبالنسبه لمدرسه بنتك برضه اجباري عنهم يقبلوها ,انتي حاولي تتفاهمي مع زوجك واعرفي شو سبب التاخير,وان شاء الله ما بيصير الا كل خير ,وعلي فكره كولن كتير قريبه من بون يعني نص ساعه بس بالسيارة ,انا موجوده في كولن

شويه بس يطلع زوجي وارجعلكم صبابا

هلا بيهايند صباح النور
ههههههههه بيهايند يلا حذريهم في المدرسة اذا ما احتفلوا بس والله ممكن تلفتي نظرهم من ناحية انه زي ما اولادنا بتعرفوهم على اعيادكم ليش ما تعملوا حفلة صغيرة تعرفوا اولاد الالمان على عيدنا وانه احنا كمان بنحتفل وبنجيب هدايا في عيدنا
امبارح في الاجتماع واحدة قهرتني شكلها باكستانية ولا ما بعرف من وين يعني هي متحمسة كثير كانت وعندها افكاربس قالت قدام المديرة والمدرسين انه بنتها بتقولها انه عيد الفايناختين احلى من عيدنا يعني انا بشوف الغلط من الام المفروض ما تحسس البنت باي فرق وتجيب هدايا وتحتفل مع عيلتها وكمان حتى لو البنت قالت هيك ما تحكيها قدام المديرة والمدرسين يعني لازم نعطي فكرة انه اولادنا بيحبوا عيدنا وبيفرحوا فيه ولا شو رايكم؟

بنات شو رايكم شو احلى اشتري الهدايا للاولاد لحالي واعملها مفاجأة ولا يوم العيد ناخذهم يختاروا هم الهدايا

ام نور واسراء وانا ان شاء الله ناويه اصوم العشرة ايام ,وبعدين باقضي الايام الي عليه ,اعتقد هيك مافي مشكله ولا ما بينفع ,لانه سمعت انه لازم اكون قضيت الايام الي عليه ,الي عندها فكرة تجاوبني ,ومتي اول دي الحجه السبت ولا الاحد

امل وطن اكيد لازم ملابس العيد ,اصل اولادي صاروا عارفين عيد اله ملابس جديدةولازم يختاروها هما ,انا ما بلف كتير باشتري من h&m لانه امتر شي بيعجبني ملابسه لانه جودتها منيحه ,ولازم كمان العيدية ولعبه جديدة ,بالاول زوجي ماكان حابب يعودهم نظام العيدية ومش مقتنع فيه وبس هدايا,بس هلأ عرفوا من المدرسه ومن الاتراك انه لازم هديه وعيديه وبيحددوا المبلغ كمان علي كيفهم ,وانا بحاول كتير ابسطهم في العيد لانه بيقارنوا اعياد المسيحيه وبلاش يقولوا انه اعيادهم احلي من عيدنا ,ابني كان مولع بالنيكولاس والزينه ,فمرة عملتلهم مجسم للخروف وللكعبة ووقتها عملنا احتفال بالمسجد ,طبعا سالت وقالوا مش حرام ,لاني علمت الاطفال طريقه الطواف ,حتي ابني بيسالني امباح ادا ممكن اعمل كعبه مرت تانيه من شان يروحوا المسجد مرة تانيه ,بس انا ناويه اخليهم يعملوا هالمره كرت معايدة ويعطوا للمدرسه لاتهم اتراك وكما واحد لابوهم ,وراح اخليهم يرسموا عليه خروف واجيب قطن من شان يحطوا الصوف للخروف ويكتبوا باقلام ملونه يعني من شان ينبسطوا شويه ويحسوا بالعيد