هلا بنات
اختي بنت الحنان الله يجزيكي كل الخير
بس متى بالضبط اول ايام شهر ذي الحجه الاحد ام التنين

بنت لبنان عزيزتي
لا مانسيناكي بس نتسائل عن سبب الاختفلء
الله يخاي بنتك ويحميها
اكيد هاد وقتها لتتعرف عليكوا وتحاول تلفت الانتباه

بيهاينننننندددددددددددددددد يا امر
حكيتلك اول مره بعرف انو في شقق مفروشه بالمانيا
هم الجماعه كاينين حاكيين مع الشركه بالانجلش
وشركه كنها معروفه اسمها هوم كومباني
زوجي حكالهم مع صاحبة الشقه ونسق معها شو بيعملو وفين يروحو لانها ما بتحكي انجليزي
هادي كل القصه
بتصدقي انا قلت لزوجي والله شغلتها حلوه هالشقق المفروشه
لا تعب ولا شي
بس يمكن هي بتتواجد اكتر شي بالمدن الكبيره
انا مدينتي زغيره ماتوقع فيها هيك شي

الله يهنيكي ببيتك ويوفقك

بنت لبنان ,يسلموا ايديكي علي الوصفات ان شاء الله بحاول اعملهم ,لانه زوجي كتير بيحب الحلو

ام نور واسراء ,والله انت الامر ,الله يخليكي لالنا يارب ,وبالنسبه للشقق المفروشه هي حلوة وبتريح بس اكيد الها سلبيات واهمها الكاوتسيون بس يجوا يطلعوا ,وطبعا هدا الموضوع بيفرق من شركة لشركه يعني في شركات واصحاب بيوت بجد بيكونوا سفاحين وحراميه هههههه كتير ممكن يخصموا من الكاوتسيون بحجه انه في اشياء تعطلت او انفقدت من البيت ,يعني الواحد لازم يدير باله منيح كتير وخصوصا الي عندهم اطفال ,في وحده صحبتي استاجرت شقه مفروشه من واحد الماني وبس اجت تطلع لقتوا حاسب كل شي في البيت وحاصيه وحاسبها علي فوط المطبخ وعدد الشوك .فلازم الاحتياط والانتباه كتير ,يتعرفي انا بيتي لما طلعت منه وهو ماكان مفروش وماكان جديد وفي شغلات كتير ماكانت عجباني فيه ,والشركه الحراميه خصمت لنا من الكاوتسيوم 800 اويرو وزوجي ماعرف يخلص حاله معهم ,يعني الالمان تجيبها هان ولا هان معهم مابتعرفي كيف بياخدوا الفلوس منهم .وانا هلا تعلمت في هدا البيت وعملنا بروتوكول لكل شي قبل ما نمضي العقد والله يستر بس اجي اطلع

سلام صبايا كيفكم
ما شالله عليكم نشيطين وفعالين بسرعه
انا مبارح كنت مسافره للمدينه الي كنت عايشه فيها زمان و روجت متأخره و خالصه لاني روحت لحالي مع الاولاد واليوم عندي مدرسه عربيه و يادوبني مروحه ...
تسلم ايديكي يا ام اسراء ما قصرتي عن جد اللي بكونوا جايين جديد على المانيا زي الغريق اللي بتعلق بقشه ... و ان شالله تكون اقامتها للأخت بطه بينا سعيده ...
بانسبه للأخت ام جوري اللي سألت عن موضوع الاقامه .... بصراحه احيانا بطول انا بعرف كذا ناس كتييير تعقدت امورهم لما صار لم الشمل زمان غير هلأ ... انا مثلا ... فيزتي بشهر طلعت !! حتي زوجي تفاجأ بس مع الوقت الالمان شوي بعقدوها ... فيا أختي طولي بالك لحد ما تثبت أمور زوجك والله يبعث اللي فيه الخير ....
جيزانيه ... لساتنا ما عملنا التيراميسو ... من الملف الرابع وانتي تسألي عنه هههههههههههههههه
بنت لبنان ... أهلا وسهلا فيكي معانا مره تانيه
باقي الصبايا تحيات حاره فردا فردا

ماشاء الله نشيطين الكل
اهلا فيك بنت لبنان منوره

وعن التيراميسو انا فعلا بعمله بنفس الطريقه بدون بيض بس كنت بدي ابحث عن صور الاغراض لأنه كتير بطلبوها مني ما بعرفو كيف شكل الاغراض الخاصه فيها
ورح ضيف طريقتي مع الصور

المقادير
بكيت بسكويت اصابع


2 علبه ماس كربونه 250 غم
او علبه 500 غم متل هاي


2 شلاج زانه


فانيلا 3 باكيت
سكر حسب الرغبه انا بضيف معلقتين
كاكاو
وقهوه طبعا

الطريقه متل ما انتو عارفين
بتحضري صينيه
بعدين بتمرر اصابع البسكويت اصبع اصبع في القهوه بس تمرير لأنه ما بدنا كتير تشرب قهوة وبتصفيها في الصينيه
الكريمه بتحضريها بأنك تخفقي الشلاج زانه لتصبح جامده وبتضيفي عليها الفانيلا والسكر والماس كربونه لما تختلط مع بعض وبضيفي طبقه فوق البسكويت
بعدين بالمنخل الصغير بتخلي الكاكاو فوق الكريمه لما يغطيها كلها
بترجعي بتعيدي الخطوات يعني بسكويت مرريه بالقهوه وطبقة كريمه وطبقة كاكاو
الافضل انها تنعمل قبل بيوم وطبعا لازم تنحفظ في الثلاجه
طريقتها ما بتوخد اكثر من ربع ساعه يعني اسرع واطيب حلو ممكن انه ينعمل
وصحتين وعافيه

وااااااااااااو يابنات من كثر ما اقرا وصفات التيراميسو صرت اذاوقها بفمي هههههههههههههه

الله يسلمك يا اموله