هلا عزيزتي كلارا ويجزيكي بمثله ان شاء الله
الله يقدرنا ونعمل لوجه الله

انت كيفك طمنينا عليكي وعالاولاد
شو عملتي غدا اليوم ذكريني
لاني صايمه وبتشهون مو عارفه شو بدي اعمل
افكر اعمل فاصوليا بيضا مع لحمه وجنبا رز

جيزانيه شو مالها بنتك فارضه شخصيتها كنها
انا لو منك بطنشها وما برد عليها وبعمل شو ما بدي
الله يحميهم هالزغار
وهم بالسوق يمكن ما فيه غرض الا بدهم ياه

الله يخليك حبيبتي انا بخير والاولاد متل هالجو المتقلب الله يحميهم بس كمان والله هلكنا من المرض بيجبولي امراض عجيبة غريبة من المدرسة وبس انعدا واحد بيدور المرض على كل اهل البيت وببلش ارن ناقوس الخطر ما حدا ينشف بمنشفة حدا لا حدا يشرب بكاسة حدا لحد ما يطلع المرض باقل الخسائر وما ينعدا الباقي
اما الطبخ اليوم عاملة رز وفاصوليا حب اد ما عملتها بياكلوها الاولاد وبيحبوها وامبارح اكلنا كبة جبتها من المحل العربي جاهزة بس للشوي شفتى الكسل خخخخ
نسيت اقللك الله يتقبل صيامك وهلأ عن اذنك اجو الاولاد وبلش النق

والله يا ام نور هذا وانا مطنشتها امشي واخليها تصرخ حتى تنفجر

بس المشكله اذا جلست وسط الطريق والناس مو لاقيه مكان يمشون فيه والصياح واصل لاخر السوق

ماعندي غير التهديد اقولها والله لاضربك في البيت فصارت تاخذ راحتها حتى اوصل البيت وصاحبتني

كيفكم يا غاليات
من دخلت وانا اقرأ بالحساسيه وفتح الشبابيك
الف سلامه عليك بيهايند ومبارك الكنب صار بدنا الحلاوة
والف سلامة عليك دموع وربنا يشفيكم يارب
والله انكم نشيطين ما شاء الله صايمين انا كسوله ما صمت بس ان شاء الله ناويه بكره اذا الله راد
كلارا كيفك اشتفنالك
جيزانيه الله يعينا عليهم الاطفال فعلا احيانا بطلعو عيونا بس مع هيك زينة الحياة الدنيا
وين باقي البنات عساكم بخير

مساء الخير بنات كيفكم
سلامتكم من الحساسية كل فصل وله امراضه انا لسة دور الحساسية ما اجاش كمان كم شهر بتبلش معي بس ناوية هالمرة اخذلها علاج لانها عنجد متعبة
معلش انا اليوم نعسانة ومش جاي على بالي اكتب كنت عند دكتورة الاسنان 3 ساعات شغل بس تعلقي مع دكاترة الاسنان ما بتخلصي
سلامي للجميع