هلا بلو كيفك شو اخبارك
عن الجو انا هيك سمعت وان شاء الله يوم السبت بنتشمس شوي
وان شاء الله يارب يتنزلي بالسلامه وبتوصلي اهلك وبتجتمعي فيهم على خير والكل لأنه اكيد الاغلبيه نازله
وعن الهدايا يا بلو هي الحديث الشاغل هلا للكل وين ما احكي الكل بحكي في الهدايا هههه
انا من هلا بجمع وهيك شوفي وين ما في تنزيلات حضري وبتريحي حالك

هلا ذكرت ارضاء الجميع وصدقيني يا بلو ارضاء الجميع من اصعب الامور والا ما يطلع الك حد مو راضي
انا بحكيلك عني وبحسب ما تعلمت من التجارب السابقه هههههه يعني الستات الصغار هههه فيك تيجي ميك اب ست مكياج كامل في علب في الكاوف هوف من فابياني عاملين عليهم تنزيلات وبلفولك اياهم بشكل حلو وفي مقاسات الكبير والاصغر واسعارهم معقوله او مثلا شناطي او هيك شي لأنه اللبس ما بعجبهم هناك وصعب ارضاء الاذواق كانو منزلين في الالدي بيجامات ستان بحبوهم هناك وبطلبوهم دائما
الرجال ما في اسهل منهم قمصان رجالي وخلص انتهت القصه بالنسبه للبعاد شوي والاخوه والاب بتقدري تضيفي برفان رجالي وافضل تشتريه من الحره بكون سعره ااقل

والاطفال يعني فيك مثلا توخدي ساعات اذا ما بتعرفي مقاساتهم او مقالم للمدرسه والوان يعني او اذا بتعرفي مقاساتهم بتقدري تشتري ملابس وفعلا شي بحير

والستات الكبار فيك تجيبي الهم احذيه بتعرفي لبس هون ما بمشي معهم او برفان اذا بستهويهم او بتريحي راسك وبتعطيهم هناك فلوس

يعني جوله على السريع هههه والله يعين من هلا عاتله الهم وعامل ليسته كل ما اشتري شي بعمل اكس حابه اكون مرتاحه من شغلة الهدايا قبل السفر بشهر حتى اعمل الامور التانيه وبعين الله

ماشاءالله عليكي يا امولة ما قصرتي كالعادة وان شاءالله ربنا ييسرلك سفرك كمان والله انك شاطرة بديتي ترتبي حالك انا مشكلتي كمان ما بنزل عالسوق كثير
قوليلي ناوية تقضوا رمضان كله في الاردن انا بفكر نروح اسبوعين قبل رمضان واسبوعين في رمضان بس مرات بقول حلو الاولاد لو صحلهم يحضروا العيد كمان هناك
يلا خلينا نشوف اقتراحات الصبايا

تسلمي بلو الله يخليك وان شاء الله ربنا بتمم النا كلنا على خير يارب
شو بدي اعمل عشان التحضيرات لازم كل مره بلتحق وبضل لأخر يوم وانا حالتي حاله لهيك قررت ابدي على بكير وبراحتي وين ما اشوف عرض حلو وتنزيلات اجمع ههه
على الفتره اذا الله راد ومشي الحال ووافقو في شغل زوجي على اجازه 6 اسابيع رح تكون قبل رمضان باسبوع ونقضي رمضان وبعد العيد بكم يوم بنرجع بس يارب تمشي متل ما احنا مخططين وما يحصل اي تعطيلات
بتعرفي كثير حابه اقضي رمضان والعيد معهم من وقت جيت هون من 14 سنه يعني لا حضرنا رمضان ولا العيد وعشان الاولاد حابه يشوفو اجواء رمضان هناك والعيد وربنا ييسر النا يارب

بنوته لاتحسديني :09:ابطل اكتب هههههههههههههه

امول ماشاء الله عليك تعبت وانا اقرأ خخخخخخخخ:) الله يسعدك بس عن جد طلعتي وااااااااااو صرتي مخلصه الهدايا ومستعده للسفر

والله احنا الكسل اللي مو مخلينا نسوي شي:angry: بس ان شاء الله بغار منك وابدأ

هلوبنات
ما شاء الله عليكم
الله يديم النشاط
خخخخخخخخخخخخخخخخخخخخ امول اسكتي ما بطلع من المطبخ
اليوم عملت ملوخيه ناعمه ناشفه
بس شو بتاخد مني وقت
شوفي شو بعمل بسلق الدجاج وبس يستوي باخد من مرقته للملوخيه
ثانيا بضيف على شوية المرقه اللي فضلو بهارات مشكله واحطهم بالصينيه مشان يتحمروا
ثالثا بقلي بصل وبحطه على الصينيه قبل مانزلها بشوي
رابعا افلفل رز بشعيريه
خامسا افرم شوية سبانخ متل الملوخيه الناعمه وبفركهم بالناشفه
بفرم توم وبحمرهم واضيفهم للملوخيه
وبالنهايه تاكلي شي مرتب بس كثير متعب
وهادي كلها افكار زوجي
بتجلط احياناااااااااااااااااااااااااااااا بس مكره اخاك لا بطل


هلا يا بلو
ما تسالي عن ادايا شي بوجع الراس
بس عن جد صيري انزلي واي شي تشوفيه مرخص شيليه على جنب
ووقت ماتيجي تنزلي بتفصلي هاد لمين وهاد لمين
لانه الا ما تنعجقي اخر الايام
وما تنسي كمان انت وولادك بدكو ميزانية ملابس كامله
انا السنه ان الله راد اذا زبطت وراقنا رح ننزل كمان اسبوعين عى عطلة الاوسترن رح اخد اجازه لنور اسبوع وهيك بنضل 3 اسابيع
واذا ما زبطت احتمال انزل اخر اسبوعين برمضان

هلا عزيزتي ربوش الله يسلمك يارب
والف صحه على اللحم بعجين
ان شاء الله بتلاقي الفول وبتعملي الرز وتتهني
احلى بوسات للزغار

بنات شو اعمل انا قبل ماتزوج كان وزني ما يوصل 50 وطوالي 168
اليوم انجنيت اشتهيت بنطلون قياس ال ولما قسته ما دخل من عند الحوض
شو اعمل
كل شي فيي نحيف بس منطقة الحوض والكرش
احكولي المقاسات هون كيف
يعني وزن ال70 متلي الان شو بتلبسو خخخخخخخخخ
قررت اعمل ريجيم ليلي انو بعد الساعه 8 ممنوع الاكل نهائيا
لاني بصراحه انا يجن جنوني عالاكل بالليل
يالله يا حلوين بشو تنصحوني

سلامي للجميع