صحيح ام نور بالنسبة لمقاسات البنطلونات ليش بتلاقي مشكلة
انا مشكلتي بس اشتري البنطلون الجينز انه بعد لبستين بيصير واسع عند الارداف لان بيكونوا مفصلين ع قياسات الالمان واغلبن عندهم مشكلة الارداف، مشكلتي انا بالبطن وطلوع ههههههههه.
ليكي خلص فايتة اعمل فول برز عندي مرطبان رز انتي شوقتيني :).

ما شاء الله عليكم الله يديم النشاط يارب
جيزانو شو بتعملي لهلا ههههه الحقي وابدي حضري بجد افضل واريح حتى ما يكون بالاخير الوقت ضيق

ام نور يعطيك العافيه يارب انا الملوخيه الناشفه ما بجيبها نهائي بفرزها تفريز او بالاحرى بتيجيني مفرومه وجاهزه من امي ربنا يعطيها الصحه ويحفظها يارب
اما عن الاوزان هههههههه والريجيم حدث ولا حرج
وانا متلك ام نور قبل لا اتزوج وزني ما كان يطلع عن 55 وطولي من طولك تقريبا وبقيت محافظه على حالي لحتى قبل 6 شنوات بدا وزني يطلع الستين هو يطلع وانا انزله وارجع اهمل حالي ويطلع لحتى قبل فتره وصل 69 يعني بجد فقدت صوابي بس الحمدلله هلا رجعت 62 وكنت قبل البس 40 هلا رجعت 38 وان شاء الله ناويه انزل 58 يعني باقيلي 4 كيلو قبل النزله على الصيف بكون نزلتهم حتى ما اسمع كلام هههههههه
اذا ناويه ونصيحتي خدي وجبة العشا الساعه 6 وبعدها ما توكلي اي شي الا اذا قهوه او شاي بلا سكر او ماء طبعا
وكثري من شرب الماء خلال النهار
ابعدي عن الشوكلاته والحلويات واذا طلع على بالك شي حلو خدي منه قطعه صغيره قبل الظهر حتى ما توصلي الليل بتكوني حارقتيه
ومنطقة الحوض مع ما سبق ما الك الا التمارين رياضيه معينه بدك ممارسه يوميه وبترجع الامور لطبيعتها ولا تنسي انه كل ما تقدم العمر بقل حرق السعرات الحراريه وبالتالي بتصبح احتياجات الجسم من السعرات الحراريه اقل

سلامته ابنك وما عليه شر يارب وان شاء الله بتعافي وهاد هيك الجو هلا جو امراض مع تغيرات الحراره حتى انا اليوم جربت وبعين الله

هلا ربوش عم شوف اطباقك في الفيس بوك بشهو ويعطيك الف عافيه يارب شيف ما شاء الله عنك
وعن الكريمات انا كمان بوخد منهم وفعلا كتير حلوين وما شاء الله الاعداد في تزايد كل سنه على سنه الله يزيد يارب وما عم نلحق في الهدايا ههههههه بس مع هيك التحضيرات حلوه وومتعه
وان شاء الله سفره موفقه يارب للكل

جيزانو شكلي طولت معلش حابه اعذبك معي هههه

جيزانية وربوش وامولة الله يسلمكم ويعافيكم والله هيك حكالي وقبل شوية وصلت حرارة ابني 40 ونص وما قدرت استنى تعب كثير ورحت اعطيته دواء مع انه ما صارله 8 ساعات بس شو اعمل
مش عارفة كيف تفكيرهم هالدكاترة

ربوش شو اسمه الكريم والله شجعتوني اجيب منهم مش عارفة دايما ما بقتنع اذا كان الكريم رخيص بقول اكيد مش كويس بس بما انكم مجربينه بصير اخذ منه

هلا والله بالحلوين اللي منورين التجمع
الف صحه عليكي يا ربوش
والله عن جد الكريمات اللي بليدل منيحه
ما بعرف متل ما حكت بلو اني ببعد عن اي شي للوجه بيكون رخيص
بس ولا يهمك بما انك جربتيه اكيد بيكون شي مرتب
يسلمو على نصايحك الحلوه

امل ان الله راد رح اعمل باللي حكيتيه
انا الي يومين تلاته حاطه في بالي انو خلص بالليل صيام عن الاكل
بس بشرب مي
والله انا ابدا مابحب الحلويات من هالناحيه مريحه راسي
يمكن تستغربو
ولا شوكولاته ولاشي اللهم اذا بالسنه اجتنا كنافه او بقلاوه او بسبوسه يعني هيك الحلويات الشرقيه

ان شاء الله الكل ينزل ويتهنا عند اهلو

جوجو تصدقي اني ولا عمري قست شي شتريته بالمحل
بيكونو بناتي معي بيخوتوني
انا كنت البس هيك 40 و42 بس الي فتره شايفه ما عم يفوت من عند منطقة الحوض وخصوصي الجينز
قلت خلص مابدها لازم اعمل اللازم واحاول اضعف نفسي

سلامة ابنك يا بلو
ماتردي كل ماشفتي حرارته ارتفعت اعطيه
والله هالايام الناس ما عم تصح من الرشح بالذات
هيني بكتب الكم واسراء تسعل وخصوصا انها معها ازمه كثير بتتعب الله يكون بعون الاطفال شو بيتحملو

اختي مو بكيفي والله ما بعرف
بس لو تراجعو السفاره عندكم اكيد بيكون عندهم كتيبات عن اماكن العلاج
او اكتبي بقوقل بيطلعلك كثير مستشفيات وحاولي تتواصلي معهم
الله يشفي مريضكم ويسهل امرك


بنات بدي اسالكم
حد يعرف شي ممكن يعالج الصدفيه
عندي اخي الله يشفيه يارب
صايبته الصدفيه ومو راضيه تسيبه
تعرفو شي كريم من هون ممكن اخد لالو ويكون منيح

وتسلمولي يا عسولات

بنات بيهايند فينها مختفيه
ياريت تدخل تطمننا عليها

السلام عليكم

كيفكم