كوبونات الراقية تسجيل الدخول

ام نور واسراء
ام نور واسراء •
بنات يا امامير
ولايهمكو اجت المطافي خخخخخخخخخ ورح تلحقني الاسعاف موني وامل
بنات احنا بالاول وارجعو للصفحه الاولى من ضمن تعليمات استمرار بالمنتدى
عدم التعرض للاخرين باي نوع من الاهانه سواء
واذا تكرر هالشي اتوقع المشرفات موا حنا رح يشطبو عضوية المسئ فارجو الانتباه

واحنااتجمعنا هون عالخير والمحبه وتبادل الاراء
واي حد يحتاج للمساعده نقدمها

واتمنا من كل اخت غلطة بحق وحده تانيه انو تسارع للاعتذار منها ومانحاول نزيد النار

وياحبذا لو نترك مواضيع السياسه والطبخ جانبا
لانها الها اقسام منفصله بالمنتدى لو يتم وضعها هناك افضل

احنا هون خلينا ندردش ونفضفض لبعض
واتوقع حياتنا ومشاكل ولادنا مليئه بالمواضيع اللي ممكن نتطرق الها

واحكي لكل اخت انو اذا كان قلبك لا يستحمل ما يحصل هنا من اختلاف لوجهات النظر
فالافضل عدم الدخول
بدنا قلوبنا تحتوي الكل
ونسامح ونغفر وما نوقف لكل اخت على زله

لانو بصراحه من كتر المشاكل الي عم تصير بالمنتدى
كثير من البنات الكفؤات تركو المنتدى وماعاد رجعو

وانا هنا اوجه دعوه لكل اخت كانت هون وما عاد دخلت انو ترجع تنور صفحاتنا
لان الملتقى مايرقى الا بوجودهم
حاولو تتخطو كل الثغرات اللي حصلت فيه
وانا ان الله راد وكثير بنات معكم دائما
ومتل ماحكيت الكم من قبل انا علاقتي بالملتقى علاقه عاطفيه
ولن اسمح خخخخخخخخ كني بهدد
انو اترك حد يخرب فيه او يرجعه للوراء

اارجعو افتحو قلوبكم لبعض وتوكلو على رب العالمين
وا ن شاء الله ربنا غير يوفقكم

سلامي للجميع وانا بانتظار كل اللي تركو المنتدى وماعاد سالو فينا
moony78
moony78 •
ما شالله عليكي يا ام نور هيك العضوات ولا بلاش
بالزبط وانا اضم صوتي لام نور الله يخليها ... لو سمحتوا خلو هالمنتدى يرجع زي ما كان .. لانه الواحد بفوت عليه عشان يستفيد ونخفف على بعض ضغوطات هالغربه ونسارع بالمساعده لاي حدا عضو هون أو اخواتنا اللي بستفسروا من بره المانيه
بصراحه كتتتتير من الاخوات خفت مشاركتهم أو بطلوا يدخلوا من وراء هاي المداخلات اللي ما بتجيب الا وجع الراس
احنا شعارنا هون اخوات بالله وقلوبنا بيضا وكبيره لتسع الكل
وبضم صوتي كمان... ياريت اي موضوع عن الطبخ أو السياسه يتم استثمارها بالمكان الصح في منتديات كافيه لهل المواضيع ..........
طبعا الا مثلا اذا حدا بدوا يستفسر عن شي معين فأكيد اللي عندوا خبره ما رح يبخل
زي قصة التيرامسو مثلا ههههههههههه كيفني معك جيزانيه !!!!
ان شالله موفقين وبانتظار رجعة اللي هجروا المنتدى بسبب ماذكرنا

وان اشالله يرجع منتدانا الوردي مليء بالورود اللي بتمتع بعطرها الجميع
lovebird
lovebird •
بنات المانيا الله يخليكم ابغى اعرف ممكن الاقي في المانيا IPAD 2 بلييييييييز جاوبوني عشان زوجي بعد كم يوم مسافر وابغى يجيبلي عشان اذا مافي بوصي وحده رايحه امريكا
امل الوطن
امل الوطن •
السلام عليكم ورحمة الله
بداية كيفكم وشو اخباركم وكيف اعصابكم هههههه
يا جماعه هدو واستهدو بالله يعني مو مستاهله الشغله والسياسه تركوها لأصحابها وخلونا هون حبايب واخوات متل ما بنقول دائما جمعتنا هموم الغربه واوجاعها ووجدنا ملاذنا هون لنخفف على بعض ونكون عون لبعضنا
ام نور ما شاء الله عليك ما قصرتي وانا اكيد بضم صوتي لصوتك وصوت موني من بعدك الطبخ ما شاء الله القسم عامر بالطبخات من كل الانواع وطبعا مثل ما ذكرت موني انه بين وقت وقت في شي مميز مثل ما الغاليه يافاويه والغاليه ربوش وغيرهم وضعو وصفات لنستفييد اللكل منها مو غلط
والسياسه متل ما بقولو تياسه اجلكم الله يعني تركوها لأصحابها اذا هيك بدها تعمل فينا وخلونا على امورنا ومشاكلنا لو ناقشناها بجديه واستفدنا منها افضل النا من الامور الاخرى

اخواتي الحبيبات الغاليات من هجرن المنتدى او التجمع او بيتنا بسبب ما كان املنا بكن اكبر بكثير عودو وصلحو الوضع وارجعوه الى ما كان عليه ونحن جميعا معكم
احبكم في الله جميعا ووفقنا الله الى ما فيه الخير
امل الوطن
امل الوطن •
lovebird lovebird :
بنات المانيا الله يخليكم ابغى اعرف ممكن الاقي في المانيا IPAD 2 بلييييييييز جاوبوني عشان زوجي بعد كم يوم مسافر وابغى يجيبلي عشان اذا مافي بوصي وحده رايحه امريكا
بنات المانيا الله يخليكم ابغى اعرف ممكن الاقي في المانيا IPAD 2 بلييييييييز جاوبوني عشان زوجي...
حياك الله لوف بيرد واهلا بك
اما عن سؤالك فهو موجود في المانيا وسعره بين 700 و900 تقريبا حسب معرفتي