سلام صبايا
وينكم مختفييين
بنات .. من بتعرف كيف السلطه التركيه اللي بكون اكترها برغل لونه احمر ..بتنعمل !!!

مسا الخير
كيفكن ان شالله الكل بخير
تسلمي يا أمل عالسؤال
أم نور طمنينا عنك

أهلا موني كيفك وكيف الحمل معك
السلطة التركيةالي فيها برغل هي قريبة عالتبولة
مرة جارتي التركية ودتلي صحن
بيفرموا خس كتير مع بندورة وفليفلة مطحونة حمرا وبرغل وزيت زيتون وحامض اسمها كيسير.
يمكن هيدي الي قصدتيها موني؟؟

موني شوفي هالموقع فيها الطريقة بالتفصيل، بس انا بتذكر انه بيكتروا فيها الخس:

http://www.turkishfoodandrecipes.com/2009/01/kisir.html

تسلمي ربوشه
الحمد لله كل شي تمام
انا اكلتها بمطعم بس ما كان فيها خضار كتير كان مبين انه فيه بندوره و بتحرق شوي ولون البرغل احمر زي كأنه عليه صلصه و الحلو انه البرغل مش مكتل .. وطعمها كتيير زاكي ..

مساء الخير بنات كيفكم
موني عرفت قصدك شوفي يا ستي
اول شئ بتفرمي بصل وبتقلبي شوية بالزيت وبعدين بتفرمي فليفلة حمراء مع شوية فلفل اخضر حار وبتضيفيهم عالبصل وبتقلبي لحد ما تفوح ريحة الفلفل وبتفرمي حبتين بندورة وبتضيفيهم وبتقلبي وبعدين بتكوني منقعة البرغل الخشن نصف ساعة وبتضيفيه عالخلطة اللي عملتيها وبتقلبي وبتضيفي البهارات اللي هي ملح وبهار الفليفلة الحمراء اما باردة او حارة زي ما تحبي انا بحط الباردة وبضيف شوية من الحارة لاني بحبه شوية بيحرق وبعدين اما بتجيبي علبة بندورة تبعت الصلصة اللي بتكون في الدي وبتحطيها عالبرغل او بتذوبي صلصة بندورة في مية وبتضيفيهم وما تكثري مية علشان اصلا البرغل بيكون منقع وبس اكلة كثير زاكية جربيها وصحتين وعافية
تحياتي للجميع