صباح الخير والعافيه ..


حياك الله لك وحشه قد الدنيا يام نسيبه معرفك يجيبي لي راحه نفسيه لاانتي ولا الموفيه ولايهونون باقي البنات الله يوفقك يارب ويجمعنا بجناته هالدنيا ماتجمع ..

موني وليان منورين والله يحفظكم وين ماكنتو..

افكار الشوي رهيببببه جدا ..بيسو اجانب ضيوفك صح؟؟؟
مره انعزمت على حفلة مشاوي وكانت راصه الاشياء على طاولات جنب الشوي صحووووون بلاستيك وشوك وملاعق وسكاكين ومناديل سفره مربعه وبعدهاعلب كبيره كاتشب شطه مايونيز بربيكيو ..الخ وبعدها كاسات وبعدها مويه وعلب كبيره درينك بانواعه بجد تقولين بقاله لو شايفه البيبيسي والسفن ووووخلصت استهلكوها كلها فركزي على هالنقطه
واللي اعجبني انها ماخذتها جاهزه مخليه الجزار يسوي لها كفته بس شوتها طماط وبقدونس وملح وفلفل اسود مع لحمه مفرومه وسجق مشرح من جناباته الاطفال ماكلو الا هو في خبز الهوت دق الكبير وحده بكبرها تشوي السجق عليه طلب مع اني ماحبيته ربي يديمها نعمه احب حق السعوديه
وصدور دجاج وريش وفيليه سمك وربيان ساده وحلقات بصل بكميه عجيبه ...
يوم عزمتهم تفلسفت وسويت حمص ومتبل وسلطه وبطاطس مقلي وحطيت مخلل ماذقوها ولا كان شكيت بطعمها خخخ
وبدوا على طول بالشوي مافيه شي قبله
وبعد الشوي وزعوا صواني بقلاوه وقلاش بالكاسترد وفواكه مقطعه وانواع كب كيك وبسبوسه..
وكل عزيمتهم ماخذت الا 2 ساعتين وخلصوا خفيفه سريعه لذيذه ..
وراء النهرانا وهومي نفزع على سميره محمد ؟؟احاول افهم احله من لغز بس ماش ماجبته..

رو رو
فيه مطعم هندي حلال وهذا احب منه الماسلا مممم والبرياني لذييذ هو يسارك اول ما تدخلين ممر المطاعم بالممر وانتي داخله والدرج حقت السينما وراك
واول ما تدخلين الصاله اللي فيها الجلسات الكثييير على يمينك مطعم يبيع مقليات وبطاطس فيه عاملات تركيات مسلمات واكلهم حلال
والشوسي والبيتزا اللي بالخضار والجبن حلال اكيد
بالعافيه مقدما

لمو ليش خدمة البلاك بيري مو عندك
انا لي شهرين والحمد لله تمام التمام من شركة اوبتس وشحن بدون فاتورة الشهر اللي فات شحنت 100دولار
وخلصت والحين توني شاحنه ب100بعد وعلى نفس رقمي لانه اول ماكان معاي بلاك بيري ويوم رحنا اجازة للسعودية شريت وجيت هنا كلمهم زوجي وارسلوا لنا شريحه بنفس رقمي مفعل فيها البي بيً
ماادري اذا كلامي واضح والا هذر على غير سنع

ام ساراااا ياجعلك ذخر
تابعي المسلسل للنهايه وبتفهمين ان شاء الله

بنات برزبن قولوا تم ما شاء الله الولايات الثانيه يتجمعون ويتعرفون على بعض واحنا عندنا جمعه النادي يوم السبت وش رايكم بدال ماهي يوم المرح العائلي نخليها يوم التعارف العائلي ولا العالمي بجيب قهوتي ونتفق نتلاقى ونتعرف ونتقهوى مع بعض عشان لاعزمت وحده منكم ماتقول عرفتها من المنتدى :35:يمكن نكون قريب من بعض ونسوي شي مفيد في جمعاتنا اقلها نطلع من الروتين اليومي:26: