لي 8 سنوات متزوجه ولله الحمد
جبتها اول سنه ونص وقضتها عند اهل زوجي لقله الشغل ببيتي
ولي بالغربه 3 سنوات
اذا رجعت هل استقدم خادمه......؟
امام زوجي واهلي والناس
اقول لهم باجيب شغاله واخليها امهم وابوهم بعد
لكن في قراره نفسي
انوي التعامل مع اللي بالايجار
ولو مالقيت شركات موثوقه مستعده ابدا هالبيزنس مع احد مخلص واسوي <<عشان ادربهم تحت عيني وانا احسن تخريجهم باذن الله
والله امي بيتها سبييييييييييل
بس علي حساب مين افكورس؟؟ علي حسابنا حنا اللي كل 4 سنين تجدده تقل كعبه استغفر الله!!! :09:
ليتها مير تقفل نصه لضيوفها اللي مايقضون لا اله الا الله ...اهم شي مانصبغ ونسمرك ونآثث من جديد.....
وربي بدون مبالغه مايمر عليها اسبوعيييييييييييييييين بدون مايقولون عندنا بيت فلان
المشكله ماتآثث فسقنه ..لا ...بس من كثر مايدكونه ضيوفها :icon33:
هذي بالله وش حلهاااااااااااااااااااااا
ايييييييييييييييه ياقلب العنا...قريته حرف حرف الله يجعله بموازين اعمالك قولي اميين
اليوم رجت حضرت حفله لمسلمات Multicultural
اااااااااااه يامدموزيله
تعالي تفرجي علي بنات الحرمين وش لابسااااااااااات!!!
تشكي لي وحده من الامهات من صعوبه تربيه بناتها في الغربه ..تقول بنتي تجيني تقول لي ليه انا different عن صديقاتي ..ليه يروحون pool parties وانا لا
تقول عجزت وانا افهمها
قلت بقلبي ..مير الله يعينتس علي بنياتس عقب هالحفله يبن يقولن ليه يايمه هذولا من بلاد الاسلام ومهبط الوحي وشوفي لبسهم يكاد يستر عورتها :44: وهز الوسط علي نارين نارين ناري من قمالوه!!!!!!! ليه تشددين علينا اكيد انه مباح بالاسلام وانتم معقدينه<<<هذا انا اتخيل الحوار :(
مدموزيله ...انتي من الجنوب؟ :icon28: صدتك من كلمه قلتيها خخخخخخخخ
مره اخرى الله يجزاك خير دنيا واخره يارب
لي 8 سنوات متزوجه ولله الحمد
جبتها اول سنه ونص وقضتها عند اهل زوجي لقله الشغل ببيتي
ولي...
بصراحة انا ضد وجود الخادمة الا في حالات الضرورة القصوى
لان بصراحة مشاكلهم لا عد لها ولا مجال لتخيلها
أمي معلمة قدييييييرة <<ما اقلد ابداً>>
وما جابت الشغالات الا مرتين لما كنت انا واختي اللي اصغر مني لسه صغار لكنها بعد ذاك اليوم حرمت تجيبهم
ولما وصلنا لمشارف المرحلة المتوسطة صار الشغل يتقسم بيننا من طبخ وتنظيف وغسيل و اهتمام بالاطفال والحمد لله عشنا حياتنا
وعن نفسي الحمد لله متزوجة من قرابة 8 سنوات وكنت ادرس بالجامعة واول طفل جبته وانا بسنة ثاني والحمدلله كملت دراستي ولا احتجتهم أبداً
مرات احط ابني عند عمته مرات عند جدته وهكذا
اهله أأمنهم عليه ولا غريبة اجيبها البيت
وان شاء ما احتاجهم نفر
لكن بصراحة مهما احسنت المعاملة واجزلت لهم في العطاء والله ما يتركونك بحالك ابداً الا من رحم ربي
يعني كل وحدة تحسبها بالعقل
وحدة جاية من بلدها في آخر الدنيا ما اجبرها على العمل كخادمة الا حاجتها
وتجي البيت عندك وتشوف حياتك كيف انك تاكلين اللي تبغينه وتنامين وانتي مبسوطة وما انتي شايلة هم لقمة بكرة من وين تجيبيها وتلبسين اللي يعجبك وما فيه شيئ تتمنينه الا وتجيبينه <<< طبعاً مو شرط كل شيئ تتمنينه بس اقصد من وجهة نظرها يعني مثلاً هي اقصى امانيها انها تلبس لبس نظيف ومرتب بدون اعتبار لماركة فمن باب اولى انها ترى لبسك لساعة الماس شيئ لا يمكن حدوثه لها<<
ومن هنا تبدأ تقارن نفسها وتحسدك ع اللي معاك حتى لو ماكان عندك ساعة الالماس
راح تحسدك على راحة البال ,, على ان زوجك هو اللي المسؤول عن الصرف
على طلعاتك وروحاتك
على ان عندك وظيفة محترمة
وموشرط انك تكونين مضايقتها بشيئ او صار لك معاها موقف عشان تفكر بأذيتك تري الحسد والحقد يخليها تاذيك مهما كنت حنونة ولطيفة معاها
أعرف وحدة دايم تجيب شغالات هي معلمة وعندها اطفال ,,,من ضمن اللي جابتهم وحدة تقول هذي الشغالة جلست عندي سنتين انا وزوجي واولادي نخدمها ,,, أحد يتخيل !!
تقول ما نخلي البيت حوسة كلنا نشتغل عشان ما نبغى نتعبها وزوجي يشيل اي شيئ بالارض وينظف مع ان مو طبعه ,,,وبعد ما سافرت انتبهت اني هالسنتين انا اللي اشتغل بالبيت واكرف واعطي الشغالة راتب وهي مرتاحة
وبعد سفرها كلنا رجعنا لاوضاعنا العادية يعني زوجي يرمي ملابسه واولادي يحوسون .....
هذا جانب من مخاطرهم........
والجانب الآخر هو الأخلاق
بصراحة انا صار عندي فكرة ونظرة
انه هالخادمات يجون وببالهم فكرتين
العمل و المتعة
يعني وحدة تترك اهلها وتجي تتغرب وتشوف الرجال قدامها
رايح جاي وهو مو من محارمها
والشيطان شاطر يزين الحرام أعاذنا الله واياكم
والبعض منهم تقولها لك بصريح العبارة انا ابغى رجال
وهذا جانب اخر........
والجانب الأخطر في نظري هو الضحايا وغالباً هم الاطفال
كون الخادمة تقضي وقتاً طويلاً مع الطفل سوف تعمل على تغيير لغته اولاً والعقيدةً ثانياً
حتى وان كانت مسلمة فان اسلامها لا يعدوا كونه اداء الفرائض بدون تدبر الا من رحم ربي
ومن الممكن انها تستغل الطفل باي شكل من الاشكال
أعرف وحدة عز المعرفة عندها خادمة لحاجتها لها
وعندها بنت في سن الخامسة
جاتها البنت وقالت ياماما الشغالة اشوفها تسوي كذا وكذا <<أفهموها>>
تخيلوا قدام البنت ,,,, الام انهبلت وقالت خلاص بنتي اخلاقها انتهت اذا هي شافت شيء غير اخلاقي بهذا السن راح يرسخ ببالها وممكن تفكر تجرب
وهذا جانب اخر وهو في نظري اخطر الثلاثة
وعلى قولة خالتي
شغالة = راحة جسدية + تعب نفسي = قلق وارق
بدون شغالة = راحة نفسية + تعب جسدي= مملكتي لي وحدي
وكل ما ذكرته هو غيض من فيض
نسال الله السلامة والعافية
والله لا يحوجنا عليهم
أستودعكم الله الذي لا تضيع ودائعه
في حفظ الرحمن ياصبايا