أختي أمس زوجي راح سأل في مستشفى النور
* نقلو قسم الطوارئ للكبار في منى
بس فيه طورائ الولادة والأطفال
زوجي عجبه الوضع يقول فاااضي .. فين الزحمة إللي أول
* مافش مرافق بإستثناء القصيري ومو أي حالة .. فقط إللي يقررها الدكتور
* مافش قسم استشاري .. إللي هوا الخاص
* إذا منتي فاتحة ملف .. عادي يستقبلوك طورائ
* غرف الولادة إذا قصدك إللي بعد الولادة .. مشتركة وإنتي وحظك قد يكون معاكي مريضة وقد لا يكون
بالنسبة للمستشفى
* معروف إمكانيات الحكومي وأجهزتهم أفضل من الخاص ..
* صاحبتي ولدت فيه مرتين آخر مرة قبل 4 شهور تقريبا
تمدح في تعاملهم وفي الدكاترة والمستشفى نظيفة .. تقول عيبهم الوحيد البيبي عندك في الغرفة مو حضانة
تقول كمان أعطوها إبرتين في العضل مسكنة وكمامة .. طبعا مافش ابرة الظهر
وصاحبتي التانية ولدت وبرضو تمدح فيه .. بس مافي الدلع حق الخاص ولا مسموح بمرافق.
أنا متحمسة للمستشفى بس لسا فيا خوف
ومحتارة بين النور أو التونسي عند دكتورتي
إذا ربي أراد وولدت فيه راح أخبركم بالتفاصيل
أنصحك تستخيري وتدعي ربنا
والله يكتب لك الخير وللجميع
إذا أفدت أحد
ادعولي بولادة ميسرة
وبطفل صالح معافى جميل الخلق والخلقة
ويحفظ لي والديّ وزوجي وأحبابي
أختي أمس زوجي راح سأل في مستشفى النور
* نقلو قسم الطوارئ للكبار في منى
بس فيه طورائ الولادة...
رح أكتب تجربتي بالتفاصيل ويايريت ما تملو
كانت مراجعتي عند الدكتوره اعتقد اسمها هند المهم كنت كل ما اروح ما لقها القى الاخصائيه
وكان عند حكه باستمرار وكنت اقول للاخصائيه وكانت تعطي لي كريم من غير ما تكشف وبصراحه ماستفدت
منه وبعد فتره زاده الحكه رحت للدكتوره فردوس اللي في الخنساء هي الحين سافرت المهم وكشفت عليا
وقالت لي عند التهاب في الرحم ولازم تولدي قيصري لان الوده الطيبعيه فيها خطوره على الجنين وقالت تولدني هيا في بخش
بس زوجي رفض وقال لازم تولدي في مستشفى حكومي علشان إذا الجنين لاقدر الله كان فبه شي تكون الامكانيات في الحكومي افضل المهم ورجعت لمراجعاتي في النور والاخصائيات الهنديات ما هم راضين يقتنعو بالحكه اللي عندي رجعت لدكتوره فردوس وقالت لي حولي ملفك لدكتوره قمري ممتازه المهم زوجي حول الملف وكشفت وايدة كلام الدكتوره فردوس وقالت لازم أول اسبوع في التاسع نولدك قيصري علشان سلامة الجنين المهم كتبت لي التنويم بس قالت مارح يعطوكم السرير بالساهل رح تتعبو وانا مسافره عندي اجازه قالت انتو كل يوم روحو لهم الين يعطوكم السرير وفعلا رحنا اول يوم وقالو لنا مافي سرير وزجي حاول معاهم حتى لو غرفه خاصه وهو يتكفل بحقها رفضو قالو ما نعطيكم هيا إلا بعد الولاده المهم بعد يومين اتصلو وقالو لنا في سرير فاضي ورحت وتنومت قالو ليا العمليه ثاني يوم الصباح وجالسه طول اليوم في غرفه مشتركه فيها خمسه اسره وجا اليوم الثاني وقبل العمليه طلبت من زوجي اني ابغى غرفه خاصه علشان امي رح ترافق معايا والمرافق في الغرفه المشتركه ينام في الارض وفعلا اخدت غرفه خاصه اتنومت بعد العمليه ثلاث ايام وطلعت السسترات زي العسل الفليبينيات ام الهنود تعاملهم مو حلو ما اكنهم ياخدو راتب
ميزات المستشفى ما فيها شي مميز غير انها أفضل من جرول
وتعامل السسترات الفلبينيات روعه
ونظافه في الغرفه الخاصه روعه
بس الغرفه المشتركه على حسب اللي متنومين معاكي
الغرفه الخاصه ما تنعطى بالساهل لازم موافقة الدكتور احسان
واي سال انا حاضره
واسفه على الاطاله