السلام عليكم ورحمة الله وبركاته
كيف حالكم يا صبايا وشو الاحوال ؟؟
شو رايكم كل وحدة تحكيلنا رايها في مونتريال أكثر وكيف شعورها ووضعها ومنها فضفضة ومنها بنتسلى
وبنشوف كيف كلنا عايشين في هالغربة
وابدا بنفسي ..
انا فلسطينية عايشة في مونتريال كندا صارلي تقريبا 3 سنين ونص درست وتزوجت وحملت وان شالله بولد فيها
بس بصراحة طول ما انا هون بحس حالي في شي ناقصني مع ان البلد حلوة واحسن من بلدان اجنبية كتيرة بس والله مابعرف ليش بضلي احس انه في شي ناقص
المعارف كتار بس كمان سبحان الله بحس المعارف ببلادنا العربية غير
والمغتربين هون بتلاقيهم مش على طبعك ولا متلك ...
الشي الحلو هون النظام والحرية واحترام الانسانية وسهولة العيشة في شغلات كتيرة وهاي الشغلات مابتلاقيها في بلادنا
مش عارفة هذا اللي خطر ببالي لهلا ..
يلا خلينا نسمع منكم شو رايكم في مونتريال وكيف اموركم
وما اوصيكم ادعولي الله يسهلي حملي وولادتي ويرزقني ابن معافى بلا زيادة ولا نقصان
الله يبارك فيكم
:26:
السلام عليكم ورحمة الله وبركاته
كيف حالكم يا صبايا وشو الاحوال ؟؟
شو رايكم كل وحدة تحكيلنا...
اهلين وسهلين بست اماني وينك زمان ماسمعنا اخبارك طمنيمي عنك والسلام عليكم