حياك الله
ياطويلة العمر ميريلاند معروف عنها انها ديرة الامريكان الافارقه وخاصة بالتيمور , سكنت في تاوسن واحسها اريح بال واهدىء من بالتيمور مع انه مافيه بينهم الا 10 دقايق تقريبا بالسيارة
سكنت في شقه 1200 تقريبا من غير مواقف السيارة - مواقف داخليه - من غير الكهرباء , فيها السيكيوريتي , مصاعد << ترا انا احب التفاصيل عشان كذا اكتب لك بالتفصيل :) واذا بغيتي اعطيك اسمها
الغسالات مشتركة .. والله يانها حامت كبدي يوم قالوا لي انها مشتركة وطول الوقت كنت افكر وشلون اغسل فيها واتقرف ومااتحمل نفسي لما يجي وقت الغسيل بس حاولت اني اشتري لي غسالة لي ولا سمحوا لي ادارة المبنى قالو ممنوع حسبي الله عليهم .. المهم بعد فتره اخذت عالوضع واتوكلت على الله وربي يحفظنا من كل شر ويحفظكم يارب


انصحك وبقوه تروحين لـ تاوسن لان المباني اللي فيها مرتبه و راقيه وناسها ارتب وارقي من بالتيمور والمغري فيها الشقق مره حلوه بس السعر طبعا مثل ماتعرفين يتفاوت

اعرف وحده ماشاء الله ساكنه في عماره جديده ونظيييفه و فيها مسبح مرتب وفيها قليل العرب و شقتها فخمه مررررره ماشاء الله تبارك الله وفيها غسالات والشقه مررررررره شرحه وبالكونه وسيعه اذكر انها قالت لي سعرها حوالي 2000

اذا ميزانيتكم تسمح روحي واسكني فيها يختي يكفي فيها نظام آمان والآمان من الله سبحانه بس نظامهم بصراحه جدا جدا حلو و مواقف داخل المبنى ومصاعد سريعه و متوفره بكل زوايه من المبنى ماشاء الله
وانا ان شاء الله ان جاني قبول في تاوسن سكنت جنب صديقتي ان شاء الله << ادعو لي الله ييسر لي قبول فيها او في فرجينيا او دي سي الله ييسر لنا و لكم و للمسلمين

اذا بغيتي اي شيء اطلبي وان شاء الله اساعدك على حسب مقدرتي

والله مو من باب نفس تكره او تقرف من اي شئ بس هذا اللي احسه ....بس في ناس عادي يستخدمونها..
..وسامحيني عشان حطيتها براسك ::biggrin2:
اذا انتم لسه تدورون قولي لي اعطيك موقع مرره حلو عشان تدورين فيه على سكن مناسب بالموصفات اللي تحتاجينها ..تاخذي كذا موقع وتروحين لهم وتشوفين بنفسك .. انا كذا سكنت في بيتي..
على العموم الله يوفقك للخير وين ماكان..:26:

^
^
الله يحييك لوتس لولو , الأفارقة مو غريبين علي أنا كنت في نورث كارولاينا , منبع الأفارقة ما يحتاج , حتى في بالتيمور كثير أفارقة إذا
دروا أني جاية من نورث كارولاينا يقولون لي أنهم منها ..
بس الصراحة ما عمري احتكيت فيهم بشكل يومي , ولا قد جاورتهم ..
أنا زوجي يشتغل في جون هوبكنز , وبالتيمور سيتي أقرب له من توسون الظاهر , وتوسون معروفة مليانة عرب و سعوديين وخليجيين , وأنا بطبيعتي ما أحب أني أختلط فيهم كثير ..
على فكرة حنا بطرف بالتيمور من ناحية بايكسفيل Pikesville
الحي اللي أنا فيه أغلبه أميركان يهود مرة مرتبين وراقين , قليل الأفارقة , بس حظي صرت في بوني ريدج وعمارتي بالذات كلها زنوج :(

هذي اللي أنا ودي فيها , فيها مواقف سيارات طبعا بس مو خاصة و مصاعد و الأبواب الرئيسية تنفتح ببطاقات خاصة و فيه كاميرات مراقبة .. يعني مستوى الأمان ممتاز , عشان اليهود كثير هناك ومأمنين مكانهم ..

بالنسبة للأسعار , الحمد لله , بس التوفير أحسن يا أختي , ما أبي أفخفخ وهي كلها سنة وراجعين .. أخلي الفلوس في شيء ينفعني ..

هو الكلام كله على الغسالة , يعني هل أتغاضى عن أمرها أمام كل هالمميزات و إلا لا ؟

الله ييسر أمورك و يطلع لك قبول في الجامعة اللي تبينها ..

moonlight : الله يسعدك , عادي كنت أمزح ..

المواقع دورنا كثيــــــــر .. مو كل شيء مناسب ..
هو فيه منطقة معينة جنب مدرسة أولادي هي اللي ندور فيها , وما صفا إلا هاللي قلت لكم عنها , الباقي يا مافيه شيء متاح , أو مكتوم وما ارتحنا له أو أو ...ألخ , يعني وهذا الوحيد اللي ارتحت له و سعره جدا مناسب و حلو , و قريب للمدرسة وللسوبر ماركت ...

بس سؤالي للي مجربات الغسيل المشترك , هل يضايق كثير ؟ هل زحمة وضغط , و يتراكم غسيلك ما فضت الغسالة ؟

امين يارب والله اني شايله هم القبولات آآآآآآآآآآآآآه يالله الفرج والقبول عاجل غير اجل
تسلمين يالغاليه عالدعوه الحلوه

استخيري الله بالنسبه للعماره واتوكلي على ربك والله مميزاتها حلوه ماشاء الله تبارك الله

بالنسبه للعوائل العرب و السعوديين في تاوسن ترا مافيها كثير انا اللي اعرفهم فيها 5 بس

بس دامكم ارتحتوا في بالتيمور ماشاء الله.. هذا شيء حلو يالله لك الحمد و ربي يتمم عليكم ...آمين

يالله يسر لنا امورنا