أزهار 2009 :

صباح الخير خواتي كيفكم ابي انضم لكم اذا ماعندكم مانع من شفت موضوعكم تحمست وحسيت قلوبكم على بعض مثل الخوات بقول لكم كل شي بخاطري انا متزوجه من اربع سنوات وهذي الخامسه عندي بنتين وحده ثلاث سنوات ووحده سنه وتسعه شهور بنتي الصغيره متعبه لدرجه مو طبيعيه ماتنام بدري مهما حاولت معها تخيلوا من جات وهذا طبعها حتى لو ماانومها طول النهار ماتنام بدري واذا حاولت انومها غصب انقلب يومي لاتعس الايام لان مزاجها خااااااااااااااااااااااااااااااااااايس طبعا بحكم انهم صغار ينامون معي بالغرفه كل وحده لها سرير بالرغم ان لهم غرفه مستقله بأثاثها ماعدا الاسره نقلناها ولانهم ينامون معي يتقطع نومي اكثر من خمس اوست مرات وبس اصحى الصبح اكون مكسررررره وتعبانه من السهر وتقطع النوووم وانا ساكنه بدور صاله حمامين وست غرف تقريبا من ضمنهم المطبخ طبعا السكن مؤقت لين يفرجها الله ونشتري بيت العمر الله يرزقني وياكم فيه انا الحمدلله نظيفه واحب السنع ودايما اقرا واجمع وصفات وطبخات بس مااطبق حتى لو بغيت ارتب وانظف اسوي شغلي ببطء شديد يعني بااااااااااارده وبطيئه حاولت اغير ماقدرت مااحب الوسخ ابدا يعني مثلا مااحب المواعين تتراكم ابدا كل شي بوقته ونفس الشي الزبايل تكرمون اهم عندي من اي شي اجمعهم وارميهم كل يوم بيومه حتى لو مافيها الا شي بسيط واحيانا ارميها مرتين باليوم نفس الشي الفرن امسحها يوميا تقريبا علشان زوجي مايلاحظ شي عليه لما يقوم الصباح بدري مشكلتي ان نفسي اصيرسنعه بقوووه مثلا اغسل الحمامات كل يوم اطبخ كل يوم حلا او كيك لان زوجي يحب هالشغلات بس مايمديني اخلص الغداء واغسل مواعيني الا اكون متكسره نفسي امسح الغبار كل يوم عندي غرفتي وغرفة بناتي ومكتبه الكتب ومكتبه الكمبيوتر هذي اكثر شي يجمع غبار في البيت مااقدر امسحهم يوميا ولو اخليهم كم يوم ارجع القاهم تراكموا نفس الشي المغاسل وحده بقسم الرجال وثنتين بقسم الحريم اتمنى اغسلهم وامسح مراياهم يوميا بس مدري اقول خليها بكره لان اليوم بسوي الشغله الفلانيه وبكره اقول خليها بعده وكذا غير غسيل الملابس والكوي ووو بصراحه تعبت تعبت ابي اصير سنعه في التنظيف والطبخ مفضلتي امتلت وعندي كتب طبخ بس ماعندي انجاز يذكر اتمنى تساعدوني اذا تقدرون وحتى علشان اتحمس اكثر سجلت معكم مع اني مااقدر ادخل يوميا لكن اجبر نفسي شوي

صباح الخير خواتي كيفكم ابي انضم لكم اذا ماعندكم مانع من شفت موضوعكم تحمست وحسيت قلوبكم...