بسمات=====
ربى يبارك فيكي وجزاك **** خيرا ومشكورة يالغالية على تعبك معانا واحنا موافقين انك تكوني قائدتنا وتسلمى

الله يجزاك خير يابسمات والتفريز جا بوقتها وباقي البنات لكم سلامي والبنات الجدد الله يحييكم البيت بيتكم وام عنزين اسمك حلو واااه جيت على الجرح زوجة اخوي اكل وشرب ونوم على قولة المثل اكل ومرعى وقلة صنعى وانا اذا جيت عند امي انظف بيتها كنة بيتي والله حتى الكاس اللي اشرب فيها اغسلها وارجعها مكانها وفي امان الله ياحبيباتي

وبالنسبة ليومياتي بكرة باذن الله وفي نوم مافي اكتب الحين وان شاء الله اصحى بدري

السلام عليكم ورحمة الله وبركاته


اشتقت لكم ياحلوين الله يجعل اجتماعنا دائمآ على خير ، بالنسبه ليومياتي احس هالأسبوع مالي خلق لشي الحمدلله على كل حال ، يادوب سويت اشياء خفيفه ماتذكر لكن بقولها اسم اني سويت شي عشان اعطي نفسي حماس على اليومين الباقيه إن شاء الله ،،
غيرت مفرش سريري ومسحت غرفة النوم كااامله والأرضيه بالعملاق ،،
تكنيس يومي لبعض غرف البيت والمطبخ ،،
غسيل المفارش والملابس والغسيل عندي شبه يومي يعني ما خلص من اللبس وابي ارتاح الا المفارش تجي من جهه ثانيه الله يعين ،،

اختي كان عندها امس جمعه لجيرانها واول مرة يدخلون بيتها فتكلفت حبتين وصلحت لها صينية مكرونه + فتة باذنجان + حلى قهوه وهي الباقي ماقصرت تقدرون تقولون بوفيه منزلي والحمد لله صارت السفره تفتح النفس يعني امس طول وقتي بالمطبخ وما سويت شي من شغل البيت غير غسيل المواعين لأني ما احبها تجتمع ابدآ ، واليوم سويت اندومي بالباشميل عجازه ما فيني حيل اطبخ حتى السلطه قطعتها كبار ههه والمطبخ الحمدلله نظيف بس باقي لي الأرضيه كالعاده ما ادري متى اصير سنعه واغسله يوم بعد يوم زي السنعات،،

ودمتم سالمين ،،

السلام عليكم
يومياتي على السريع
طلعت من المطبخ 11 مساءا كل شيء نظيف الفرن الارضية مكنوسة والتركيبة والفريز والمجلى مغسلوة بكلوركس وخالية من المواعين
والغسيل كله خلصته
وعلى طاري التفريز فرزت كبة بس ما بعد جربتها وتراي صورتها بس النت جنني من ساعة وانا ابغى امتب موضوع ويومياتي بس والله جنني مرة
يلة تصبحون على خير