صبااااااح الخير كيفكم ان شالله طيبين
طبعااا امس جتني حمى الكسل فماسويت ولالالا تكه يعني ولا شي
واليوم انتظركم تحطون جدول او انا بشتغل من رااااسي حاوه من رااااسي
يله سي يو ليترر

ههههههههههههههه، سأكون، تصدقي هلأ انتبهت إني كتبت تاء مربوطة، يلا سماح

مدينة بحرف الباء، بيروت

وبرضه حرف التاء

صباح الخير
كيف حالكم اليوم ان شاء **** بخير جميعا
ساكون باذن ****
مشكورة يالغالية على الهدية وفرحت بها فعلا كانى ماسكتها فى يدى

ياحوائيات ..لاتتكاسلوا..وكل ماجاتكم حالة كسل اتذكروا

ان هذا بيتك ومملكتك..وجزء منك ..
وطبعا تحبي انه يكون ..كل جزء منك وفيك يكون نظيف ومرتب..

وادعوا ي يابنات ربي يسهل لي سفر شغالتي..

ماراح انكر اني استفدت منها عشان مااكون جحوده..

لكن

والله العظيم ان الشغاله مهما كانت طيبة سيئاتها اكثر من حسناتها!!

تصدقوا يابنات ..تتضايق لما امسك مكنسة ولاانظف غرفة.. او امسح غبار

الاسبوع اللي فات
نظفت المستودع..وبالمعنى الادق سويت حملة تنظيف شاملة كاملة..تخيلوا يابنات اش لقيت؟؟؟؟

كل اغراضنا المهمة من ادوات مدرسية ..وعلب الوان جديدة ..حتى مكياجي الغالي ادور عليه واسالها عنه تقول ماادري

وطبعا لانها خلت المستودع زي حاوية القمامات..صعب اني ادخل وادور على اغراضي فيه,,

والمصيبة تزعل لما ادخل المستودع!!!!!!!!!!!!!!!!!!!

وطبع بتقولون ليش ساكته عليها وعلى تسلطها..القصة اني فعلا كنت ابغى اسفرها واجيب غيرها

علما ان حاجتي لللشغالة مو لسبب النظافة بل بسبب انها تكون مع اولادي في حالة خروجي من البيت..

وكمان زوجي من النوع اللي يتضايق من اصطحاب العيال معانا لاي مشوار..حتى لو كانوا هادئين برضوا مايتحملهم

ولهذا السبب عرفت نقطة ضعفي وصارت تلعب بهاذي الورقة..

لاني بالطبع اترك عيالي معاها فكنت مستعدة ارضخ لها ولتسلطها مقابل انها ماتآذي عيالي

طبعا لما انتهت مدة اقامتها قلت الحمد لله جاء الوقت اللي بتخلص منها..ومن شرها..

تعرفوا يابنات اش سوت؟؟؟؟؟؟؟؟؟؟؟؟؟؟

غيرت معاملتها مع اولادي اخر شهرين من السنة وصارت زي الملاك..

وصارت تستحدم اساليب الكيد اكيد تعرفوا كيد النساء الله المستعان

صارت تبكي عند زوجي وتترجاه انه مايسفرها..وطبعا انا طلبت منها في البداية انها ماتجي جهة غرفة جلوسنا في الوقت اللي فيه زوجي في البيت..

لكن طنشتني وماعليها مني لانها عارفة اني راح ارضخ لها في النهاية عشان ماتاذي عيالي وقت خروجي من البيت..

وصارت دايم تحتك في زوجي..وزوجي من النوع اللي ماله خلق في الزن والبكا..ويلبي طلباتها ..ويقول عشان عيالنا مو مشكلة

ومايعرف انه قاعد يفعل حير في انسانه خبيثة الله يسامحني..والله يابنات مالي مصلحة اني اتكلم فيها الاعشان ابغى لكم النصح

وما ابغى احد يذوق اللي ذقته منها ..حسبي الله عليها حسبي الله عليها..ادعوا لي يابنات ان الله يغفر لي ماتكلمت به في غيبتها

لكن والله العظيم قصدي هو التنبيه من خطر بعض الشغالات..ومن محبتي لكم وحبي اني اشجعكم على الاستمرارية والبقاء صلبرات على شغل البيت..وعدم الرضوخ لرحمة شغالة خبيثة تقلب عيشتكم نكد وغم وحسرة..وصدق من قال وجع الجسم ولا وجع القلب

يابنات ادري تمر عليكم لحظة ضعف تقولون..ليش مااجيب لي شغالة تدلعني..اقول تقدري بشوية تنظيم لوقتك ,,واستغلال لوقت فراغك..انك تستغنين عن شغالة تجي تقلب حياتك نكد وغم..

وانا ارتكبت غلطة حياتي لما جبت شغالة استقدام ,,اللي من هنا احسن حتى لو حبشية او صومالية ..حتى اذا خرجت من عندك وراحت لغيرك اعلمي انه خير لك ولاتزعلين عليها..
ومحد يدري فين الخير..


اكمل لكم قصتي مع شغالتي ..

طبعا لما قرب سفرها..اهلها قالوا اجنا مابعد شبعنا فلوس اقعدي كمان سنتين الين مايخلصو احوانك دراسته ..ونسدد الديون اللي علينا..

انارفضت وقلت انا ماعندي فلوس راتبك..وفعلا زوجي كان يبني بيتنا ..وعليه ديون ..بس السبب الحقيقي اني كنت متأذيه من تصرفاتها معايه ومع عيالي..

لكنه جلست تبكي وتصيح وتقول ياويلي من اهلي لو رحت لهم ..وغير كذا تقول انا بظطر اني ادفع فلوس زيادة للمكتب حق سيرلانكا
عشان يجيب لي تأشيرة للسعودية لو حبيت اقدم على عمل في السعودية..

وللأسف يابنات ارتكبت انا وزوجي حماقة ..اتعاطفنا معاها وقلنا حرام نقطع رزقها..ورحمنا حالها وتعاطفنا مع اهلها ..واشترطت عليه هذي المرة طريقة جديدة بسبب ظروفنا وقلت مراح ارسل لك كل ثلاثة شهور..كل ماتوفرت الفلوس

قالت مو مشكلة ..اهم شي جددوا لي الاقامة وحلوني معاكم..

وبعد التجديد..

رجعت لكل تصرفاتها السابقة..كل ماقلت نظفي سوي ..قامت تتافف ..لان الهانم من النوع اللي ماتحب احد يتأمر عليها..على قولتها

وانطبق علي المثل اللي يقول خبز خبزتيه يالرفلا اكليه..

وصارت تستغل اي ظرف يجيني واطلع من البيت ..اجي الاقي عيالي يشتكون منها ..مرة تضربهم ومرة تقول لهم كلام سيء

وااحيانا تخوفهم بالجني..واحيانا تمثل قدامهم ان فيه حرامي..وصار عيالي فيهم حاله نفسية..

وقررت اني اتسلف من اي احد واسفرها..ورجعت لحالتها السابقة..بكا وعويل وصراخ..
ياربي كيف اسحبها للمطار..وهي تبكي بهذي الطريقة..وزوجي مستحيل يقوم يسحب فيه قدام الناس..

وقعدت افكر اني احرمها من الرواتب قالت خلاص مافيه فلوس الابعد سنتين..خافت وجلست تبكي..
انا فرحت جدا

وقلت خلاص ..جاني الفرج..

لكن..

اتفاجأت فيها تقول خلاص ماابغى فلوس..خلوها بعد سنتين..وجلست تصيح

وزوجي من النوع اللي مايبغى الدوشة ووجع الراس ولايحب يتناقش ..يقول خلاص اتفاهمي معاها بكيفك..لكن اقعد اسحبها في المطار ..مستحيل..

طبعا اللي حولي صبروني وقالوا طنشيها ..اللي تقول احمدي ربك عندك شغاله..واللي تقول طنشيها ولاعليك منها..واعتبريها مش موجوده..واللي تقول لو سفرتيها وين بتودين عيالك لو عندك مناسبة ولا زيارة مريض ولا عزا ولا ولا ولا...........


وانا اقول فعلا الناس ماترحم,,تبغك تجاملين وتزورين ..وتأدي واجباتك..على اتم وجه ..

وانا اقول


طز في الناس كلهم..طالما انا عندي ظروف ..ليش اضغط على اعصابي ..ليش اطلع ازور الوالدة في المستشفى ..وانا ممكن اكلمها بالتلفون وخلاص..

حتى المريض فيه الف وحده غيري ..تقدر تروح ما وقفت عليه ..خلاص مكالمة تلفون تكفي


طالما ظروفك ماتسمح ..ليش تضغطي على نفسك ..وتكدري حياتك..

المهم يابنات .. جاني الفرج من الله ولله الحمد..قررت فجأة انها تسافر عشان خطيبها اللي كان بيتزوجها لما عرف انها جددت الاقامة راح اتزوج غيرها..
وصار عندها حاله نفسية بسبب ان الخطوبة اتفركشت

وطبعا قامت تتنفس فيه وفي عيالي..

وبعدين انخطبت ..وخلاص صارت زي المجنونة ..تبغى تسافر..


عشان مايروح عليها العريس..

والحمد لله .. نهاية هذا الشهر بتسافر وتفكني من شرها

حتى عيالي فرحانين يقولون الله يخليك ياماما ماعاد نبغى شغالات ..

المهم يابنات انا والله ماكتبت تجربتي الا عشان تتحمسوا لشغل البيت ..وتصبروا على التعب ..والشغل والله يكتب لنا ولكم الاجر والثواب..

قصتي طويلة وانا مختصرتها لو اقول لكم على اللي سوته فيه وفي عيالي..مراح تصدقون

وسلامتكم..

مدينة بحرف الناء ====ناجوراء تقع شمال ليبيا تطل على المتوسط