دلوقت يااخوات عايزة اقول لكم على حكاية حصلت من حوالى شهر
احنا فى الشغل بيساعدنا كاست من السكرترية لتسهيل الشغل فيهم واحدة فى اوائل التلاتينات فيها ترفع كدة فى طريقة معاملتها وكلامها قليل احنا قلنا هى بتشتغل عشان تضيع وقت فراغها وهى ياعنى مش محتاجة للشغل وكمان لبسها ماشاء الله يعتبر انيق
ومرة من حوالى اربع سنين شفنا معها طفلة حوالى سنتين ودة كان كل معلومتنا عنها وفجاة من حوالى شهر وشوية غابت عن العمل والدتها جت تأخذ لها اجازة تم سؤالها عن السبب قالت ان بيت بنتها اتحرق وماسبب الحريقة قالت انبوبة البوتاجاز والراجل بيركبها اتحرقت وقعدت تلف فى البيت تحرقة حتة حتة كلنا زعلنا واستغربنا لان البلد الى انا فيها كلها شغالة غاز طبيعى ياعنى بالمواسير
وبدانا نسال عنها عشان الى فى ايدة حاجة يعملها اذا بنا نكتشف الحقبقة هذة المراة مطلقة من حوالى 5 سنوات لان زوجها متعاطى للمخدرات ففضلت الطلاق وترك لها بنتين واحدة 13 سنة حاليا والاخرى 6 سنوات وهى تعولهم وتصرف عليهم وكمان ماعندهاش غاز لانها لاتمتللك تمنة وايام مادخل المنطقة تكلفتة حوالى 300 جنية يعتبر مبلغ بسيط المهم ساعتها ادركنا ان ينطبق عليها وتحسبهم اغنياء من التعفف المهم فى الاول عرضنا عليها المساعدة رفضت بشدة وقالت ماحدش يلملى قلنا لها كلنا اخوات ولو حصل لاى حد حاجة فينا وماسعدتهوش نزعل المهم وافقت بعد معاناة
والحمدالله الى جاب لبيتها اجهزة من احدث المحلات والى جاب لها عفش والى جاب لها دهان الحوائط وكمان زميلة لينا الله يبارك لها وقفت على يد الصنايعية والغاز كمان دخل لها طبيعى كل دة فى اقل من شهر والحمدالله ومش بس كدة اتوفر لها مرتب خارجى جنب مرتبها عشان يساعدها
ساعتها الواحد ادرك ان عظمة ربنا ورحمتة فوق كل شئ وان احنا يابشر قليلى الادراك وان الله سبحانة وتعالى اراد يخرجه من محنتها الى هى فيها بهذا الحريق و ان الى يجيبوا ربنا ونحسبة احنا سوء ان هو الخير بعينة
انا ياأخوات حبيت اقولها ليكم عشان ندرك قداية البشر ضئيل
يااخوات ربنا يبارك فيكم الى يقرا هذا الموضوع يدعى لصحبتى الى وقفت على يد الصنايعية ربنا يرزقها الزوج الصالح الى يستاهلها لانه لسة بنوتة
دلوقت يااخوات عايزة اقول لكم على حكاية حصلت من حوالى شهر
احنا فى الشغل بيساعدنا كاست من السكرترية...
ربنا يوفقنا واياكم لفعل الخير وتفريج الكرب عن المكروووبين امين