مشكورة دلوعة الله يعطيك العافيه وجزاك الله خير

هههههههه معليش حاتلقف بس حتى زوجي بيفكر دي الفكرة الجووهنمية

صحيح العقارات مررره سارت رخيصه بس مو يشتري و يجلس كم سنة و يسيبها لو يستاجر ارخصلو

يعني لو بيستقرو هنا فمره حلو

يعني تكلفو اقل شي حوالي مليون و خمسمية ريال اذا يبغى في منطقه امنه و مرتبه و احسن شي لمن يجي هنا يجلس مع ديلر فاهم و هوا حيدلو على كل شي

و للعلم حتكون مصاريفو اكتر لانو التامين و كل مستلزمات المطبخ و الهوم سكيورتي و اشياااء كتييير

انفاس عطري حبيبتي معروف الداون تاون تكون خطيرة اصلا لو مشيتي فيها في الليل حتخافي يعني بغض النظر عن المدينة

و تكون مرررره غاليه عن المجمعات السكنية اللي بعيده شوية عن الداون تاون

هيا صح منطقة الداون تاون حلوة و نشيطه و كل شي بس برضو الواحد يخرج في الليل و ما تدري كيف يكون الوضع

ويا جماعه اللي يسالو عن السوبرماركتات العربيه و الاكل الحلال

انتو ما تعرفو موقع ذبيحه فيلو كل الاشياء الحلال و المساجد

من جد استغرب الناس اللي توصل هنا المفروض اول شي تدور عليه هوا المسجد
و ترى اكتر ناس تساعد و من قلب هما جماعه المسجد

و اللي تقول اخوها يصلي على توقيت السعوديه والله حرااام يعني يصلي العشا وقت الظهر

صح انو الواحد دائما في البدايه يكون ملخبط و مهو عارف شي بس الصلااااة يجتهد و ربي ما رح يخيبو

هادا موقع ذبيحة لولاية فلوريدا . كل وحده تحط مدينتها و تطلع لها المطاعم الحلال و المساجد و السوبرماكتات

http://www.zabihah.com/b/Florida+39
و ممكن تحطي الزب كود و يعطيكي القربي منك

دلوعه والله العرض مررررررررره ممتاز الله يعطيكي العافيه

بس يعني كيف الواحد يشتري التذاكر و يدخل مره وحده كل بارك ولا كيف

و هل لازم استخدمها في موعد معين ولا ما تفرق في اي وقت ابغى

بنات الحين الغلاء هذا في الايجار وتقولون العقار رخيص بالعكس مرره غاليه الايجارات

انا اقولك يا سديم طبعا كلنا عارفين انو في انهيار اقتصادي دحين في امريكا و في ازمة اقتصادية زي اللي سارت قبل كم سنة

و البيوت الملك في ناس مسوينها تجارة لهم يبيعو و يشترو و يزايدو عليها

و بسبب الازمة الاقتصاديه اللي دحين في امريكا هدولي الناس فلسو و خسرو فلوسهم
في البورصه و الاسهم و.. و .. الخ

فمحد سار يشتري البيوت و بالتالي نقصت اسعارها

و نفس الحكاية على السيارات
لان في ناس اخدينها تجارة يبيعو و يشترو

لكن الشقق الاجار سوقها شغال و تابعه لمالك واحد او شركة فطبيعي بيدخلو من وراها فلوس فمو معقول انهم حيقللو الاسعار

خصوصا مع الازمة الاقتصادية اللي سايرة دحين

المشكلة انو احنا اللي بنروح فيها بس الواحد يقول الحمدلله