علية ويكا
ياقلبي كمان حاجه تقنعي فيها زوجك
يعني لما تجوا لاورلاندو مو شرط حتكلموا فيها ما تعرفي الدنيا ايش يحصل فيها
خاصة للطلاب ممكن كل سنه في مكان وممكن ما يكمل

وكمان لما تجوا ماشين وتبيعوا البيت... اقل حاجة تجلسوا سنه وحوسه
ويمكن ينباع ويمكن لا

أم العسولة أمولة;71715344]طيب حبيبتي لا تزعلي علينا فمتك غلط

عموما اخوكي ساكن في ضواحي ميامي

وغريبة الرابط ما اشتغل بس اظن لان المواقع دا يما يحدث نفسو لمن تزيد المساجد و السوبرماركتات

دحين احطلك الرابط المباشر حق المدينة اللي هوا فيها

http://www.zabihah.com/c/Broward-County+65

و اذا ما اشتغل

خليه يدخل قوقل و يكتب Zabiha

بعدين يختار امريكا بعدين ولاية فلوريدا

بعدين ميامي مترو

بعدين برووارد كاونتي << المنطقة اللي فيها مدينة اخوكي

و حتطلعلو كل السوبرماركتات و المطاعم الحلال و المساجد

و الله يوفقو و يعينو على الغربة

و ترى ناادرا ما رح تحصلي سعوديين في نفس مدينتو اظن مافيها جامعه و اذا قدر يروح مسجد الجماعه يوم الجمعه حيقابل السعوديين الموجودين اكيد

و اذا تعطيني الزب كود حقو اعطيكي عنوان اقرب سوبرماركت قريب عليه
اهلين حبيبتي أنا مازعلت منكم بس كنت اكتب رد ولا يطلع وبس هنا في المواضيع الثانيه اكتب ويطلع على طول
ونفس الشي الرابط ماهو شغال وقلتله على موقع ذبيحه مدري يعرف له او لا أنا داخ راسي كثير المواقع الي طلعت لي
وحبيبتي ايش هو الزب كود
وأخوي موظف رايح دوره 3شهور وراجع يعني ماهي دراسه لا دورة كوارث طبيعيه وإسعاف طائر
وفلوريدا أم الكوارث الله يستر
والله يعطيك العافيه

جزاك الله خير والرابط ماهو شغال
والأكل قلت له جيب لك رز ودجاج وخضار واطبخو انتو قال المشكله مدري الدجاج مذبوح حلال او صعق كهربائي والزيت خايف يكون معه شحوم الخنزير
وهو اول مره يطلع برا ولسى ماكمل اسبوع ويقول نفسي ارجع لسعوديه واكل من طبخ امي:hahaha:

غريبة الروابط مهي شغاله حتى حق دلوعه

هادا عنوان بقاله عربية في نفس المدينة

Middle East Market
4479 North State Road 7, Lauderdale Lakes, FL 33319

شايفه الرقم بعد FL هوا دا الزب كود

لو يعطيكي الزب كود حق عنوانو نعطيكي اقرب بقالة

و ترى انا عايشه هنا من 3 سنوات و الحمدلله ماجانا شي :)

و حتى لو راح السوبرماركتات حقتهم وول مارت او ببلكس

و يشتري الدجاج من ماركة تايسون هادي كوشر يعني مذبوح

والله يعنيهم :)

بنات هل رمضان بيكون اجازه ولاكمان بندرس فيه ؟

حـــــــــلم وتحقق

الله يعين اخوك على الغربه ويوفقه

والله اكل الام طالت الغربه والا قصرت مانقدر ننساه ولا نحصل مثله هنا هههه

مثل ما قالو البنات عندك البقالات العربيه والمطاعم العربيه والحلال يقدر يطلعها من موقع ذبيحه انا افتحه عن طريق الجوال وابحث عن اقرب مطعم في المنطقه اللي انا فيها ..

ومريحني من مطاعمهم و الشك في الاكل اللي يقدمونه فيها ..

وكمان منتجات تايسون مذبوحه .. بس يسمي قبل ياكل ويتكل على الله ترا الدين يسر مو عسر ..


وعندك المنتجات اللي مكتوب عليها حرف u يعني نباتي مثلا الزيت اللي عليه هذا الحرف ياخذه وهو متطمن لانه مصنع مخصوص للاشخاص النباتيين ..

والحرف k كوشر يعني اكل يهودي وهذا مافيه خنزير لان اليهود ما ياكلونه بس تخافين من اضافتهم للخمور في بعض انواع الصلصات ..


وكمان فيه في السوبر ماركت الكبار ركن مجمدات بس تتسخن في الميكرويف وتصير جاهزه للأكل

خليه يشوف السمك والربيان ويشوف اللي مكتوب عليها حرف k و احيان يكون عليه دائره او مثلث او زخرفه يعني لازم يركز (=


بخصوص الصلاه فيه برنامج الاذان يحمل ع اللاب توب وبرنامج find mecca على الاي فون ..

يكتب اسم مدينته ويطلع له اوقات الصلاه ..

سديم

والله ماعندي فكره عن جميع الجامعات لكن اللي اعرفه من خلال سنوات الغربه انهم مايعطون اجازه بس يوم العيد ..