حبابة اذا بتعرفي المجمعات اللي في كسمي

ادخلى على قوقل ماب و اكتبي
Apartments near Kissimmee, FL

حتطلعلك كللل المجمعات السكنية في كسمي فتحي على الويب سايت حقها عشان تعرفي الاسعار و تخطيط الشقق و كداا

ترى هيا دي طريقتي دايما لمن ابغى ادور على شقق

هلا والله بالعسوله ام العسوله ..

ننتظر الاخوات ممكن يفيدونا عن الشقق بالكيسمي
ولاحظت في الماب ان فيه منطقه جنب السلبريشين واسمها Davenport وفيها مجمعات وشقق .. شو تعرفون عنها !!



وبالنسبه للميزانيه ام امووله لما عرفت ان الشقه تكلف فوق الالف والحضانه كذلك وان المكأفاه اقل من 3000$ خفت والله انها ماتكفي .. بس الحمد لله كبدايه قالت لي وحده انها تترك اطفالها عند وحده مغربيه في بيتها وانها مستعده تهتم بولدي وبمبلغ جدا مناسب 400$ .. اظنها فكره ممتازه على ماابحث اكثر عن الحضانات واتعرف ع المكان بس بقى موضووع السكن هو يلي شاااغلني ليل ونهار ..


احس اني جبت لكم القلق معي هههههه
ما راح ترتاحوا من القلق الا لما استقرر ان شاء الله واعرف البلد واتطمن ههههه بعدها نروح للتسوق والاوت لت والامووور الحلوه : )

يعني مافيه اي مفرر مني ان شاء الله هههه


الله يحفظكم يارب







 

يس ياقلبووو يا ام العسوووله الاموره
وانا بحثت بهذه الطريقه و برضو بحثت عن طريق المواقع
مثل ماي نيو بليس و فور رنت وبحثت عن طريق برامج الايفون
وتقريبا حفظت كل المجمعات ههههه بس لاحظت ان الاسعار ممكن تكون مكتوبه لشقق غير مفروشه و الصور الواضحه انها لشقق مفروشه وهكذا و المسأله الاهم انه صعب اعرف لو المجمع آمن او لا الا لو كان فيه شخص ساكن قبلي و في الياهو قدرت اعرف ان بعض المجمعات غير آمنه عن طريق تعليقات السكان لكن المشكله مو كل المجمعات السكان كاتبين فيها تعليقات هههه
والنظافه لابد ان الواحد يشووفها بعينه مو عن طريق الصور .. ولهذا السبب بدي معلومات من سكان في نفس المجمعات
 

^_^

هههههههه طبيعي و الله افتكر احنا جينا على وجهنا

لكن دحين الحمدلله الواحد سار يفهم و يساعد الناس كمان

انا اقلك الشقق ما تكون مفروشة هما يوروكي زي المودل يكون مفروش

بس الشقه تجيكي مطبخها جاهز فيه ثلاجه و مايكروويف و دش وشر و الفرن

و الشقه تكون مفروشة يعني مو سيراميك

و حكاية المجمع امن او لا لا تاخديها من التعليقات اللي في الياهو

انا صاحبتي ساكنة في سكن و تقولي ما شفت سيارة شرطه تدخل عندنا

و التعليقات اللي قرأتها تقول كل يومين داخلتلنا الشرطه تدور على احد فالواحد ما يدري

انتي لمن تجي و تزوري المجمع شوفي بوابة المجمع هل في بوابة او مافي

و هل البوابه مقفلة ولا كيف الوضع يعني كداا

ترى المكافأة 3097 هههههههه و الحمدلله بتكفي

بس هيا حكاية الحضانة اللي صح تكلف بس بـ 400 دولار مررره ممتازة

وبالنسبة لديك المنطقه والله سامحيني ما ادري عنها

بس يا عسل ممكن تاخدي شي مو في كسمي خدي في اورلاندو المنطقه اللي قريبة من كسمي

ارخص انا اعرف بنات كان في داك المعه و ساكنين شويه بعيد لان المنطقة حول المعهد الية شوية من ناحية السكن

و السيارة تقصر المسافات يا عسل

بجد المكافأه ٣٠٩٧$ !

لمبتعث ومرافق وطفل ع بالي اقل : )

انا صاحبتي تقول انها بمجمع فيه بعض الشقق مفروشه وبعضها لا

و السعر بالموقع مكتوب للي مو مفروش واللي مافيها خدمات ..


وماعندي مشكله لو اسكن بمنطقه بعيده

لان بدنا نشتري سياره ان شاء الله والله يسهل يارب

و تسلمين ياعسل والله انك ريحتيني

اساسا لما اشوفكم مجتمعين هنا مع بعض ارتااح نفسيا

الله يسعدك يارب و يخلي لك اموووله ..