السلام عليكم بنات اوهايو ...

انا بنتقل قريب لاوهاويو مدينة ( كنت ) ياليت اللي تعرف عنها شي
من ناحية السكن والاسعار والمحلات العربية والعرب والتاكس كل شي تعرفة
تقول لي والله يجزاها خير .. النتظر ردكم بسرعه لان مامعي وقت

اهلين اختي قمة الرقه

انا ساكنه في كنت ان شاءالله اقدر افيدك

انا لسى ماصار لي شهرين لكن ابغى اعطيك المعلومات اللي عندي

بالنسبه للسكن في كنت الزين والجديد مره قليل اللي اخذناه احنا هو عباره عن شقه

ابغى اعطي الرابط حق السكن

http://www.pebblebrook.cc/

بالنسبه للأسعار

غرفه +حمام مساحتها 860 = سعرها :829 دولار
غرفه + حمام + دين ( اشبه بالمستودع ) مساحتها 980 = 869 دولار
غرفتين + حمام مساحتها 1070 =899 دولار
غرفتين + حمامين مساحتها 1190 = 949 دوبلؤ

بالاضافه الى 25 دولار للمويه

السكن هذا بالنسبه لي افضل سكن في كنت

قدامها الول مارت تروحين له مشي

والمحلات العربيه في ستو مدينه ملاصقه لها تبعد تقريبا ربع ساعه

الجامعه كنت ستيت قريبه من السكن

المدينه صغيره ومافي مولات بس في اكرون مدينه ملاصقه تبعد 25 دقيقه تقريبا

مدينه هاديه وآمنه وجوها حلو والطبيعه روعه فيها

امممممممممممم

تقريبا هذا اللي في بالي اللحين

اس سؤال عندك اتفضلي وانا حاضره

امريكن كوفي


مااقصرتي حبيبتي وكلك ذوق ومعلوماتك افادتني كثير

الله يجزاك خير

هلا اختي
حياك الله..بتنور اوهايو كلها يالغاليه

انا ساكنه في اكرون..هي قريبه بالمره من كنت..

بالنسبه للاماكن العربيه فيه كثير على ماسمعت في اكرون وستو.. بس انا صراحه توي جديده بالمنطقه
اللي اعرفه انا بقالتين عربيتين وبقاله هنديه ومطعم هندي بستو.
اذا حبيتي اعطيك الاحداثيات حقتهم..

ولا تشيلين هم العرب مشاء الله السعودين بكل مكان في اوهايو هههههههه خاصه ستو هي تعتبر حي العرب

وفيه كليفلاند مدينه كبيره وقريبه من كنت بعد بس مو عارفه المسافه صراحه
فيها مطاعم وقهاوي ومحلات عربيه كثيره مره

بالنسبه للسكن الاسعار تتشابه ومتقاربه
rent.com
apartment.com
ادخليهم يالغاليه وشوفي منطقة الجامعة وش السكن القريب منها ومناسب لكم
موفقه

السلام عليكم .. \حيا الله بنات أوهايو
أنا بإذن الله جاية لأوهايو لمدة 3 أيام ..
يوم في كليفليد واليوم الثاني بنروح الملاهي .. اممم نسيت اسمها ..
المهم ايش في أماكن حلوة وما تتفوت مكن نروح لها ..
وا فندق حلو ومطعم عربي حلو ..
مشكوررررررررررررات يا عسلااااااااااااااااات
ورمضان كرييييم .