كوبونات الراقية تسجيل الدخول

مبتعثة محتارة
مبتعثة محتارة •
أختي أم رغد الله يجزاك خير و ينور لك دربك و الله أفدتيني و أخيراً عرفت وين أروح كنت من أول على أساس هذا الموقع ثم تلخبط كل شي لما شفت الموقع الثاني

أنا حبيبتي مو مستعجلة على التخرج و أنا ما أقدر أحصل على التوفل هنا حاولت و دخلت معهد برلتز و الحمد لله لغتي الآن جيدة لكن أنتي تعرفين أنه التوفل فية سبيكنج و رايتنج و ريدنج مو بس جرامر و أنا موظفة و أم و ما عندي وقت للدورات وقت الدوام و أنتي تعرفين أنه اللغة يبيلها ممارسة و تمارين لذلك قررت أني أسافر ولو عندي توفل كان جلست و أخذت الدكتوراه عن طريق الإشراف المشترك لكن لي سنتين و أنا أحاول و في الأخير قررت أني أسافر

اللي أنا خايفة منه أني ما أقدر أحصل الGRE يقولون صعب و المشكلة الجامعات اللي فيها تخصصي قليلة و منها أوهايو ستيت لذلك قررت أني أدرس لغة عندهم حتى أكون قريبة و أتعرف على شروطهم عن قرب و إذا كان لديك فكرة عن مستوى المعهد ياليت تفيديني

أختي حابة أعرف أنتي درستي في أمريكا من بداية الجامعة فلماذا الآن تأخذين لغة مادمت مسجلة فعلاً
و
أنا طولت بس أعذريني مالي غير الله ثم أنت تطمنيني
Om-ragad
Om-ragad •
حبيبتي مبتعثه محتاره ... امتحان ال GRE ما عندي خبره فيه انا ريلي امتحنه والحمد لله عداه... اما عني انا يا ست الكل... انا خلصت الثانويه العامه في الامارات وعقبها تزوجت ويينا على طول امريكا فما وحالي اطلع بعثه وايي مع ريلي فكانت الفكره ان احنا نسافر ونشوف الوضع كيف وفي نفس الوقت ريلي صار له سنه تقريبا في امريكا يعني انا ييت والبيت جاهز وكل شي مرتب يعني ما تعبت ابدا وعقبها بعد شهرين حملت وما صار نصيب سقط وانا حامل في شهرين وبعد ما سقطت بشهرين حملت مره ثانيه والحمد لله يبت رغد وهذا اللي عطلني اني اكمل دراستي فاهتميت بتربيتها لان مثل ما تعرفي صعب اني اخذ مربيه هنيه فامريكا... وبعد ما صارت 4 سنين تقريبا خليتها عند امي فالامارات وبديت اللغه لمده 6 اشهر... وبعدها كملت بنتي 4 سنين ونص يبتها معاي وفي نفس الوقت انا خلصت اللغه ودخلت الجامعه ادرس بكالريوس في علوم هندسة الكمبيوتر والحين رغد في مدرسه اسلاميه عندنا في كلومبوس وانا وابوها في الجامعه والحمد لله... وتوته توته خلصت الحتوته..
Om-ragad
Om-ragad •
حبيبتي حواء مغرورة....في ملابس لحوامل في JCPenney و Target و GAP و OldNavy اذا سرت وما حصلتي اسألي عنها ...قولي لهم ?Where can I find maternity clothes


و تحصلينها بعد في المحلات الخاصه فيها مثل

http://www.motherhood.com
افتحي الموقع واكتبي ال ZipCode مال منطقتج وبيدلج على اقرب واحد لج او ادخلي قوقل وتصفحي على كيفج...
ان شاء الله افدتج
مبتعثة محتارة
مبتعثة محتارة •
أم رغد جزاك الله ألف خير . حلوه الحدوته :)بس ما قلتي لي أنتي درست لغة في أية معهد من الإثنين لأن حالتك تقريباً مثل حالتي ولا إيش رأيك و أنا أسألك أنت الحين تدرسين لغه ولا خلاص من يوم تسجلين في الجامعة ينتهي الموضوع.
Om-ragad
Om-ragad •
مبتعثة محتارة مبتعثة محتارة :
أم رغد جزاك الله ألف خير . حلوه الحدوته :)بس ما قلتي لي أنتي درست لغة في أية معهد من الإثنين لأن حالتك تقريباً مثل حالتي ولا إيش رأيك و أنا أسألك أنت الحين تدرسين لغه ولا خلاص من يوم تسجلين في الجامعة ينتهي الموضوع.
أم رغد جزاك الله ألف خير . حلوه الحدوته :)بس ما قلتي لي أنتي درست لغة في أية معهد من الإثنين لأن...
هلا حبيبتي انا اول شي قدمت على الجامعه عن طريق الانترنت فالمعهد اللي قلت لج عليهALP للي ماعنده قبول وعقب امتحنت تحديد مستوى عسب يحطوني فالمستوى المناسب فالبدايه دخلت المستوى الثالث وعقبه الخامس لان علاماتي كانت عاليه فما كنت احتاج المستوى الرابع والمستوى الخامس هو اخر مستوى.. وبعده تلقائيا ادخل الجامعه اذا عندي كل شروط القبول مثل SAT Test .. انا حاليا خلصت اللغه والحين فالجامعه اخذ مواد التخصص مالي .. بس الجامعه تطلب من كل الطلاب انهم ياخذوا كلاسات Writing عسب تفيدهم في الكتابه خلال دراستهم .. مثل ما تقولي متطلبات الجامعه.. وهذا هو المعهد الثاني وما يحتاج تقدمين طلب لان اوتوماتيكيا بعد ما تخلصين ال ALP تدخلين الجامعه.

بس على فكره اذا بتدخلين المعهد مال الجامعه وتاخذين منهم التوفل( العادي مو بالانترنت) ما تقدرين تقدمين على اي جامعه ثانيه لان هالتوفل خاص بجامعه اوهايو... واذا تريدي تغيري الجامعه لازم تاخذي ال IBT التوفل اللي بالانترنت.

واسفه عالتأخير كنت مشغوله..