انا ان شاء الله بجي سنسناتي بعد اربع شهور

كيف المدينه وجوها وش الاشياء المهمه اللي مش موجوده عندهم تكفين طمنيني والله ما احب الغربه لكن الشكوى له


ردي لي حبيبتي فتونه الله يخليك

اهلين اختي حنين
يووووه مطوله متى بتجين بعد 4 شهور تعالي الحين
شوفي انا اول ماوصلت ماحبيت المدينه ابد ابد بس بعدين الحمد لله تعودت
الحمد لله كل شي موجود بالمحلات العربيه لاتخافين ماراح ينقصك شي
الحين حنا الجو عندنا مشتي مررررررره برد موت
والثلج ع وشك النزول جيبي معك ملابس شتويه عشان ماتضطرين تشترين من هنا
المدينه عموما حليوة يمشي حالها
بس يبي لك فتره ع ماتتعودين ع الوضع الجديد والغربه

اي شي ثاني انا تحت امرك
انا ابي اتعرف على بنات سعوديات

:):)

فتون حبيبتي زوجي راح يجي ببداية محرم عشان اللغه وبيجلس 3شهور بعدين ان شاء الله بياخذني

لكن قالوا لي فناجيل القهوه ماتلاقينها هناك وقدر الضغط والترامس الاصليه صحيح ها الكلام ولالا

الله يسهل علي وعليك ان شاء الله نكون مع بعض هناك

نداء عاجل الى الاخوات اللي ساكنات بسنسناتي
donia 06
Asooooma
sunsun_micro
قلب ماما
سيما 2008
ابى اتعرف ع خواتي الي ساكنات بسنسناتي والله ضايق خلقي بططططططططق من كل شي
ولا ترى برجع <<<< وحده تهدد كأنه ع كيفي الحين الرجعه

يله عاد بنات تكفون فزعتكم

الله يخليكم لعين ترجيكم






هلا حنين ايوه انا نسيت اكتب لك
انا جبت معي من السعوديه قهوة بن مطحونه وهيل وترامس قهوة وشاي وبهارات القهوة والزعفران وكمان فناجيل القهوة جبت كميه وكلها ميلامين عشان ماتتكسر مع الاغراض
وش بعد ..... حطي معك حبوب في الشنطه احتياط ادويه تستخدمينها بنادول يعني من هالاشياء لان عندهم مايعطونك اي شي من الصيدليه الا بوصفه طبيه ... هذا اللي اتذكره حاليا اذا تذكرت شي ثاني بقولك عليه ..
ماقلتي لي انتي سعوديه من وين بالضبط واذا ممكن ارسلي لي ايميلك ع الخاص .. ماعرف وشلون ارسل ع الخاص ..
امس كنت برجع اكتب لك يوم تذكرت هالاشياء بس قالوا ممنوع كتابه اكثر من 3 مواضيع في اليوم

ايوه ع فكره قدر الضغط لقيت عندهم بس اصغر واحد عندهم يجي مثل الوسط عندنا بالسعوديه بعدين انا ماعجبني لانه استيل اللي عندنا بالسعوديه احلى يجي من نوعية ( سب ) حلوة هالنوعيه اذا تقدرين جيبي معك انا بحاول اقول لامي ترسل لي واحد من عندهم احسن ..

كلامي كثير بس ابي اكتب كل شي مابي انسى
وياحبيتي لا تخافين مادام زوجك بيجي قبلكم يعني بيكون مجهز وعارف كل شي
انا الحيم زوجي يدرس لغه اكيد اذا جاء زوجك بيتعرفون عليه لاتهم بالمعهد اول مايجي واحد جديد ع طول يعرفونه
والله يسهل للجميع ويهون علينا

مثل ماقلت لك اذا حابه ارسلي ايميلك بقولك كل شي بالتفصيل الممل

اذا عندك اي استفسار ثاني لا يردك شي