امورة الثانية بتمشي عندك علشان الجلد لونه اسود بيروح وفي نفس الوقت الخشب بيكسر اللون

بس اتاكدي منيح منيح من الكراسي والطاولة يكونوا ماكنين وقويين في منهم بيكونوا خفاف

امورة انا عجبني الثالث احسه فخامه لكن بما انه اثاثك كله غامق انا مع قوت الثاني حلو لونه وشكله كثيير هاادي والله يسهلك يارب ..

اردنية آخر ثنتين شكلهم حلو, لكن اذا كله اسود روحي مع الخشب الفاتح و رتبي كذا خدادية على الارض او الكنب بلون خشب الطاولة لحتى يلبقوا لبعض.

قوت ما بعرف و الله, بعثت له مسج و برد لك خبر. <<< هي مش صاحبتي زوجها صاحب زوجي. (يا ترى بتعرفي عرب كثير عندك؟ لي صديقة من 12 سنة اتزوجت و سافرت لتكساس و انقطعت اخبارها عني, و اللي مجنني اني شاكة انه زوجي بيشتغل عند اخوانها بس فين يروح يسألهم عندكم اخت اسمها فلانة, فاذا بتعرفي وحدة الها اخوة و اختين بشيكاجو رديلي خبر.

اضافة <<< اتصل زوجي زوجي و قال انه كان زمان في بلانو تكساس؟ هيك فهمت بلانو, و بيقلي حاليا ساكن في دالاس ببيت ملك شاريه ب160 الف ما شاء الله مش فاكر زوجي كم غرفة نوم بس هو زار البيت بيحكيلي ولا بيت ب500 الف بشيكاجو و فيه سويمنج بول و حجر مع التاكس بيدفع 1100 او 1200, بيقول انه جنب اكبر جامع في تكساس (مدري بيبالغ و لا شو, زوجي زارهم 4 او 5 مرات و هو بالشغل) <<< المضحك في الموضوع اني ساكنة بشقة غرفتين نوم و حمامين و غرفة غسيل و لا كأنها علبة سردين و بدفع عليها 1170 بالشهر, قعد هلأ يساومني نرحل بيفكر اني انا اللي انتريستد مش بجيب معلومات بس قلت له نو ثانك يو بديش عقارب و لا سحالي و حيايا و لا حشرات الله اعلم شو كبرها

تسلمووولي زوجي مبسوووط لانه التصوويت اجا معه شكله متفق معكم ههههههه
صح كلامكم مقنع لانه غرفة النوم اسود وطاولة التي في وطاولة الوسط والطربيزات برضو اسود فهيك راح يصير كتير
توتة .. جميل جدا اقتراحك بس نشتريها فيكي تساعدني بافكارك الحلوووة ازا ما فيها غلبة بنزل الصور وانتو بتعطوني اقترحات ان الله راد ..
قووووووووووت ... وه وه بدي اجي اسكن عندك اسم الله كل هاد بس في 1300 ؟؟؟؟ ليش احنا اجارتنا ناااار ع غرفة وصالون بسسسس مع انها تكساس من الولايات الغالية ؟؟؟؟
انا نفسي اسكن في هاااوس بحسه رايق كتيررر مع اني سمعت انه غلبة في التلج

اردنية <<< مرحبابك يا عمري, تعالي في ايا وقت بتلاقي اللي بيعجبك, اكيد ما بننسى هوم <<< عجبوني افكارها للطاولة و الغطاء.
و بالنسبة لولايتك, تعتبر من اغلى الولايات, و بما انك ساكنة بنص الداون تاون ارتفع السعر, كل ما بتبعدي عن الداون تاون كل ما نزل السعر و خف..
اما السكن في هاوس كثير حلو بس فيه مسؤوليات كثيرة و انتي بولاية ثلج راح تتعبوا في الشتوية, هاد غير عن الفواتير اللي انتوا مش حاسين فيها هلأ منها القمامة و الغاز و الماء غير عن الكهرب و الassociation fees و اذا اهلتوا اليارد اسبوع زمان بيبعثولك تهديد يا بتهتموا يا احنا بنقص الحشيش و بنرتبها و انتوا ادفعوا الفاتورة <<< غالبا مبالغ فيها سبق حصلت معي و كان حيدفعوني 500 دولار, لولا ابن اخوي جبته و دفعت له 20 دولار و قص الحشيش و افتكيت.
برضه اذا حصل عطل او خراب على راسك و ما اقصد مثلا بالوعة مسكره, لا شوفي الواتر هيتر اذا خرب بيكلف شي و شويات و اذا الروف بده تبديل ميزانية لحاله! و اذا وصلوكي التيرمايتس اكلتي هوا عالمزبوط!!